اکتوبر ٢٠٠٧ 

 مروچی وودگرین ءِ کتابجاھ ءَ شتاں گوں جزیرہ موریس ءِ ورنایے ءَ دپ کپتاں من رضاشاہ بزاں رضا کچل ءِ باروا چہ آیئ ءَ جست کت آئی ءَ من ءَ گوشت منی پت ءَ منءَ گوشتگ کہ پرشیاءِ بادشاہ انگریزاں مدتے ھمداں چگل داتگ ءُ رندءَ جنوبی اپریکہ ءَ برتگ ءُ چگل داتگ کہ ھموداں مرتگ ورنا ءَ نوکیں گپے گوں منءَ گوشت منی پتءَ گوشتگ لھتے موریسی ورنا یک شپے ءَ آئی ءِ لوگ ءَ اُرُش کتگ ءُ بازیں دالر ءُ تلاہ برتگ من گوشت پلیس ءَ ھچ نکتگ ؟ ورنا ءَ پسہ دات پلیس ءَ ورنا وت دیم داتگ انت کہ اے کار ءَ بکن انت

رضا شاہ ءَ دومی جھانی جنگ ءَ ھیتلر ءِ پشداری کت ءُ وتی منّءَ انگریز مان نیاورت انگریز ءَ گوں پِرسیا ءِ پِنچے ھاک ءَ اپریکہ ءَ دور دات کہ ھموداں مرت ءُ شت ءُ مروچی ملا خامنہ ای امریکہ ءُ انگریز ءَ دنتان پیشدارگ ءُ چو ہشتر ءَ دمبشاپ کنگ ءَانت رضاکچلءِ انجام آئی ءِ ودار ءَ انت وتی تریاکی پتینک ءَ یکیں دست ءَ لونجان کنت ءُ دیم پہ روس ءَ لنگ جنان بیت شادکین  احمدی نژاد دراج گوشیں خاتمی ءُ گوسگیں رفسنجانی چو دزین تولگاں آئی ءِ رند ءَ ءَ کپنڈوران بنت آ روچ دور نہ انت