دنیا ءِ ڈولدارتریں مردین کُتام انت ؟

سینووِت انترنشنال گروپ ءَ پہ دنیا ءِ ڈولدارتریں مردینانی گچینکاری ءَ یک جُست پُرسی مراگشے ٹھینتگ کہ آ مراگش ءَ ایتالیا ءِ

مردین دنیاءِ ڈولدارتریں مردیں گچین کنگ بوتگ انت.کہ ھرچاں آ دیم پہ پیری ءَ رو انت ءُدیم اش کرچک ترّیت بلے پدا ھم ڈولدار گندگ بینت

ماں اے جست ءُ پرس ءَ دہ ھزار جنینءُ مردینان بھر زرتگ کہ آیانی عمر ١۵ دانکہ ۶۴ ءَ بوتگ. آ چہ ١٢ کشور روس, استرالیا,برزیل,کانادا,فرانس,یونان,مالزی,زرباری اپریکا, اسپانیا , انگلستان ءُ امریکہ ءِ مردم بوتگ انت. ایتالیا اے جست پرس ءَ ھور نبوتگ, بلے ایتالیائی مردینان اولی نمبر کٹّتگ .دومی نمبر امریکہ ءِ مردین بوتگ انت.روس ءُ برزیل سیُمءُچارم بوتگ انت
جست پرس بیوکاں گوشتگ کہ مردینانی ڈولداری وشرنگیں دیم ءُ ورزشکاری جان آیانی ڈولداری ءِ نشانی نہ انت. ڈولداریں مردین ھما انت کہ چِنگانہ ءُ ساپ ءُ سلّہ ببنت,ریش بروتاں بساینت,اے ڈولیں مردین وتی کرّءُ گور ءِ مردمانی دلگوش ءَ گیشتر وتی نیمگ ءَ ترّین انت

یک دگہ شرتے پہ ڈولداری ءَ گران ءُ سنگینی ءُڈو لداریں بچکند گ انت
تھنا یک درسد چہ آیاں گوشتگ کہ بزین ءُ شریں مود مردین ءِ ڈولداری ءِ نشانی انت
اے جست ءُ پسّہ ءَ جنینان گوشتگ کہ ادوکلن ءُ وشیں بو مردین ءَ ڈولدارترکنت

اسپانیاءِ جنینان گوشتگ کہ ورّمیں پوشاک پہ مردینان زلوری انت.بلے یونانءِ جنینان گوشتگ ما جان ءَ پرّءُ مزن باھُڈیں مردین ءِ لوٹوکیں انگریز, فرانسءُ استرالیا ءِ جنیناں گوشتگ مردینانی بچکند زلوری انت
۶٠ در سد مردماں گوشتگ کہ مردیں ھر چاں دیم پہ مزن عمری ءَ روان بینت آ ڈولدارتر بینت. امریکہ ,چین,یونانءُ مالزی ءِ مردماں ھنچو گوشتگ

علی رئیسی ١٧ دسمبر ٢٠٠٨