گپّ ءُ ترانے گوں ھیچان وبلاگ ءِ وانوک ءُ چاروکان

من پہ وتی ھڈّانی تاپینگ ءَ یک ماھے ءَ المغربءِ بادشاھی ملک ءَ بوتگاں ,نوں من پدا وتی کار ءِ رندگیری ءَ کناں . منی واھگ ءُ مراد ماتی زبان بلوچی ءِ بودناکی ءُ دیمروی انت . ھنچو دنیا ءِ نوکیں اھوالاں شنگ ءُ تالان بنت . ھنچو کہ سرپد ات ھیچان وبلاگ ءَ منی نبیستگیں آزمانک ءُ دگہ نبشتانک ویدیو ءِ ڈولءَ پیشدارگ بنت. من چہ وانوک ءُ چاروکاں دزبندی کناں جہ منی ردیاں منءَ سرپد ءُ سھیگ بکن انت. من شمۓ سر ءُ سوج ءُ رھشونانی رھچاراں
ھما واجہ ءُ براتاں کہ پہ من کلو ءُ پیگام دیم داتگ من آیانی منّتواراں . من چہ واجہ محمد کریم ءَ باز منّت واراں ءُ چہ واجہ ءَ دزبندی کناں گیشتر بلوچی زبان ءُ لبزانک ءِ نیمگءَ بییت . بلوچی مئے وتی شھدیں زبان انت
منی المغرب ءِ ترّءُ تاب ( سفرنامہ ) پہ ھمے زوتاں ماھتاک بلوچی کویٹہ ءُ ھیجان وبلاگ ءَ شنگ بیت

شمے کستر علی رئیسی. ٩ فروری ٢٠٠٩