ما گلاماں تاں کُتام جاگھ ءَ سربوتگیں

پاتریس لومومبا سیاھانی بے بھتیں رھدربرَ سیاست,کار ءُ دگہ ھر چیزءَ کم بھتے ات.وھدیکہ پہ پّٹ ءُ پولی کارے ءَ بلجیم(بلجیک)ءَ شت آئی اش بھتام جت کہ دولت ءِ دالر دّزتگ ءُ وارتگ انت,آئی اش گپت ءُ بندیگ کت, وھدیکہ اے بھتام ءِ دروگی پاشک کت ءُ چہ بندیجاہ ءَ درآتک رمبے آزاتی لوٹوک جوڈینت ءُ افریکہ ءِ سیاھپوستیں رھدربر منّگ بوت. پدا آئی اش گپت ءُ بندیجاہ ءَ دور دات

پاتریس لومومبا کنگو ءِ سرزمین ءَ ھما وھد ءَ پیدا گ بوت کہ کنگو بلجیکیانی لگتانی چیرءَ ات.آ کاتولیکے ات ءُ وتی سئیں براتانی ڈول ءَ سالے یک وانگجاھے ءَ درس وانت ,چہ پروتستانانی ءُ دانکہ پست ءِ وانگجاہ ءَ . پُست ءِ کارجاہ ءَ کار ءَ لگّت. کنگو ءِ اولی سروزیر گچین کنگ بوت.یکّے چہ کنگو ءِ ایالتاں وتواجھی ءِ جار جت کہ بلجیکیاں موسے چوبہ پہ اے کار ءَ سکین دات .چومبہ ءُ بلجیکیاں پاتریس چہ سروزیری ءَ درکت.ءُ پہ ناھودگیں نیمون ءَ پدا بندیجاہ ءَ دور دات. مردماں شار شور کت کہ اگان آئی ءَ ۴٨ ساھ ت ءَ آزات مکن انت بلجیک ءَ سر چیر کن انت ,بلے مردمانی شار شور چو سازمان ملل ءِ دیوان ءُ درگاھاں ھچ بر ءُ آسرے ندات. ۶٧ روچ رند چہ کنگو ءِ آزاتی ءَ لومومبا ءِ درنجگ ءِ ھکم دیگ بوت

لومومبا چہ بندیجاہ ءَ جِھِت بلے پدا دزگرکنگ بوت.سازمان ملل ءَ ھم آئی ءِ پشتداری نکت.بلجیکیانی ھال ءِ رھبند ءَ لومومبا ١٧ جنوری ١٩۶١ ءَ بلجیکیاں چومبہ ءِ دیم ءَ کہ آئی ءِ ھاسیں سنگتے ات دار ءَ درتک.بلجیکیاں آئی ءِ لاش ءِ سر ءَ ھم رحم نکت . آئی ءِ لاش اش اسید سولفوریک ءَ دور دات تا کہ آئی ءِ کبر زیارتجاھے مبیت. آئی ءِ دو دنتان ءُ ٹُّکرکے ھّڈ پشت کپت .گشگ بوتگ ات کہ سازمان سیا ءَ گون آیزنھاوِر ءِ دستور ءَ اے کار کتگ
بلجیم ءَ سآل ٢٠٠١ءَ لومومباءِ کوش ءِ زمّہ زرت ءُ چہ کنگو ءِ مھلوک ءَ پھّلی لوٹ ات.کنگو ءُ دنیا ءِ مردم آئی ءَ نشموشنت ءُ کنگو ءِ رھدربر زان انت