بلوچی گیدی اسپانکُک

مھمان

شھری بلوچے کوھی بلوچے ءِ مھمان ات . بھارگاہ ءِ موسم ءُ شیر ءُ شیلانچ ءِ وھد ات
اناگت ءَ بھارگاھی جمبراں آزمان پُچ ات ءُ گرند ءُ گروکاں کوہ جکسینت انت . رگامانی چیلکاں ڈّنّ ءُ ڈگار ءَ لپاشان کت . بلوچ ءِ لوگ ءَ کہ چار کرز ءُ تگردے ات چہ ھر نیمگ ءَ آپ درک ات

بلوچ ءَ دست برز کت انت ءُ گوشت : یا ھدا مارا تورے جھندم ءَ دور بدے ,بلے کمےّ پہ مھمان ءَ بچار. تو شرّ زانے بلوچاں مھمان چہ وتی چمّاں دوست تر انت. چہ تو دزبندی کناں کرّیں میکائیل ءَ بگُش گیشتر ھور مگوارین . سے چار رند ءَ آئی ءَ وتی دست برز کت انت ءُ دوا لوٹ ات.وھدیکہ دیست ئے ھور ترند تر بیان انت ,چہ لوگ ءِ دیم ءَ درتکگین تپنگ ایرگھت ءُ گوشت ; نوں کہ تو مھمان ءِ شرپ ءَ نکن ئے تئی دوا کوش انت. تپنگ ءِ سُّرئے چہ تگرد ءِ شُنٹ ءَ آزمان ءِ برزادی ءَ کت ٹھک ٹھک ٹھک ءَ چنت تیر ھالیک کت کہ ھور ءَ ترندتر ایر دات

بلوچ ءِ لوگبانک کہ لوگ ءِ سروکے ءَ اوشتاتگ ات ءُلوگ ءِ کشیگ داشتگ ات کہ مھمان ءِ سرءَ مہ کپیت ,گوں جود ءَ گوشت ئے ; بے نسیب ھداات نکشت آزمان ءِ بُن ات ٹُنگ کت

شوھاز کار علی رئیسی