منی ھیچان

2011-12-15T05:58:00.000-08:00

2011-12-02T13:52:00.000-08:00

بلوچ بنديگانی ازاب کــُوش کنگ ءِ هـاله ئيـں مجـرم پارس ءُ پنجـاپ اَنـت

ايرانی ءُ پاکستانی واکدارانی همشـوری ءُ هرپيمیں همکاری چه ۱۹۴۸ ءَ بگـر تاں مروچـی بلـوچ راجدپتـرءِ تهاريـں

بهرے انـت. اے اولـی رند انـت که بلـوچ راج ماں يـک دؤرے بـزان هنوگيـں دؤر پارس ءُ پنجاپی يانی ايردست انـت. مـاں بلوچستان ءِ کْـوَهـن ءُ دراجيـں تاريـخ ءَ اے اولـی رند انـت که پارس ءُ پنجاپی هوری ءَ مئـی وتـن ءُ هنکيــں آوارجتـگ ءُ هنچـوش په مئے ملـک ءِ وتيگــی کنگ ءَ تکانسـر انت که گوشينـئےبلوچ گلزميـن آهانی پـت ءُ پيروکانـی ميـراس انـت.چه ايرانـی ءُ پاکستانـی سرکماشانی ديوانان ءُ دوئيـں انگريزءِ اڈکتگيں ملکانی وزيرانی گندنند ءُ گپ تـران بگـر تان آهانی چگلـی اداره يانی هوريـں جاسوسـی همـا بلوچ دژمنيں کارکردانـت که په آوارجتگيں بلوچستان ءِ زوربرد کنگ ءَ جاری انت. چه سپاه ءُ پنجاپی پئوج ءِ همکاری تاں مئی ورنايانی دسگر کنگ ءُ کشگ، چه بلوچستانءِ مال ءُ مـڈيانی ءِ پل پانـچ ءَ بگر تـاں ما را وڑوڑیں ءُ شزا ءُ ازاب ديگ تهران ءُ

اسلام آباد ءِ همکاری ءُ همشـوريانـی شوميـں بروردانت

پارس فاشيستان ءُ پنجاپـی انسان دژمنيـں واکدار وتـی هونوار ءُ بلوچ کشيـں شزاگـر، بـے لـگاميــں چـگـل ءُ پئوجی مـاں بلـوچ گلزميـن ءَ يلـه کتگ اَنــت که بلوچانـی کشت کـوش ءُ لـٹ کـٹ آهانی کارکـرد انـت. هزاراں بلوچ پاکستانـی ءُ ايرانی واکدارانی دستا کشگ بوتگ ءُ بـے شمار ٹپی ءُ زدگ بوتگنــت. نامالوميـں شمارـے دسگر ءُ بيگـواه کنگ بوتگنــت که مـاں فاشيستانی کورچات ءُ شزاجاهـاں بنديگ انـت. پارس ءُ پنجاپـی شـزاگــر وڑ وڑيـں شـزا ءُ

ازاب بلوچ بنديگان دينـت ۰ لهتيـں چه انساندژمنی ءُ سـاه سنـدوکيـں شزاياں اے وڑانــت

ـ بنديگانی جـاناں گـوں کارچ ءُ چاکـو بـرگ ءُ درّ درّ کـنـگ

ـ دست ءُ پاداں، چنگلان، گوش ءُ پونزانی بـرگ

ـ بنديگ ءِ سـرا آپ ءِ چيـر دارگ
ــ درنجگ گوں يک دست يا که دوئيں دست
ـ درجنگ گوں يک پاد يا که دوئيں پاد
ـ پادانی چيرا گوں هيزران ءُ شيپاگ جنگ

ـ دست ءُ پاداں بندگ ءُ گرماگـی روچ ءِ سـرا دؤر ديگ

ـ دسـت ءُ پادانـی ناهنـاں کشـگ
ـ ناهنانی چيرا سوچـن بـُک ديگ
داگ کنگ ءُ سوچگ گوں باز گرميں آسن، داری اشکـر ءُ سيگارءِ اشکر
ـ بنديگانی دست، پاد؛ باسک ، سر ءُ سينگاں ءَ تيرجـَنـَگ

ـ دپ ءُ چمانی بندگ گـوں چسپ
ـ دسـت ءُ پاد ءُ گـردن ءَ سـک تاب ديگ
ـ دراجيں سوچين ( گوالدوچی سوچـن ) ماں باسک، سينگ ءُ لاپ ءَ بـکّ ديـگ
ـ نزيکيں وارسانی دسگر کنگ ءِ پاترپ ديگ
ـ بنديگانی نزيگين سياد ءُ وارسانـی دسگرکنگ ءُ ازاب ديگ ءُ کشگ
ـ دست ءُ پادانی چوپگ ءُ پروشگ گـوں کـُدينــه ( چکش
ـ جان ءِ سرا تيزاپ ريچــگ
ـ جان ءِ سرا لهڑیں آپ ريچـگ
ـ بنديگ ءِ سـرا ماں سرديـں آپ بــُّک ديگ ءُ چير آپ دارگ ءُ درکنگ هنچو که بنديگ به توسيت
ـ بندی ءِ پادانی ميانجين ءَ ( .... سرا ) گرانين سنگ بندگ ءُ لونـج کنـگ
ـ بندی ءِ جان ءِ سرا ناروائين ءُ رستری کار کنگ

ـ بندی ءِ سـرءُ ديمـا پلپـل ( مـِرچ ) لگاشـگ

ـ بنديءِ دست يا پاد ءِ چنگلاں ( لنـکـُـکاں ) گــُــڈگ
ـ بندی ءِ جـانءَ کرنـٹ جـَنــَگ
ـ بنـدی ءَ گـوں کرنٹــی پستول جَـنــَگ
ـ مودانی گـْـوَجـَـگ
ـ سرءِ مودان ءُ ريش ءُ بروتان ءَ سوچينـگ ءُ بنـدی سـر ءُ ديما پيلـوشينـگ
ـ ٹپانـی سرا واد ءُ پلپل ريچگ
ـ ماں بنديجاه ءَ بندی ءِ چکانی فيلـم ءِ پيشـدارگ
ـ بنـدی ءِ ٹپانـی کـُـدينـَـگ
ـ بنـدی ءِ درنجـگ ءُ لونـج کنـگ
ـ بنـدی ءَ گـوں بستگيـں چمـّاں چه بـرزگے ءَ دؤر ديـگ
ـ بنـدی ءِ توسينـگ چـه بازيـں لـٹ کـٹ ءُ شـزاياں
ـ شپانی نيم بنـدی ياں چـه واب پدرهينگ گـوں وڑوڑيـں کوکار ءُ سلوات ءُ دژمان
ـ ماں بنديجـاهءَ مارءُ زوم يله کنـگ
ـ بنديگيــں بلـوچ جنيــن آدمانی شــزا ءُ ازاب ديــگ مرديــں بنديگانی ديمــا

ـ بنديگانـی چمـاں په دراجيـں مدتـے ءَ بنـدگ
ـ بنديگان ءِ کور کنگ
ماں سردی موسم ( زمستان ) ءَ بندی يان ماں سارت ءُ تهاریں کورچاتاں دؤر ديـگ -
ـ ماں گرماگ ءَ بنديگاں ماں باز گرم ءُ کسانیں ازابجاه ءُ کورچاتان بندی کنگ.
ـ بندی يان سوچن ( انجکشن) جـَنـَگ ءُ په نشئه ای دوا هيلدار کنگ
ـ بندی يان ءِ ورگانی ته ءَ هيلداری دوا ريچگ
ـ بندی يان چه وپسگ ءَ مهــن کنگ
ـ پهلوگانی پروشگ گوں سـرلگت ءُ لـٹ جنگ
ـ بنديگانی سياد ءُ وارسانی گـِرگ ءِ پاتــرپ
ـ بنديانی چک ءُ لوگ مردمانی کشگ ءِ پاترپ

ـ بدی ءِ مردمانی کشگ بندی ءِ چمانی ديم

ـ بنديگان ءَ گـوں درچـک ءُ مچانـی کنـٹ مـُهـر بنـدگ
ـ ٹپی يـں بنديگان ءَ تگردانـی تلا پيچگ ءُ مـان کوه ءُ پٹاں دؤر ديـگ
ـ ٹپی ءُ زدگيـں بنديگان ءَ چه پئوجی هلی کاپترانی سرا دؤر ديـگ
ـ بنديگانی کماشيـں پتانی لٹ کٹ ءُ دُوا دُژمان
ـ ماتانی دسگـر کنـگ ءُ لٹ کـٹ کنگ ءِ پاترپ

ـ بندی ءِ دپ ءُ دنتاناں پروشـگ

ـ بندی ءِ شزا ديگ ءُ کشگ دگه بنديگانی ديما

ـ بندی ءِ گـُد ءُ پـُچـّاں چه جان ءَ در کنگ

ـ بنديگ ءِ سر ءُ کامپک ءَ گـوں ڈوک، دار يا کدينه ءَ پروشگ

ـ بنديگ ءِ سـرءِ مـوداں تراشـگ ءُ آيی ءَ مـُهــر بندگ چوش که وتا را هچ سرينت مکنـت

گـڈا پـٹ پـٹ سارتيـں آپ بنـدی ءِ تراشتگيـں کـُبــّـه سـرا ريچـگ
ـ بندی ءَ چه دزنماز گرگ ءَ مـَهن کنگ
ـ بندی ءَ چه نمـاز ءَ مـَهن کنـگ

ـ بنديگيـں بلوچ مولـوی ياں کاپَـر ءُ بـے ديـن گوشگ
ـ بنـدی ءِ دپ ءُ لنـٹـاں دوچـگ

ـ بنـدی ءِ سـرا پلاستيکـی تـورگ ءَ مـاں لگوشـگ ءُ مـُهـر بنـدگ هنچـوش که بنـدی نپس کش اِت مکنـت ءُ به توسيـت

ـ بنـدی ءِ گٹ ءَ مـُـهـر گـوں دست دارگ ءُ پرنچـگ بزاں گٹ تروس کنــگ
گـوں ساد لـوپ کنگ ءُ زميـن ءِ سـرا کشـّـگ
ـ بندی ءِ سـرين ءُ پشـت ءَ گـوں سهريـں آسن ءُ سيم داگ کنگ پدا هما داگ بوتگيـں جاگهاں کـُدينـگ
ـ شـزا ءُ ازابانی چيرا بندی ءَ جست ءُ پـرس کنگ

ـ بنديگان ءَ چپت ءُ چوپ کنگ گـوں مشت ءُ سرلگت

بلـوچ راج هنـوں پنجاپ ءُ پارس ءِ بنـدی اِنت. آ لوٹنـت که گـوں چشيـں شزا ءُ ازاباں ما را مدامـی وتی ايردست ءُ گـلام بدارنـت. همـا شزا ءُ ازاب که ماں دگنياءِ هچ ملک ءُ هنـدے ءَ بيد چه بلوچستـان کاربندگ نه بنت. هما شزا ءُ ازاب که شزاگريـں ڈنـّی يان ءِ انسان دژمنی ءَ پيش دارنـت. بلئـے اپسوز که ايران ءُ پاکستان ءِ انسانی هکانی پدجنوک هم وتی دپاں وت بے تـواری ءِ گرانيـں کـُبلــے جتـگ ءُ بلوچستان ءِ سياسـی بنديگانی ازاب کوش بيگ ءِ باروا کـه ماں ايران ءُ پاکستانـی کورچاتان بند انـت، بـے تـوار اَنـت

بلوچ شهيـد ءُ بنديگانـی شمار چه هساب کتاب ءَ دراَنـت. هچ بر جـار جنگ نه بوتگ که مـاں گوستگيــں هشتاد ءُ چـار سالاں چنت هـزار بلـوچ پارس فاشيسـم ءِ رستری کارکرد ءِ آماچ بوتگنـت ءُ چه ۱۹۴۸ ءَ تان مروچی چنت هزار بلوچ پاکستان ءِ هونواریں واکدارانی دستا شهيد کنگ بوتگنـت. هچ کس مالوم نهنــت که چنت هزار بلـوچ ماں ايرانی ءُ پاکستانـی کورچاتاں بنديگ کنـگ ءُ شزا ديگ بوتگنـت
مـاں رودراتکی بلوچستان ءَ گلزمين ءِ کوه ءُ پـٹ ءُ کوچگ شاهد ءُ گواه اَنـت که پنجاپی رستر گون بلوچ راج ءُ بلوچ اوبادگان چـے زلم ءُ زوراکـی کنگاينـت. راج ءِ بيگواه کتگيـن جهدکار ءُ کلانيـں ليـڈرانی زدگيـں، ٹپی ءُ پروشتگيـں، شـزا ءُ ازاب ديستگيـں شهيـدی لاش ءُ جنازه ياں مـاں شاهگانيـں گلزمين ءَ شنگ ءُ تالان کنگ بنت. اے انسان دژمنـی ءُ رستری کارکـرد پارس ءُ پنجاپ ءِ هوريـں بزان مشترکيـں پندلے انـت

مـاں ايـران ءِ آوارجتگيـں بلـوچستـان ءَ مئی انسانـی هکـاں هنچـو لگتمال بوتگنـت که هر پاسدار يا که بسيجی ما را بيـد جسـت پرس ءُ بيد هچ ميارے تيرجننت ءُ کشنـت. مـاں رونشتی بلوچستان ءَ هکومتـی سرباز بسيجی يا پاسداران په بلوچانی کشگ ءَ تيرجـَنگ ءِ اجازت هست. هشتـاد ءُ چار سال انت کـه مئی ننکان ءُ گوانزگی تبل، ورنا ءُ پيـر، جنين ءُ مرديـں ايرانی فاشيستانی دستا کشگ بيگاينـت.
ايـرانی فاشيست ءُ پاکستـانی واکداراں بلوچ ورناياں دسگـر کننت ءُ يکدگرا دينت که رنـد چـه بازين شزا ءُ ازابان کشگ بنت

مـاں رونشتـی بلوچستان ءُ رودراتکی بلوچستان ءَ بـے کانـودی ءُ بربريت هاکم انت. هـر زيادتـی ءُ بلوچ دژمنيـں کارے که که پارس ءُ پنجاپی ءِ نپ ءُ سيت انت کانود ءِ نام اِش پـرکرتگ انـت۰ ايران ءُ پاکستانی نام نهاديـں کانوداں بلوچانـی زنـد ءُ بلـوچءِ راجی وجود ءِ هلاپ اَنـت

پروشت ءُ پروش بات انـت ايران ءُ پاکستـان
آزات ءُ آبــــــاد بـات گنجيــــں بلـوچستـــــان

محمـد کريـم بلـوچ

اول دسمبـر ۲۰۱۱

2011-11-20T07:50:00.000-08:00

2011-10-08T14:38:00.000-07:00

بلوچستـان ءِ وت مستـری ( استقـــلالِ بلـوچستـان ) بلـوچ راج ءِ هـکّ انـت

بلــوچ گلزميــن ءِ چنـت هزار ساليگيـں راجدپتـر پيـش داريـت که بلـوچ راج هـر پيميـں سکـّــی ءُ ســوری ءِ دؤر گـوں سـاه ءُ جـان مارتـگ ءُ تجربـه کتــگ اَنـت. وڑ وڑيـں دژمـن چـه دور ءُ نـزّيک ءَ آتکـگ ءُ په بلوچستــان ءِ زوربـرد کنـگ ءُ بلوچ مهلوک ءِ ايردست دارگءَ وتـی زور چکـّاستـگ اَنـت. چــه اسکنــدر يونانی ءَ بگر تاں ياجـوج ءُ ماجوج، چـه ترک ءَ بگـر تاں انگريز چه هنـدی مهاجرءَ بگــر تاں پٹــان، چه فاشيستيـــں پارس ءَ بگـــر تاں انسـان دژمنيــں پنجاپــی په بلوچستـان ءِ وتيگــی کنـگ ءَ بلـوچ راج ءِ سـرا اروش برتـگ. يکـّـے چه آدگـرا رستر تـر ءُ هونـوار تـر بوتگ ءُ بے هسـاب بلـوچ آهانی دست ءَ کشـگ ءُ شهيــد کنگ بوتگنـت

شسـت سال انـت کـه تهـران ءُ اسلام آباد ءِ زورانسريــں واکـداراں، بلـوچ راج ءِ هنوگيــں دژمـن بـزاں بے تمــد نيــں پارس ءُ زرپرستيــں هنـدی مهاجـر ءُ پنجاپـی په بلوچستـان ءِ زوربـرد کنـگ ءَ هم شـور ءُ يکدســت انـت. اے بلـوچ دژمنيــں زورانســراں لوٹ انت که پٹانـاں هـم گـوں وت ءَ همراه بکننــت تنکه ونـڈ ونــڈ بوتگيــں بلوچستـان ءَ مدامــی زوربرد بکننـت، بلوچ ءِ راجی مـال ءُ سرمايه پل ءُ پانچ بکننت ءُ پـه زور ءُ کشت ءُ کوش بلـوچ راج ءَ وتی ايردسـت

بــدار نـــت

بلوچ دژمنيـں پنجـاپـی ءُ هندوستانی مهاجرانی گئيرانسانی کارکـِـرد ماں رودراتکــی بلوچستان ءَ په بلــوچ راج ءَ زاهــر

ءُ پـدر انـت. دگنياءِ سرپديـں مهلوک هم شاهــد انـت که پاکستانی رستريـں واکـدار بلــوچ ورنايانی زگريـں هونـاں هر روچ ريچگاينـت. بلـوچ راج ءِ جهـد مـاں رودراتکـی بلوچستان ءَ په وت مستـری، باز ديمـا انت ءُ بلوچستان ءِ بے

شماريـں شهيدانی هونانی برکت ءَ بلــوچ راجی جهدکار سـوب ءِ مِنـزل ءَ نزيک بوتگنــت

تهران ءِ واکدارانی انسان دژمنيـں سياســت ءِ بـُـن هـِشـت ماں بلــوچ گلزميـــن ءِ رونشتـی بهرءَ چـه رضـا ميرپنـچ ءِ دؤرءِ اولی روچ پلينـڈی، دوتل ءُ دوپوستـی، بلوچـاں وت ماں وت ءَ میڑينـگ، زورانسری، کشتـار، کارزوالی ، بدنيتـی، دروگ، بلوچـاں ايرجـَنـَگ ءُ راج دژمنی ءِ سرا ايـر کنـگ بوتگ. په شهديـں بلوچی زبان ءُ مئے راجی پجار ءِ گارکنگ ءَ هر پيميں پنـــدل اِش کارمرز کتگ. گيش چه هشتاد ســـال انـــت که بلـــوچ ورنايانی کشـــت ءُ کـــوش جاری انــــت. بلوچانـــی مال ءُ راجـــی سرمايه پل ءُ پانچ بيگاينت. بلوچ ورنيايانی دسگر کنگ ءُ درنجگ، بلــوچ تبلانـی کشگ، نودربرانی زانگ ءُ وانگ ءِ واهشت ءَ تج کش کنگ ءُ چه وانگجاهاں در کنگ، هـزاراں پاسدار، بسيجی، پئوجی، بے لگامين زابلی ءٌ کٹريں هزاره ياں په بلــوچ ءُ بلوچستــان ءِ ايردست دارگ ءَ ماں بلــوچ گلزمين ءَ آرگ ءُ نندارينگ

بوتنگنـت تنـکه بلوچستـان ءَ آرام آرام چه بلوچاں پـچ بگرانــت ءُ گئير بلوچانی دست ءَ بدينـت

تهـران ءِ فاشيستی سياسی ءُ فـوجـی واک گـوں هـَنــدی ( دمگــی ) بلـوچ دژمنـاں يک شوميـں مکســدے ايش بوتـگ که

بلـوچ راجءِ وجود ءُ راجی پجـّار ءُ نشان ءَ گار بکننـتءُ بلوچ ءِ زهـگ ءُ ورنايـاں آسيميلـه بکننـت. پرچا که هرچـے بلـوچ ورنا چـه وتـی راجـی پجـار ءُ چه وتی ماتــی زبـان ءَ دورتـر دارگ به بيـت گـڑا بلـوچ کـوم ءِ گـلام ءُ ايردسـت

دارگ په فاشيستاں آسانتر بيت

اگـاں چـه پارس فاشيسـت سد در سد ماں اے فاشيستـی سياست ءَ کامياب نه بوتگ انـت بلئــے هســت انت لهتیــں کم بهت ءُ بزگيـں بلـوچ که وتا را گـوں پارس لچينـگ لوٹنت. آ کوشست کننت که هر داب بلوچستان ءِ وت مستری لوٹوکيـں کاروان ءِ ديما باوشتنــت ءُ چنت نپـر چريشان بلوچ ءَ يک راج يا که يـک « ملت» ے هم نزاننــت. چه بلـوچ راج ءِ پجـّـارءَ دور انـت ءُ بلوچستــان ءِ راجدپتـر ءَ ناسرپـد ءُ نامالـوم انـت. ماں ايرانی کتاباں په دروگيں تاريخ ءَ وانتگ اِش ءُ بلوچستـان ءَ بهــرے چه انگريـز اڈ کتگيـں « ايران » زاننـت. آ نه منّ انــت که «ايران »ءِ امـر گيــش چه هشتــاد سال ءَ نهنـت. آ هنچو چه پارس ءَ پارس تر بوتگنـت که باور اِش نه بيــت که پارس ءِ هنکيـں پيــش ءَ تهنا " فارسستان" بزاں يزد ءُ اسپهان ءُ کرمان ءِ پٹ ءُ ريگزار بوتگ

اپسوزی گپ ايش انـت که اگاں بلوچـے چه وتی راجی هکاں ءُ بلوچستــان ءِ وت مستری ءَ يک هبــرے بکنـت، فاشيســم ءِ اـے بـے لگاميــں پگری گلام په آيی ءِ گٹ تروس کنگ ءَ پيش کپنـت ءُ پارس پسنديـں رپک ءُ پندلاں کارمرز کننـت.

يکـے چه آهانی پنــدلاں ايش انت که وتا زانوگری ءُ زانتکاری دروشمے دينـت. آ نبشته کننت ءُ گوشنت که "چه ايران ءَ سندگ ءُ بلوچستــان ءِ وت مستری يه بلوچانی نپ ءُ پائــده نهنـت". اگاں بلــوچ وت مستــر به بنت گـڑا بلوچستــان ءَ چـون داشت کننـت؟" مـاں دزآپ ءُ بـم ءُ پهـره ءَ کوشت ُ کوش بيت، بـے مياريـں پارس کشـگ بنـت". يـک ءُ دو نپـر چريشـاں کـه بلوچ ءِ سرا باز زهـرکـِن انت ءُ زبان اِش نه کشتگيــں ســواس ءِ پيم انـت گوشنــت :" اگاں رونشتـی بلوچستـان چـه ايران ءَ به سدايـت ءُ وت مستــرهم به بيـت گـڑا چه اوگانستـان ، سومالـی يا کـه دگـه پشـت کپتگيـں ملـکاں گهتـر وَ نـه بيــت" ءُ فاشيستانی اے تبليغ ءَ گاجائيل کننت که « بلوچستـان ءِ وت مستری ءِ لوٹ ڈنـّـی واکانی برنامه انـت». البــت اے پارس دروشميـں بلوچـاں که وتا را زانوگـر ءُ اينترنـت ءِ سرا باز مـزن گندنـت ءُ چه بلوچستــان ءِ راجدپتـرءَ پـوه ءُ سرپـد نهنـت.آ هنچو پارس ءِ پگری گلام جوڑ بوتگ ءُ آسيميله انت که ناتچکيــں وڑے ءَ گـوں بلـوچ دژمــن ءُ بلوچستـان ءِ بدواهــاں مـاں يک ردے ءَ اوشتاتگ انــت. چه بلـوچ ورنايانی آگاهـی ءُ بيـداری ءَ نا وش ءُ کينگــی انـت. رونشتــی بلوچستان ءِ سياسـی رهدربـر ءُ راجی جهد کاراں ايرجننـت، په جاهلی دابـے ءُ گـوں پارسـی زبان ءِ کپتگيـن ءُ جَهليــں بتــلانی گاجائيل کنگ ءَ، په تنـز ءُ گــور تنزاِش زورانت ءُ گـڈســرا نبشته کننت ءُ گشنت که بلــوچ راجی سياستداناں که په بلوچستــان ءِ وت مستـری ءَ جهدکــاری کنگاينـت « بے کِــرد انت ءُ آ په بلـوچ کـوم ءِ جاورانی گهبودی ءَ هـچ نکننـت.» اے پارس دروشميـں اينترنتــی ناسرپــداں هنچـواينترنت ءِ سرا بلوچانــی ديما اوشتاتگنت که بوت کنت فاشيستيـں پارس هـم چريشانی کارکــِرداں هيران ءُ هبکه انت. البت گوں هبکـه ای ءَ گل کننـت که چنت اينتـرنتـی پگری گــلام وتا را گـوں پارس نزيک زانـنـت ءُ فاشيستانـی بے بنياتيــں دليل ءُ هبـر بلوچانی هلاپ ءَ گاجائيل کننـت. بلــوچ ءِ راجی ءُ وت مستری هک ءَ انکار کننت۰ وت زاهــر ءَ بلــوچ انت بلئـے بلــوچ ءِ آزاتی ءُ بلوچستــان ءِ وت مستری ءِ هلاپ ءَ گوں پارس ءَ همکوپگ انـت ءُ مـاں « سايبری جنگ» ءِ اولی رد ءَ پوتاری کنـگ ءُ دنتاں درشگاينـت. ايشاں فاشيستانــی «آسيميلاسيون» سياســت ءِ شوميــں بــرورد انت که بلــوچ ءِ ديمــا اوشتارينگ بوتگ انــت

رنـد چه هشتــاد ءُ سئــے دارج کشيــں سالانی بلــوچ دژمنی سياست ءُ فاشيستی کار کــرد ماں بلوچستــان ءَ، ايران ءِ واکداراں توانتــگ په وت ءَ چنـت

نپـر آسيميله بوتگيــں بلــوچ جوڑ بکننت که چه وتی راج ءُ راجی پجـّــارءَ سستــگ ءُ جتا بوتگنــت. اے بدنسيبيــں بلــوچ که پـت، پيـرک ءُ بــُں پيـرک اِش بلــوچ انـت، وت فاشيســم فارس ءِ بے پگاريـں پگری گـلام انـت. ايشانی چنـت کارکـرد ءِ درور برزتـرا نبيسگ بوتگنــت. مروچاں پنــچ يا شــش نپـر

چريشان اينترنـت ءِ سرا باز تکانســری کنگاينت. همک پـڑے ءِ وتا را هور کننت ءُ بلوچانی وت مستری لوٹ ءِ هلاپ ءَ نبيس اَنت ءُ بلوچاں مياريگ کننت که پرچا وتی راجی هکانی باروا گپ کننت. آ لوٹنت که بلــوچ شوهازکاريـں واننده ءُ ورنائيـں جهدکارانی ديما اينترنت ءِ سرا گـوں « جنـگ سايبــری» ءَ بدارنـت. ايشــاں که وتا را پارس ءِ ديما سست ءُ جـَهــل تـِر زاننت په دلکشــی يا که نادلکشــی، پـه زانــت يا که په نازانتــی فاشيـســم پارس ءِ ريزتگيــں دام ءَ کپتگـنـت ء فاشيستانی اينترنتـی برنامـه يانی راج دژمنيـں بهـرے انــت

پارس ءِ اے پگـری گـلام تاں هما هـــد ءَ پارس ءِ ناهودگيـں پگر په وت زرتگ انـت که مــدام زگـر کننـت کـه « چـو ايران نباشــد تــن مــن مبــاد ... بديــن بوم و بــر زنده يک تــن مبــاد» ! اگاں ايشـاں وتـا را پـه بے بنيـات ءُ ويرانــه ئيــں « ايران » نـــدر کنگـــی انــت، ايش آهانــی وتــی واهگ ءُ گچيــن انـت. آ هـــور گـــوں انگريـز ءِ اڈ کتگيــں ايـران ءَ تــوری ( گواهيـں ) هـــچ مبنـت. بلئـے بلــوچ ءُ بلوچستــان ابـد مـان انـت

ايشاں زانگـــی انت که بلـــوچ ورنا روچ په روچ چه وتـی راجـی هکاں گيشتــر سرپـد بيگايــنت.ايرنی بيگ پـمّـا شان ءُ پـَهــرے نهنـت بلوچ ورنا گندگاينت که پارس ءِ برزدستی مئی ملک ءَ چونـيــں جاوراں رسينتـگ. په بلوچ ءِ نپ ءُ سيت نهنت که ملک اِش ڈنـّـی مردمانی دست ءَ انت ءُ مال ءُ مـڈی اِش شپ ءُ روچ پل ءُ پانچ بيگا انــت. بلـوچ مهلوک ءِ وتـن ءُ بلوچ گلزمين ءِ آزاتی په مئـی گهبودی ءَ پکـار انـت. پارس ءِ جـِنـد ءُ پارس ءِ پگـری گـلام بلــوچ ورنايانــی بيــداری، راجـی جهـد ءُ بلوچ ءِ هک لوٹـی ءِ ديمــا داشت کــت نکننــت

آهاں زانگــی ءُ منــّــگی انـت که بلوچستــان ءِ وت مستـری بــزاں « استقـــلال بلوچستـــان » بلــوچ راج ءِ هـکّ انــــت

پروشت ءُ پروش باتنــت ايران ءُ پاکستان

آزات ءُ آبـاد بــات گنجيـــں بلوچستــــــان

محمــد کريــم بلــوچ

هپــت اکتبر ۲۰۱۱

2011-08-30T13:39:00.001-07:00

2011-08-12T16:38:00.000-07:00

بلـوچستــان ءِ آزاتــی ءِ روچ مبـارک بـات

رودراتکــی بلوچستــان وتــی آزاتی پسنديـں رهدربرانـی جهـدان ءُ شهيــدانـی هونانی برکـت ءَ رنـد چه دوئمــی جهانـی جنگ ءَ آزات ءُ وت مستــربـوت. بلـوچستان ءِ آزاتی ءِ جـار يازده اگسـت ۱۹۴۷ ءَ شنــگ بـوت ءُ گـوں خان کــلات ءِ سرکماشــی ءَ آزاتيـــں بلوچستـان ءِ بيـرک مـاں کــلات ءَ بــرز کنـگ بــوت

مـاں بلـوچستــــان ءِ آزاتـی ءِ جـار ءَ نبشته کنـگ بوتـه که محمد علـی جناح ءِ جـند هم بلـوچستــــان ءِ ءِ وت مستری ءَ منـّت
وت مستريـں بلـوچستــــان ءِ سروک ءُ مهلوک وتـی دوئيـں ديوان اڈ کت انـت. ملک ءِ سياسی ءُ مالی سيستم ءَ جـوڑينگ ءَ گلائيش بوت انت. بلئـے جناح ءُ مسلم ليگ گـوں پلينڈی، دوتل ءُ دوپوستی ءُ بـے بنياتيـں پاکستان ءِ پنجاپی پئوج ءِ زور ءَ په بلوچستان ءِ آوارجنگ ءُ بلـوچانــی ايردست کنگ ءّ وتی بلوچ دژمنيـں چيـريـں برنامه اِش جـوڑ کتگ اَتنـت البت گـوں انگريزانی سر ءُ سوج ءُ مــدت ءَ.
رنـد چه بلوچانـی وت ماں وت میڑينگ ءَ گڈسرا کلات ءِ سراِش هلگر کت ءُ ۲۷ مارچ ۱۹۴۸ ءَ رودراتکـی بلوچستان اِش په زور گـوں بـے بنياتـں پاکستان ءَ هوار کرت

بلوچ سرمچـار، سياسی سـروک ءُ راجــی کمـاش چـه هما دمان ءَ په ملـک ءِ آزاتی ءِ جنـگ ءِ ديمبری ءَ لانک اِش بست. هما جنگ ءُ جد ءُ جهـد که تـاں مروچــی ديم په ســوب ءَ جـاری انـت. اگاں چـه شست ءُ دو سال چه رودراتکـی بلوچستان ءِ آوارجنگ ءَ گوستگ بلئـے بلوچستان ءِ آجويـی ءِ جنــز پرزورتـر ءُ بلوچ جهدکارانــی رِداں بزتــر بؤگاينـت

بلوچ ءُ بلوچستــان ءِ دژمـں بزاں ايـران ءِ فاشيستيــں پارس واکــداران ءُ اسلام آباد ءِ انسـان دژمنيـں سياسی ءُ پئوجی ٹولــی ءَ په بلوچ جهدکارانی پروش ديگ ءَ يکدگـرا سياسـی، مالـی ءُ پئـوجــی کمـک ءُ مدت کنگاينـت. اـے شومپاليــں همکـاری په دو سبب ءَ مـاں هـَـنـدی تاريخ ءَ بے درورانــت. يکے ايش که بلوچستان ءِ چنت هزار ساليگيـں راجدپتر تـهءَ اے اولی رند انت که بلوچ ءُ مزنيـں بهـرے چـه بلوچستان هندوستانــی مهـاجر ءُ پنجاپی يانی دست ءَ بنديگ انـت. دوئمی سبــب ايش که چـه بهٹو ءُ شاه ءِ دؤر بگــر تاں هنوں بزاں گيش چه چـل سال انـت که فاشيستيـں پارس، هندی مهاجـر ءُ بلـوچ دژمنيـں پنجاپـی هـورءُ تپاک انـت تنـکه بلوچستـان ءَ مـدامــی وتيگــی بکننـت ءُ هـوری ءَ بلـوچ راج ءَ ايردست بدار انـت. پـارس پاسدار، بسيجی ءُ پنجاپــی پئـوج گـوں مئی کـوم ءُ ملک ءَ همـا رستــری کتـگ ءُ همــا زيادتــی کنگاينــت که آجوج ماجـوج ( مــُگــولاں ) يا اسکنـدرءَ هم چــُش نه کتــگ

مروچـی بـزاں يازده اگسـت بلوچستــان ءِ راجدپتــر ءِ هما روچ انــت که ماں سوگيگيـں رودراتکی بلوچستان ءَ په گل ءُ شادهی يات کنـگ بيـت. بلئـے ايران ءِ بلوچ دژمنيــں واکدارانی کوشسـت همے بوتگ ءُ هست انــت که بلـــوچ مهلوک مـاں رونشتی بلوچستـان ءَ چه ۱۱ اگسـت ءِ روچ ءُ بلوچستــان ءِ آزاتی ءِ جار نامالـوم به بنــت

چـه جاهليــں رضا ميرپنچ ءِ سياهيــں دؤر بگــر تــاں مـروچـــی بــزاں مـاں گـوستگيـں هشتاد ءُ سئـے ســالاں تهران ءِ فاشيستيــں زالمانی سياسـت ءُ کارکـرد بلوچانی راجی پجـار ءُ بلـوچستــان ءِ هـلاپ بوتگ

آ هشتاد ءُ سئـے سـال بـزاں چـه امـان الله جهانبانـی ءِ رستـری هلگــر مئـی ملـک ءِ سرا تـاں هنــوں کار کتـگ تنکه مئـی گنجيـں ملـک ءَ زوربرد بکننت. مئی راجـی دود ءُ ربيدگ ءُ مئی ماسی زبان ءَ گار بکننــت. مـا را گــوں وتــی راجدپتر ءُ تاريخ نامالــوم ءُ درآمــد بکــن انــت. گـوں وتـی شونيستی وانينگـی سيستــم ءَ مئـی واننــده ءُ ورنايـاں په زور پارس به تريننـت. هنچـوش که چه وتی راج ءُ راجی پجــّار ءَ دور به بنــت ءُ پوستگيــں شونيسم پارس ءِ پگری گــلام به بنــت

یکــے چــه اے بلـوچ دژمنيـں سياست ءِ برورد اں ( نتيجــه ياں ) ايش انـت کـه چيـزـے بلـوچ ورنا مـاں رونشتی بلوچستــان ءَ « آسيميلـه » بوتگ انت. وتــی راج ءُ راجـی پجـار ءِ بنـداِش جتــگ ءُ ناهودگ ءَ کوشســت کننــت تاں وتا را گــوں شونيســـم پارس ءَ به لـَـچيـننــت

اداں هما پارس ءِ گپ بيگ انـت کـه سياسـی واکدار انـت. بلوچ ءِ زند جاور اِش چه جهندم ءَ گنتـر کتگ. بلوچانی باور ءُ دين ءِ بدل کنـگ لوٹنت. بلوچی زبان ءِ نزوری ءُ گارکنگ ءَ بـے تهمبل انت ءُ اشتاپ کنگاينت. بلوچستان ءِ مال ءُ مادنان شپ ءُ روچ پل ءُ پانچ کنگاينـت۰ بلوچستان ءِ نيلبوئيـں مزن زر ءَ وتيگی اِش کتگ. بـے هساب بلوچ ورنايان اِش شهيد کتگ. مئی هاتونيـں گهار اِش جنوزام ءُ مکئيـں ماتان اِش سوگيگ کتگ انت. هـزاراں بلـوچ تبل اِش چوره ءُ يتيم کتـگ انـت

اپسـوزی گپـے انـت که چنــت بلـوچ واننــده هنچـو چـه وتا ءُ وتــی کــوم ءَ سستـگ ءُ درآمـد بوتگنـت تهران ءِ شونيستيـں هکومت ءِ رستــری کارکرداں نه گنـدانـت يا کـه گـوں کرمـه گـوشــی ءُ په کســت انکار اِش کننــت

بلــوچ دژمنيـں تهـران ءِ واکــداراں گنـدگ ءُ زانـگ انـت که بلوچستـان ءِ آزاتـی ءُ بلوچانـی وت مستری ءِ دؤر نزيک
بيگاينــت. پـه وتــی مالی ءُ سياســی نـپ ءُ پائـدگ ءِ بـرجـاه دارگ ءَ تکانســـر انــت. آ هچبــرنه لوٹنـت که بلوچستان ءِ وڑيــں گنجيــں ملکــے ءَ آزات ءُ وت مستر به گنـد انــت. بلئـے ايردستيـں راجانــی جد ءُ جهد ءُ بلوچستان ءِ تاريـخ پيش داريـت کـه آيوکيـں دؤر ءُ بلوچستـان ءِ بانـدات په زالــم ءُ زورانسرانـی دل ءِ تـب ءُ دلکــش نه بنــــت. اے بلـوچ راج انـت که وتـی باندات ءِ هدابـُنــد انـت نئــے هونواريـں رحمــان ملــک ءُ نئيکـه بلـوچ کشيــں نـجــّـار

اگاں چـه تهـران ءِ واکـداراں، هندوستانــی مهاجـر ءُ پنجاپی ياں بلـوچ گلزميــں ء سرا باز زورانســری، کارهرابی ءُ زوالکاری کتگ ءُ مئـے ملک ءُ مردم ءِ ديمـروی ءِ ديمپـاں بوتگ ءُ هست انـت بلئـے بلوچستان ءُ بلوچ انگت ءَ هست ءُ سربلنــدانـت. بلوچستان ءِ آزاتی ءُ وت مستـری انـت که مئـے آيوکيــں نسل ءُ پدريچـاں شريـں زنــد دات کت کنــت. پنجاپی، پارس ءُ گجـرءِ گـلامـی ءُ ايردسـت مانــَگ په بلوچــاں زيب ندنـت. بلــوچ وتـی راجی پجـّارءِ سرا پهــر بند ايـت ءُ بيــد گلامـی سانـکل ءُ زمزيــراں گـِهتـر ديـم په آسـراتی ءُ گهبـودی ءَ شت کنــت

بلوچستان ءِ آزاتـی ءِ روچ مبارک بات

پروشـت ءُ پروش باتنــت ايران ءُ پاکستــان
آزات ءُ آبــاد بات گنجيـــں بلـوچستـــــــــان

محمــد کريــم بلــوچ

يازده اگست ۲۰۱۱

2011-07-18T16:39:00.000-07:00

The House Servant

The clean shaven Karamshah faced his old father and said: My dear father, with all due respect, I must tell you about some harsh truths. Today is not like forty or fifty years ago, the world has improved. In today’s day and age, two things are valueless and not necessary; one is a donkey and the other is beards.

Badelshah firstly glanced at his wife, Karamshah’s mother, and then looked towards his son and said: Are you saying that in my old age I have to shave my beards and release my donkey into the jungle? My dear son, it has taken me so long to grow my beards to what they are now and I won’t shave them even if you threaten to kill me for it. I have never shaved my beard in my lifetime; I have trimmed them, of course. Otherwise, I would have felt the weight of jungle of Amazon on my face.
I have always washed my beards and sprayed scent and perfume onto them. Ask your mother if you don’t believe me. My beards turned from black into grey as I was getting old. Now in my old age I don’t fancy shaving them. Ironically, your mother loves my beards more than me and she says that my face looks better this way and it really suits me.
Perhaps your Persian wife has something to do with raising the subject of beards and donkey. If that is the case I hold my wife’s wrinkly hand and get out of this place together.

Karamshah replied to his father: If you take my mother from my house then who would do the household chores? I cannot afford to hire a butler. Who is going to wash the dirty clothes and plates? You know that my wife is working fulltime in an important establishment. I am just telling you to get rid of that donkey and you can always live in my house but, you have to get yourself accustomed to life in this place.

Badelshah replied: You want me to take off my traditional Balochi clothes and put them in the bin and instead put on skinny jeans! Now, bring on the mud and let’s make camels out of them.

‘Yes father, No one will laugh at you for wearing jeans, this is a big city and no one knows who you are. Many people will ridicule you because of your Balochi clothes. All my friends are Persian and I work in an office. You come to my house once or twice at the end of the month; my friends come here to see me once in a while, when they see you in this way, wearing your Balochi clothes, I will get embarrassed.’

Badelshah stroke his beards and replied: Don’t any of your friends’ fathers have beards that you are so ashamed of mine? Dadmorad comes here once or twice a month for business, if he sees me wearing a skinny jean and without my beards, I would lose my identity son.

‘Sitting in the house all day long is an impossible option for me. It will be better to live in my hometown where I was born. Every day, I go to my ranch and walking through the date palms alone would make me happy. I will preoccupy myself growing wheat, broad beans, melons, water melons, peas and lentils. I would not swap the donkey’s brays and the beautiful sound of cuckoos from my hometown with the car noises and the sound of music in the hotels. I was born and raised there and I will die there.’

Karamshah firstly glanced at his mother and the then looked at his father and said: It is an extremely difficult job to convince a narrow-minded and illiterate person that their views are wrong. I haven’t told my wife about your donkey yet. She has been telling me that we should visit you for a week in the hometown. If she sees your donkey near the house, I will lose her respect. You should sell your donkey or abandon it. Otherwise tie it up next to the ranch or find someone to look after it for the duration of one week.

My dear son Karamshah, there is plenty of hungry wolves out there. If I tie up the poor donkey next to the ranch he’ll be attacked and eaten by the starving wolves in the first night. Also no one will keep my donkey in their stables as it is not the harvest season.
I tell you something; your wife is not the daughter of a minister or a barrister. Her parents live in a village and they own donkeys too! I have seen them. Your wife is only a nurse in a hospital. Also to mention I could afford to send you to school because of this donkey. It was this donkey that carried all the melons and watermelons to the bazaar and enabled me to sell them. It was this donkey that carried all the woods which helped us keep warm in the cold winter nights and also I was able to sell some of the woods.
Just think about it.
We have a famous Balochi proverb which says if someone gives you a glass of water, you will be loyal to them for hundreds of years. This donkey has made sacrifices, abandoning it in the jungle would make me the laughing stock of the town.

Karamshah glanced to his left and then towards his right and said: principles such as one glass of water and hundred years of loyalty has kept us Baloch so back-warded my father.

‘Listen Karamshah, your wife is not a princess. It is true that I am illiterate but I have sat among some important intellectuals such as Sufis, mendicants and mullahs and listened to their sermons. They say that all the great prophets owned a donkey in their lifetime. Messiah was born in the donkey stable and a donkey carried all his essentials whenever he went. Moses spent forty years in the Sinai desert when he was a shepherd. While in there, his best and closest companion was a donkey which carried all his belongings. Our respected prophet Mohammed (PBUP) also owned a donkey.
Now that you own a car, you think you are above everyone else. From the creation of the world until my youth, we never came across a car or a plane. Back then; this harmless animal has carried all the belongings of the mankind for a fistful of grass and rotten dates. Not to mention the harsh treatment of this animal by humans. In the old days, the kings did not owned planes, tanks and cars. Soldiers fought on the horseback and the brave donkeys carried all the artilleries and foods.’

‘Karamshah let me tell you something; mullahs are claiming that the apocalypse is almost upon us; all the cars, planes, cannons and tanks will be destroyed in the near future. They also claim that a giant man believed to be a prophet would rise from Isfahan. This giant man would be riding a donkey even bigger than himself; his donkey could cross a huge mountain with one single step. Its gallops can shake all the mountains nearby and its dropping would be in the form of edible dates.’

‘Father, you are repeating the words of that lunatic mullah whose trousers are folded up to his knees and screaming in the bazaar saying obscene things about the governor.’

‘Oh my son Karamshah, he is a great mullah, he has turned lunatic because of his desire for knowledge and reading of too many books. He is god’s dearest lunatic.’

Days passed and in one bright sunny day Badelshah went to visit his son Karamshah and his beloved wife Mahtab. The house was full of Karamshah’s Persian friends and colleagues; they were all engaged in smoking opium and drinking the finest wine and beer. The delicious smell of kebab and its burning barbecue sounds was very alive and present. Out of nowhere one of the guest asked: Karamshah, who is this beardy old man who is smoking shisha?

Without any hesitation Karamshah replied: He is the house servant.

Badelshah exhaled the smoke of his shisha to the air and replied: I am not the house servant; I am his mother’s servant.

Written By: Ali Raesi

Translated By: Hamal and Miran Raesi

2011-07-03T09:19:00.000-07:00

وشین مستاگے پہ بلوچاں

یوتیوب ءَ چینلے ھیچانءِ نام ءَ ترازگ بوتگ کہ بلوچی ءِ شھدءُ شَکلیں زبانءَ انت
بلوچی زبان ءِ ندکار علی رئیسی ءِ نبشتانک گوں آئی ءِ توارءَ ویدیو بوتگ انت – آیوکیں وھدءَ آئی ءِ درستیں نبشتانک شنگ ءُ تالان بنت
www.youtube.com/hichaan

میران رئیسی

2011-06-09T06:24:00.000-07:00

ھندوستان ءَ یک مردے ٣٩ جن ءِ جود انت

دیلی میل – واجہ چانا گوں ٣٩ جن ءُ ٩۴ چک ءُ ١۴ نشار ءُ ٣٣ نماسگ ءَ یک مزنین لوگے ءَ زند گوازینگ ءَ انت کہ چار تبک ءُ گیش چہ ١٠٠ کوٹی انت کہ باگتوانگ کلّگ ءِ دِلگاہ ءَ ماں ایالت میزورام ءَ انت واجہ چانا ءَ گوں ھالتاک سان ءَ گوشت من وشھالان کہ واجہ ھدا ءِ ھاسیں بند گاں کہ آئی ءَ اِنچو مردم ءِ چار ءُ بیچار ءُ اُگدہ من ءَ بکشاتگ کہ گوں ٣٩ لوگبانک ءَ دنیا ءِ مستریں لوگ ءِ واھند اں اے لوگ ءَ پوجی رھبند ءِ وڑ ءُ پیم زلوری انت ءُ زاتیانگی منی پیرترین جن اے اگدہ ءِ سر ءَ انت کہ ششت شود پچپاگ ءُ سپائی ءِ چار ءُ گند ءَ کنت پہ یک وراکے ءِ وھد ءَ گیش چہ ٣٠ مرگ ۶٠ کیلو سیب زمینی ءُ ١٠٠ کیلو برنج ءِ زلورت انت

چشیں وھد ھم بوتگ کہ یک سالے ءَ واجہ چانا ءَ ١٠ جن ءِ سانگ ھم کتگ ءُ مدام ورناتریں جن ءِ کش ءُ بگل ءَ انت ءُ باید انت آدگہ جنین وتی کوٹیاں ببنت رینکمینی یکے چہ آئی ءِ جنان کہ ٣۵ سال انت ئے جانا ءَ یکے چہ کلگ ءِ شھشناب تریں مردان زانت آئی ءَ ١٧ سال ساری کہ چانا ءَ کاگدے دیم داتگ ات ءُ سانگ ءِ لوٹ کتگ ات آئی ءِ جن بوت
جانا گون انچو جن ءِ بازی ءَ چن ءُلانچ ءَ انت کہ امریکہ ءَ بروت کہ چہ اودءِ نیل چمیّں کا ڑاں یکے ءِ سانگ ءَ بکنت بلوچی ءَ رجانک : علی رئیسی

__________

دلگوش : ھندوستان ءِ وڑیں ملکے ءَ کہ یک مردمے ١٠ کار خانہ ءُ کمپنی ءُ ٢٠ پنچ استالی ھتل ءِ واھند انت ءُ ھزاران بیوس ءُ شدیگیں جنین ءُ مردینءُ گونڈوءَ دارُکے دارکے دست ءَ انت ءُ گنشداناں پچکوچنت دانکہ ٹُکُّرے نگن شوھاز بکن انت چانا ءَ ھچکس میاریگ نکنت بلے باریں امریکہءِ جنک آئی ءِ سانگ ءَ کن انت

2011-06-03T07:22:00.000-07:00

صبا دشتیاری پاکستانی بلوچ دژمنیں حکومت ءَ شھید کت

پنچ شمبے یک جون ٢٠١١ ءَ پاکستانی کاسگ چٹیں تروریستاں بلوچی زبان ءِ ماتکوہ ءُ کویٹہ شھد ربر ءِ استاد واجہ صبا دشتیاری رند چہ یک مچّی ءَ کہ بلوچ ءُ بلوچستان ءِ آزاتی ءِ باروا گُپ ءُ تران کتگ ات ءُ سریاب روڈ ءَ روان ات تیرانی آماچ کت ءُ چو دزیّں تولگ ءَ جست انت
چہ ھما روچءَ کہ وساّچ ءُ دروگیں پاکستان ءُ ایران واجھیں انگریز ءَ جوڈینت انت دانکہ مروچی بلوچانی کشت کوش جاری انت بلے سرمچار ءُ بھادریں بلوچاں پہ ماتیں وتن بلوچستان ءِ آزاتی وتی ھیسی سر کولیگ کتگ ءُ اے جنگ نوں پہ تمردی دیم ءَ روان انت گجر ءُ لونڈو ءِ دروگیں ملک پہ ھمے زوتان ٹکُّر ٹکر بینت ءُ مزنین بلوچستان آزات بیت

منی ءُ واجہ صبا دشتیاری ءِ اولی پجاّر واجہ عابد آسکانی ءِ کوٹی ۵٣ لیمارکیٹ کراچی ءَ بوت آئی ءِ لھمیں رواج ءُ ملّگ ءُ ھاسیں پچ ءُ تامدارین گپ ءُ تران ءُ ڈولدارین بچکند ءَ من نشموشاں , یک رندے من ءُ گزابیک رئیسی کویٹہ ءَ شتیں یک سبارگے واجہ عبد اللہ جان جمالدینی لوگ ءَ عبد الواحد بندیگ ءُ صبا دشتیاری ھمودان اتنت بلوچی زبان ءُ بلوچستان ءِ باروا چہ درستاں گیشتر دشتیاری ءَ تران کت

منی ءُ دشتیاری ءِ کاگد ءُ کراچ کراچی ءُ لندن ءَ ھم بوتگ آئی ءَ یک کاگدے پہ من دیم داتگ ءُ اے ھما وھد ات کہ سید رفرنس کتابجاہ ءِ چن ءُ لانچ ءَ ات آئی ءَ چہ من ءَ لوٹتگ ات کہ لندن ءَ چندا بکناں من آئی ءِ پسَہ دات کہ ڈھل ءِ توار چہ دور ءَ وش انت جاھے آپ ھست ڈگار نیست ءُ جاھے ڈگار ھست آپ نیست ءُ دگہ کاگدے پہ من ءَ دیم دات کہ من بلوچی آزمانک ءِ پنجاہ سال ءَ کتابے رد ءُ بند دیگا ان چہ من ءَ منی زند ھا لءُ دو آزمانک لوٹتگ ات من پہ آئی ءَ دیم دات انت

واجہ صبا دشتیاری ءَ وتی زند پہ بلوچی زبان ءُ بلوچستان ءَ ندر کت شھمیر مدام زندگ انت

علی رئیسی ٣ جون ٢٠١١

2011-06-03T07:13:00.000-07:00

لال بکش جھانشاہ بلوچی زبان ءِ ناوانندہ ایں شائرءُ لچہ کار

ھما وھد ءَ کہ من ءَ ١١ سال ات بزاں سال ١٣٣٧ شمسی ءَ ءُ دومی کلاس ءَ ھیچان ءِ دبستان ءَ وانگ ءَ اتاں بزاں ۵٣ سال پیش ءِ گپ انت یک سالے چہ دادشاہ ءُ مھیم خان ءِ کشت کوش ءَ گوستگ ات وشگوناب برز کدّ اسپیت پُچیں یک چمّین مردے اسپیتیں ھرے ءَ سوار ات برے برے ھیچان ءَ ترتاب کتگ ات ءُ گیشتر مرادخان ابراھیم ءِ مھمان بوتگ ات آئی ءِ نام لال بکش ءُ پت ءِ نام جھانشاہ ءُ چہ کرنگِش ٹکّ ءِ مردمان ات آئی ءِ بُندری منند جاہ ھیچان ءِ زرباری ءُ گِہءِ رونندی ءَ کُھلاپ ءِ کلّگ ات آبلوچی شائرے ات آ وھد ءُ زمانگ ءَ زپت سوت نیست ات بلوچستان ءَ ھر کارے بوتگ ات لالبکش ءَ شیئرے پربستگ ات ءُ وتی مجگ ءَ زپت کتگ ات ءُ دیوان درگاھاں دپگال کتگ ات دادشاہ ءُ مھیم خان ءِ اولی شیئر ھمائی ءَ بستگ ات ءُ مھیم خان ءِ برات محمد خان لاشاری ءِ دیوان ءَ دپگال کتگ ات ءُ چہ آئی ءَ پنچ سدی رھوارے ( ھرے یا اسپے) لوٹتگ ات

چہ محمد خان سَکی سردار ءَ لوٹاں پنچ سدی رھوارءَ
من نزاناں ھما اسپیتیں ھر کہ آئی ءِ اولاک ات محمد خان ءَ داتگ ات یا چہ مشکت ءَ آورتگ ات لال بکش ءَ وانگ ءُ نبیسگ پہ بہ نزانتگ ات بلے زبردستیں شائرے ات پہ شائر بیگ ءَ آئی ءَ وت چو گوشتگ : یک روچے یک درویشیں مردے آئی ءِ ھلک ءَ کیت(یئت) آ چہ درویش ءَ لوٹیت کہ چہ ربّ پاک دوایے بلوٹیت کہ آئی ءِ زند ءُ گُزران شرتر ببیت درویش تُکُرّے قند دم جنت ءُ آئیءَ دنت کہ بورئے لال بکش گوشیت کہ آ قند ءِ ورگ ءَ رند من ءَشائری ءِ واھگ ودی بوت ءُ اے ڈول ءَ شائرے بوتاں لالبکش تپنگی مردمے ھم بوتگ یکرندے پہ شکار ءَروت تیر ءِ پلیس(پوکہ) پُشتکائی ترینزیت ءُ آئی ءِ چم ّ ءَ لگّیت ءُ آ چہ یک چمے ءَ زبھر بیت آ مشکت ءَ روت کہ آئی ءِ لھتے سیاد ءُ وارس اوداں ھست انت آئی ءِ بے روکیں چم ءَ دکتر کشیّت ءُ شیشگے مان دنت آئیءَ یک شیئرے وتی چم ءِ بارو ءَ پِربستگ لآلبکش شیشگ چم لالبکش سکیں وشگپّ , گوشکندی ءُ دیوان دِریّں شائرے ات ایرانی ملایانی آشوب ءِ وھد ءَ کہ من ءَ بلوچی زبان ءِ نادراھی ءَ گپتگ ات یک روچے من گوں لھتے سنگتاں لالبکش ءِ گندگ ءَسرگِپتیں چہ ھیچان ءِ کور ءَ گوں منی ریزتالیں لندرور ءَ دیم پہ کُھلاپ ءَ رھادگ بوتیں ماکہ زاران (میرآباد) ءَ سربوتیں لھتے شگیمی بلوچ کہ اومر لشکرخان ھورات ءُ اے ھما وھد ات کہ شگیمی میران نوکر کُشتگ اتنت چہ لندرور ءِ گندگ ءَ آیاں گمان کتگ ات کہ پاسدارانی ماشین انت کمبین لوگے ءَ سنگر گرانت بلے وھدیکہ ما چہ ماشین ءَ ایرکپتیں اومر کندان ءَ مئے دیم ءَ آتک ءُ گوشت ئے کمبھت نزیک ات تیرانی دپار ببئے مااش وشاتک کت ءُ آپ ءُتام ءَ رندمئے ترّتاب ءِ جست کت من پسہ دات لالبکش ءِ گند نند ءَ رویں آئی ءَ پسّہ دات ھچّ ماشینے کھلاپ ءَ شت کت نکنت من وتی ماشینک ھموداں آیانی میار کت آیانی نشون داتگیں راہ ءَ سرگپتیں کہ نیمروچ ءَ رند ات من گوں ھمراہاں کہ گزابیک رئیسی ھم ھور ات بازیں کوہ ءُ کنڈ گاں سرکپت ءُ ایرکپتں ءُ ھموداں سربوتیں ,کھلاپ کوھانی میان ءَ وش ندارگ ءُ وش زیدیں کلّگے ات گوں ڈولداریں مزاپتی مچاں گوں ژیمباژیمبیں کنر ءُ لیمبواں ءُ سارت ءُ ترونگلیں آپ ءَ بلے لالبکش اوداں نہ ات آئی ءِ ١۵ ,١۶ سالی نوگُلگیں بچّ بالانچ ءَ پترے پہ ما کشّ ات آ روچی پہ آولی بر ءَ من کوھی بلوچانی مڑا ءُ منگہ چمان وت دیست ,ما دلمانگ اتیں واتر بکنین بلے بالانچ ءُ آئی ءِ مات ءَ گوشت اگاں لالبکش اداں نہ انت ما ھمدانیں ءُ بالانچءَ سرداری شامے مارادات دو سے بلوچءَ دانکہ نیم شپ ءَ.
مارا نیاد دات تریاک کشّی ھم بوت ,ایدگہ سھب ءَ رگبند وارت ءُ دیم پہ ذاران ءُ ھیچان ءَ چھر کت

ماھے ءَ رند منی سر کیھدا ھیرمحمد ءِ کلگ ءَ کوشک ءَ کپت ھیرمحمد ءَ منءَ نوارے دات کہ لالبکش ءَ داتگ ات آ نوار ءَ لالبکش ءَ مئے مساپرت ءِ شیئرے پربستگ ات ءُ وتی اوداں نہ بیگ ءَ اپسوز زاھر کتگ ات ءُ ھیچان ءِ بندپتر ءُتاریخ ءِ شیئرے ءُ دودا ءِ یک شیئرے ھم دپگال کتگ ات , وھد گوزان ات ءُ من چہ ایرانی ملایانی ترس ءَ چہ ماتیں وتن بلوچستان ءَ درانڈیھ بوتاں , منی ءُ لالبکش ءِ گندنند نبوت من دلمانگ اتان آئیءِ زندھال ءُ پربنداں بنبیساں بلے کامیاب نبوتاں آئی ءَ بلوچی ءِ بازیں کوھن ءُ دیریگیں شعرھم وتی مجگ ءَ زپت کتگ ات
سال ١٣۶١ ءَ یک روچے چاھان ءَ روت اودان ناجوڈ بیت اودءِ مردمان ءَ گوشیت کہ من مِراں ھموداں وسیت کنت ءُآئی ءِ ارواہ چہ کُنٹ (جسد) ءَ بال کنت آدینگ ءِ روچ بیت ءُ منی گمان ءَ آئی ءِ زند ھپتاد ءِ جھل یابُرز ات
یک مردمے من کراچی ءِ جان آباد ءَ دیست آئی ءَ گوشت لالبکش ءَ یک شیئرے ایرانی ملایانی باروا پربستگ نوار ءَ ھم زپت کتگ بلے ھچکس ءَ نداتگ گوشتگ ئے منی مرک ءَ رند شنگ ببیت

واجہ عابد آسکانی ءَ داد شاہ ءِ درستیں شیئر کتابے ءَ سرجم کتگ انت کہ عبد اللہ پیشنی ملا ابابگر لالبکش ملا جان محمد گوھرام آسکانی میر احمد دھانی عزیزاللہ مبارکی م ی دراّ عابد آسکانی ءِ شیئر ھور انت ;آسکانی لالبکش ءِ بارو ءَ اے ڈول ءَ گوشیت : لالبکش ءِ لچہ کاری ءَ اے اندازہ جوانی ءُ الکاپی ءَ جنگ بیت کہ آ کتہ کارینءُ استادیں لچہ کارے وتی زبان ءِ سر ءَ آئی ءَ زنڈیں دزرسی ھست آ بلوچی زبانءِ تب ءَ زانت پمشکا آئی ءِ لچہ چوکلمتی روانبد ءُ جان محمد ءِلچھانی پیمءَ نارھبندیں رنگے ءَ تازی جت ءُ پارسی جت نہ انت
علی رئیسی ٣٠ می ٢٠١١

2011-04-22T10:15:00.000-07:00

جیھل رئیسی , عیسی خان مبارکی ءُ امب

ھیچان ءِ کلات ءِ نزیک ءَ کوھن ءُ کدیمی امبے ھست کہ ھرکس ھیچان ءِ بادشاہ بوتگ اے امب بادشاہ ءِ بوتگ ,بزاں سرکاری امبے بوتگ . اے امب دنیگا ھست انت .امبِ ءِ پلّ کنوک ءُ سمبالوک رئیس بوتگ انت . منی پت جیھل ءَ گوشت امب رستگ ات ءُ گوادنزے بوتگ ات ءُ لھتے امب گوادنزءَ دور داتگ ات . من امب چت انت ءُ وتی لوگ ءَ برت انت کہ آ سال ءَ منی کٹم ءَ امب پلّ کتگ ات . منی پت یلی ءَ من ءَ گوشت او جیھُک عیسی خان ءِ سّڈ ءِ سرات زرتگ , امب ات چتگ ءُ آورتگ انت , ھما عیسی خان کہ آھرّانیانی شلواراں گربگ مان کتگ ,. ھما عیسیخان کہ کُلی ءِ دست پاد ءُ زبان بُرتّنت ءُ شگیمی ھمے ھیچان ءِ کلات ءَ داوت دات ءُ کشت انت . من پسہ دات منی پت ھرچی بیت بلیّ بیت نوں ھبر چہ ھلوت ءَ گوستگ , اے منی بھر بوتگ انت کہ من چتگ ءُ آووتگ انت بیا وتی دپ ءَ شیرکن کن ءُ واجہ پہ چار دانگ امب ءَ من ءَ نکشیت. باز دیر نگوستگ ات کہ باد شاہ ءِ سپاھیگ یارُک گوں دراجیں تپنگ ءَ زاھر بوت ءُگوشت جیھل ترا کلات ءَ لوٹ انت. من ءُ یارُک کلات ءَ سربوتیں , کلات ءِ بُرجُک ءَ واجہ ءِ دیوان ات . من سلام دات , منی علیک نگپت . من کرّے ءَ نشتاں . واجہءِ بروت کانٹ اتنت ءُ چپ ءُ راست ءَ سر سرینتگ ءُتاب داتگ ات . من وتی دل ءَ گوشت جیھل اگاں مرد بئے یا بگا آپ ءَ ترا برتگ. دمانے ءَ رند واجہ ءَ منی نیمگ ءَ چارت ءُ گوشت ; جیھل . من پسہ دات جی واجہ

جیھل ترا امب وشّ بیت؟ من پسہ ھو من ءَ امب وشّ بیت. جیھل ترا امب وشّ بیت ؟ من پدا پسہ دات من ءَ امب سّک وشّ بیت . سیمی رندا جست کت جیھل ترا امب وشّ بیت ؟ من پسہ دات ھو من ءَ امب وشّ بیت .گوشت ئے بگرات بدرنجت ئے . احمد شاہ کشیگی کہ آئی ءِ پوج ءِ کمانڈر ات ءُ ھما دیوان ءَ نشتگ ات ءُ منی گھارءِ سانگ کتگ ات پسہ دات : واجہ پسے نہ انت کہ درنج ئے . ملام ئے بکن . واجہءَ گوشت تو گوشئے ملام , یک ھزار کُرش ملام انت.من پاداتکاں ءُ لوگ ءَشتاں .ایدگہ سھب ءَ یارُک ءَ تپنگ زمین ءَ جت ءُ مئی لوگ ءِ دپ ءَ نشت ءُ دانکہ سے روچ ءَ یکھزار کُرش. وھدیکہ روچ نشت ءُ یارک شت ما سجئیں سے شپ ءَ توشگ نا ءُ دانے ھست ات ھراں لڈّ ات انت ءُ کورکان ءِ کڈّاں ایر کت انت ءُ سیمی روچ ءِ بیگاہ ءَ گوں یارک ءَ گوشت باندات ھزار کرش ءَ کاراں . وھدیکہ یارک ءَ پشت مان دات من گوں وتی کٹم ءَ دیم پہ بِنت ءَ سرگپتیں .ءُ بنت ءِ بادشاہ ایوب خان ءِ میار بوتیں . ایوب خان ءَ مارا وشاتک گوشت لوگ ءُ جاگہ دات ءُ ورد ءُ وراک ءِ بند ءُ بست . ایوب ءَ گوشت عیسی خان شمارا نیم چمّی چارت نکنت. من ءَ ایوب خان مَگش ات ,من ایوباں . مدتّے ءَ رند عیسی خان ءَ ھیچانی کماش دیم دات انت ءُ مااش پدا ھیچان ءَ آورت ءُ ما ھزار کرش ندات

2011-04-22T09:06:00.000-07:00

کماشانی دیوان ٢
کینگی بلوچ , ناکو دلوش ,شے جگردی ءُ ملا لُتُر ءَ دیوان کتگ, اے چاریں کماشاں دنیاِ ءِ کنڈاں ترّتاب کتگ ءُنوں وتی چمدید ءُ ھیالاں درشان کن انت

کینگی بلوچ ; واجھاں بازیں وھدے بیت کہ ما ءُ شما دیوان نکتگ مئے ءُ شمے اولی دیوان سالے ءَ پیش ھما امب ءِ بُن ءَ بوتگ ات ,دزبندی کناں گپ ءَ بنگیج بکن ات
ناکو دلوش : کینگی تو مئے مستر ءُ کماش ئے پیش ءَ تو گپ کن کجا بوتگ ئے چے ات دیتگ ءُ اشکتگ ملالُتر ءُ شے جگردی ءَ دلوش ءِ گپ منّ ات ءُ گوشت کینگی تو بنگیج کن
کینگی : براتاں مروچی دنیا ءَ مزنین چِست ایرے بیگ ءَ انت لیبی بحرین یمن سوریہ مصر ءُ تونس ءَ مزنین مٹ ءُ بدلی بیگ ءَ انت , زین العابدی بن علی چہ تونس ءَ جھت ءُ عربستان ءَ شت , حسنی مبارک ءِ جمھوری ولگوج کنگ بوت , قذافی , علی عبد اللہ صالح ءُ بشار اسد گشے پہ روگ ءَ تیار نہ انت چاریں باریں دیم ءَ چے بیت امریکہ ءُ مگربی ملک وتی نوکیں مراگش ءُ تاسانٹلو ءَ چونکا دیم ءَ برانت , پرچا کہ ھر ڈول ءَ آ بلوٹ انت ھما وڑ ءَ کن انت ,کماشیں براھندگاں من پہ ترتابے ءَ اتیوپی بزاں حبشہ ءَ شتگ ان من دلمانگ اتاں اود ءِ بلوچانی باروا پٹ پولے بکنان بلے چہ اود ءِ دُزّ چرسی موالی ءُ شرابیانی ترس ءَ چہ لوگ ءَ درنکپتاں ,من وتی ھما ترانگ ءَ کپتاں کہ چھبار ءَ وانگ ءَ اتیں برے برے انگریزے یھتگ ات گڈآ رمبے ورنا آیی ءِ رند ءَ کپتگ ات چو کہ ھدامرزیں چراگ نارویی ھو آر یو وات ایز یور نایم کتگ ات , باور کن ات کوش پالیشی دہ دوازدہ سالی بچک گوں من ءَ ھما انگریزی ءَ کت کہ چراگ ءَ گوں گُگلمن ءَ کتگ ات , یکے ءَ من ءَ گوشت ادان بلوچ ھست بلے گیشتر کوھستگی دمگ ءَ انت پس ءُ میش اش ھست آیان ءَ اداں البلوشی گوش انت ءُ وت گش انت کہ آ چہ یمن ءَ اداں آتکگ انت بلے زبان اش عربی نہ انت کڈے بڈے کن انت , من پسہ دات آ زبان آیآنی ماتی زبان انت بلوچی انت
ملا لُتر : کینگی تو پھکیں آجالے ئے تو بچارتین انت آیانی دین مذھب ءُ دگہ دود ءُ ربیدگ پکاّ کتین انت
کینگی : ملا لتر پہ دین ءَ تئی زبان نُکّ ءَ ٹآھک کنت ,من آدیس آ بابا ءَ پہ آبجو زورگ ءَ دکانے شتگ اں پہ ترس لرز انگو آنگو چارتگ کہ یکے منی کوشان چہ پادان مہ کشّیت اگاں آ دمگاں بشتیناں مروچی تئی دیم ءَ ننشتگ اتان ,شے جگردی تو زرمبشتیانی کسّہ ءَ کن
شے جگردی : ھو لندن ءَ راج زرمبشت ءَ مزنین جھکابوستے کت کنکرہ ءُ متینگ بوت ءُ بلوچستان ءِ آزاتی ءِ گپ ءُ تران بوت , من ھیران اں یک سالے گیش بیت کہ آیان آزاتی ءِ جار پرینتگ ءُ یک تپنگے ھم نسراپینتگ , بلوچستان پہ گپ ءُ متینگ ءَ آزات نہ بیت پہ منی گمان ءَ اے مردماں کہ لندن ءَ دیوان کتگ ات یکے تپنگ ءِ سراپینگ ءَ نزانت , واجہ مھندس شھاب ھم آیانی چارچین ءُ سخنگو انت . آیاں اسماعیل امیری چہ پاگواجھی ءَ کشّ ات ءُ عبد اللہ سیاھوئی نوکیں پاگواجہ گچین کنگ بوت ,آیاں گوشتگ ات کہ اسماعیل ءَ شرّ کار نکتگ ءُ گوں گلام رضآ حسین بُرّ ءَ نزیکی کتگ ھدا بزانت بلکیں چو نہ انت ,لھتے ءَ گوشت کہ واجہ امیری نادراہ انت ءُ تپنگ بڈّ ءَ جت نکنت , پدا دگہ بھمانگی گپ ایش انت کہ لھتے چہ کمیتہ مرکزی ءِ باسکاں ھمک شش ماہ یا سال ءِ سر ءَ ایران ءُ بلوچستان ءَ روآ کن انت ءُ بلوچستان ءِ آزاتی ءِ ھارت ھورت ءَ کن انت ءُ ایرانی کوریں ملا واب انت ءُ مورے آیانی گوش ءَ نہ وارت؟؟؟
ملا لتر : واجھاں من شمارا نوکیں ھالے دیاں : واجہ گلام رضا حسین بُرّ چورہ بوت , ناکو دلوش ءَ چہ دل ءِ جھلانکی ءَ کندگے جت ءُ گوشت واجہ پت ءُ مات کرنے بیت کہ مرتگ انت پرچا دروگ بند ئے ,
واجہ داریوش ھمایون حسین بر ءِ مستر ءُ کماش مُرت ,شاھیانی لیڈر , من کیھان لندن ءَ وانت ءُ دیست کہ گلام رضا ءَ احمد وحدت خواہ ءِ نام ءَ آئی تسلیت گوشت ,یکرندے من ءُ یک دکترے ھستینگ ءَ روگ ءَ اتین من چہ واجہ ءَ جست کت واجہ گلام رضا پرچا بے بلا پہ شاھیاں چو شیدا انت ؟ دکتر ءَ پسہ دات آئی ءِلوگ ءِ ھرج ءَ دیگ ءَ انت , من وتی دل ءَ گوشت بزان یارُک پہ لاپ ءَ ھور انت , بلے مروچان واجہ ءَ گلام چہ وتی نام ءَ کشتّگ ءُ رضا حسین برّ بوتگ ,ءُ داریوش ھمایون ھمآ روسیاھیں ایرانی ات کہ آئی ءَ گوشتگ ات اگان امریکہ ایران ءَ بجنت ما گون چنّہ ایں ملایاں ھور بیئن ءُ امریکہ ءَ جنین , شرّ بوت آ روسیاہ سکٹ بوت ءُ مرت آ بلوچ کرد عرب آزری ترکمن ءُ گیلکیانی مسترین دژمن ات ءُ حسینبر آئی ءِ شمس وزیر ءُ قمروزیر ات ءُ پدآ دگہ ھالے شما را دیاں کہ روسیاھیں افشار ھم مرت ءُ شت آ بلوچانی تاریخ ءِ مزنین دژمنے ات آئی ءَ کتابے نبیستگ ات چابھار ءُ دریای پارس دوتین چارپاد دانکہ ۶٠ سال پیش یک پارسی یے چھبار ءَ نبوتگ چے پیم ءَ دریا ی مکران دریای پارس بوتگ , باید انت بلوچ اے مردک ءِ کبر ءَ بسوچ انت
ناکو دلوش :گوستگیں ھپتگ ءَ ملایانی شادی احمدی نژاد زاھدان ءِ یھتگ , شپے روچے ءَ لوگے ءَ بوتگ ءُ لوگ ءِ چپ چاگرد پاسدار ءُ بسیجیان انگر کتگ ءُ چہ جند اللہ ءِ ترس ءَ ڈن ّ ءَ درنکپتگ ءُ آمبولینسے ءَ سوار بوتگ ءُ آمبولانس پیک پاک کنان ءَ بالی پت ءَ برتگ ءُ پالی ءَ سوار بوتگ پوک سیاہ ءَ تھران ءَ شتگ
کینگی بلوچ : ناکو دلوش تئی ھیال لاشاری ءُ مبارکیانی باروا چے انت ؟
ناکو دلوش : آ اے ساھت ءَ ھاموش انت بلے پہ جوانی چارگ ءَ انت کہ دنیا چون بیت , بزگیں کینگی آ منی ءُ تئی ڈول ءَ لچی ءُ داسی نہ انت آیان ءَ پوج ءُ لشکر ھست تپنگ ءُ ٹوپ اش ھست آ چآرگ ءَ انت کہ امریکہ ءُ مگربی ملک مدل ایست ءَ پہ کتام آسر ءَ سر بنت , ءُ بارین ایرانی ملایاں جن انت ؟اگاں شاھی ,مجاھدین تودہ ای ءُ ھر گروھے باھند بکنت آیانی زلورت اش بیت پرچا کہ تپنگ آیانی کوپگ ءَ انت آ سکیّن بلدین انت ,سیاستدان رادیو ءُ تی وی اش ھم ھست انت ءُ واجہ رحیم بندوئی انگریزی پارسی ءُ بلوچی زبانان پہ گلگدار ءُ انترویو سک چالاک ءُ زبانور انت ءُ اگاں یک روچے بلوچستان ءِ آذآتی ءِ باھند چست ببیت راج زرمبشتی ءُ منی تئی ڈولیں لچی داسیاں گوم ندینت ءُ بندوئی چیزے زانگ ءَ انت کہ وتی ریش ءُ بروتی پروفسری کتگ انت
کینگی بلوچ : ناکو دلوش ملا لتر ءُ شے جگردی ما شما دست ھورکیں مردم ایں بلے یک کارے کت کنیں بلوچستانءِ راجدپتر ءُ تاریخ ءِ باروا چیزے کت کنیں مہ وپس ات ءُ لاپ مہ رودین ات وتی ند ءُ کلماں کار بند ات ھرچی کہ پیش ءَ بلوچانی سر ءَ گوستگ ءُ ھنچو مروچی چی بیگ ءَ انت بنبیس ات ءُ چاپ بکن ات , پہ بلوچی زبان ءَ کار بکن ات , بلوچی مئے وتی شھدین زبان انت

آدینگ ٢٢ آپریل ٢٠١١ علی رئیسی

2010-08-24T06:56:00.000-07:00

زنڈیں بلوچ ءُ بارگیں پارسی ملا

بارگیں ایرانی ملا ءَ وتی اسپیتیں پاگ پہ دوئیں دستاں سرینت ءُ جھل ءُ برز کت ءُ دیم گوں زنڈیں بلوچ ءَ کت ءُ گوشت : ماشااللہ چشم نخوری انشاللہ ,تو چہ من ءَ جان ءَ پُرّ تر بوتگ ئے . دلوشی ءُ زرّ ءِ واھندی لاپ ءَ زنڈ ءُ دیم ءَ جرپ کنت . چنت لوگ , آسیدگیں کار ءُ بار ,ماشین ءُ دگہ بازیں دگدکہ تو پہ نئو نئو چہ اسلامی آشوب ءُ انکلاب ءَ وتی بھر گپتگ .تئی پیشیگیں جھد ءُ ھِزمت ما نہ شمشتگ انت .تو لھتے درانڈیھیں بلوچ آورت ءُ مئے دست ءَ دات انت .بلے ما اسان ءَ کدّ بلوچی کروچی چّلے ءَ ھساب نکنیں. تئی رد داتگین ءُآورتگیں بلوچ اکسریتی یا ھما بوتگ انت کہ چہ سربازی ءُ جنگ ءِ ترس ءَ یورپ ءَ شتگ انت . بزاں اے ڈولین چاشُک ءُ چِّلی سربازی ءِ جھوک ءُ اکسریتی چَلّ ءُ پون ھمدان باز انت . دنیگا فرخ نگھدار یورپ ءَ ترّیت ءُ جمھوری اسلامی ءِ توسیپ ءُ ستا ءَ کنگا انت

زنڈیں بلوج ; منی سر, جان ءُ مال پا اسلامی آشوب ءَ سِدَکّہ ءُ کولیگ .من ءَ ھم گپ ّءِ اجازت ءَ بدی.واجہ حجتہ الاسلام شما چھبارءِ کھربا بند کت .کھربا سیاسی ماھتاکے نہ ات . ادبی ماھتاکےات .شما وت اجاءت داتگ ات کہ اے کار ءَ بکنین .پہ درانڈیھیں بلوچانی رد دیگ ءَ گھتریں کارے ات .جمھوری اسلامی ءِ اصل ١۵ گشیت کہ کرد بلوچ عرب آذری ءُ ترکمنان اجازت ھست کہ وتی ماتی زبانان ھمراہ گوں پارسی ءَ وانگجاھاں بوانین انت.من گVن چونیں دپ ءُ آپے ءَ پدا یورپ ءَ بروان ءُ پشتکپتگیں سیاسی بلوچان ءَ رد بدیان. نوں من چونین گورّے پہ وت ءَ بکوچاں .شما منی درستیں پناس ءُ رپک گوں پُران ھوار کت انت

بارگیں ایرانی ; تو وت ءَ انچو دلوارگ مکن.بزوراے دزمال ءَ ارساں پَھک کن .ما را چہ تئی پارس دوستی ,راستی ءُ جان نہ دُزیّ ءَ ھچ شکّ ءُ بدین گمان نیست.مئے ملائی گونچان ءَ وڑوڑیں رپک ءُ مندر ءِ بنڈل ھست انت . ھرچی ما ترا گوشیں تو ھنچش بکن.سرءِ ھوش کن کہ ترا دو برات ھست کہ علم ءُ زانت ءَ چہ ترا دیماتر انت .بلے آ تئی ڈول ءَ مئی کار ءَ نیاینت.تو چہ میلیونی ءِ سیمسر ءَ گوستگ ئے ءُ میلیاردر بوتگ ئے . تئے براتانی دست پا ھیلہ بلاھے ءَ دپ ءَ رسیت.بیست سی مردم ھمک شام ءُ سبارگ ءَ تئی وان ءِ چپ ءُ چاگرد ءَ کونڈان جن انت ءُ ورانت دستاں چنڈ انت ,بروتاں تاب دینت ءُ پاد کاینت

جھل ءَ تو ءُ برزا تو .سر ءَ ھوش کن کہ تو دیپلم ھم نگپتگ . تو دہ کلاس وانتگ .مارا فیلسوف ءُ پروفیسر ءِ زلورت نہ انت .مارا درد واریں مردم ءِ زلورت انت کہ مئے کاراں دیم ءَ ببارت ءُ تئی ڈول ءَ وت ءَ لُگُز ءَ لُگُز ءُ چرپا چرپ بکنت.منی براتیں بلوچ منی ھبراں بد مہ بر کہ مئے پوج ءُ ارتش ءِ وزیر گوگدامانی دکتریں کہ تپنگ ءِ سراپینگ ءَ نزانت . مئے انکلاب ءِ پاگواجھ ءِ دست یکیں ءُ وتی زند ءَ یل تیرے نسراپینتگ . ھوآیی دریائی زمینی تاکتانی سرمھار آئی ءِ یکین چپی دست ءَ انت.ایرانی ھوڈیں مردم انت . شیعہ مذھب ءَ کّر کور ءُ گُنگ کتگ انت.ھما کہ مھندس دکتر استاد ءُ سیاستدان انت وھدیکہ امام زمان ءِ نام ءَ چہ مئے دپ ءَ اشکن انت گنوکیں پسانی ڈول ءَ وتی سراں دیوالان جن انت . وتی سر ءُ سینگان پہ کارچ ءُ زمزیل چوپ انت . اداں ھوڈیں سرنایانی ملک انت .شیعہ مئے دین ءُ مئے سیاست انت ءُ سیاست مانا ءُ بستار زر ءُ مال ءِ واھند بیگ ءُ ٹگی ٹوری انت . تا کہ دنیا ھست اے جنگ دیم ءَ روت . نوں مئے دور انت . رند ما تپر . اُو مئے بلوچیں برات دیم ءِ گچینکاری ءَ ترا مجلس اسلامی ءُ پارلمان ءِ چارپادک ءِ سر ءَ نندگی انت .وتی مجگ ءَ بہ ٹُکّ کہ تو مئے دام ءَ کپتگ ئے ءُ دراتک نکن ئے .اگاں درکپگ ءِ جھد ءَ بکن ئے تئی سر ءَ چو ھچک ءِ پُل ءَ چنین . اگاں مئے لوٹانی سر ءَ کار مکن ئے یک سرسباھے تئی مال روپگ بنت ءُ گوں ھشکیں گوشاں چھبارءِ تیاب دپ ءَ گوں تراشتگیں سر ءَ کین درا دیدلی دالی جن ئے

زنڈیں بلوچ ; واجہ من دگہ وَ ھبرے نکت کہ تو منی سر ءَ چو بشّی جمبر ءَ بند وارتگ . من شمے دزبوج ءُ گلاماں .. من گوشت اگاں شما کھربا بند مکتیں من یورپ ءِ بلوچ گھتر ءُ زوت تر شمے دست ءَ دات انت .مصر ءِ کور نیل ءَ بکپات بلوچ بلوچی زبان ءُ بلوچستان.منی گپاں چہ دہ ءَ یکےّ بلوچی نہ انت .. ھرچی شما بگش ات من کناں

بارگیں ایرانی; منی بلوچیں برات تو وت ءَ انچو دِلوارگ مکن .انچو ندرتگ کہ پچّ جَنَگ مہ بیت.مئے رپکانی گونچان انگت ءَ پُرّ ءُ کوٹان انت .دلگوش بدار ما اداں جنیناں سنگسار نکنگا ئیں ؟
زنڈیں بلوچ ھو کنگااتاں

بارگیں ایرانی ; گڈا یوروپی ملکاں ایرانی لنڈریں جنین نوبل داد ندات ؟ شیرین عبادی ءَ گوشاں .آیآں اے داد پہ مئے ھکومت ءِ پلامرزی ءَ آئی ءَ دات پہ نپت گاز ءُ وتی تجارت ءُ دی زور ءَ اے کار کت.. زرّءُ ھستی ھمک کار کنت.دلگوش بدار مارا دگہ نوکیں رپکے کنگی انت آ گپ پیشگال اتنت

زنڈیں بلوچ ; بگش منی آقا من ھم رپکبازے ان .من ھم جمھوری اسلامی ءِ ولّ ءِ براں .بسوچ بلوچ ءَ

بارگین ایرانی ; .آ رند ءَ ما ترا لندن ءَ پہ بلوچ کمینیٹی ءِ جوڈینگ ءِ نیمون ءَ دیم دات .تو یورپ ءَ ترّتاب کت ھنوں ما را مراگشے سوئد ءَ ٹھینگی انت کہ بلوچی زبان ءُ بلوچستان ءَ سیاست ءِ باروا بیت . تو وَ زان ئے اگاں اداں بلوچستان ءَ یکے بلوچستان ءِ سیاست ءُ بلوچی زبان ءِ بارواگپ بکنت ما آئی ءِ زبان ءَ چہ بن ءَ کشّیں. البت یوروپ ءِ نندوکیں ھما بلوچ شائر ندکار ءُسیاستدان کہ جمھوری اسلامی ءِ ھلاپ ءَ انت بھر زرت نکن انت . ھما کہ مئے مردم انت اوداں رو انت .ما وت زانین کئے ءُ کئیاں اوداں راہ بدئین . آ مچّی ءِ ھرچ درچ ٹکٹ ءُ بند ءُ بسات ءَ ما دئین بلے نام اپسالا یونیورسیتی ءُ کارینا جھانی ءِ بیت . بچار مئے ملائی رپکاں او زنڈا زنڈیں بلوچُک .دور سیاھیں پاگ ءِ دور انت.ایرانی شدیگیں پس انت ءُ پہ گڈّگے ءَ مئے رند ءَ پیک انت
زنڈیں بلوچ ; گڈا واجہ بگش من چے کت کناں

بارگین ایرانی ; پیش چہ اے دیوان ءِ برجم دارگ ءِ تو یورپ ءِ ملکاں ترتاب بکن درستیں پشتکپتیں بلوچان دپ کپ . اسلام ءِ شریّاں بگش .آیان ءَ گلا گلو بکن .ما لھتے چہ ھمابلوچان ءَ کہ پیش ءَ کمونیست بوتگ انت ءُ ھنوں مئے گلامی ءَ چیلک آیانی گردن ءَ لونج انت آ دیوان ءَ ھوار کنین .آ دیوان ءِ ھلاسی ءَ ھموان نند انت , مئے رھشون ءِ متابک ءِ باھوٹی ءِ لوٹ چہ آ ملکان کن انت شش ماہ ءُ سالے اگاں باھوٹی آیاں رس ات دیم ءَ گیشتر مئے کاراں گوم ءُ گیگ کن ا نت ءُ اگاں باھوٹی نہ رس ات لھتے ٹگائین انت ءُ کار انت مئے دست ءَ دینت پہ وڑ وڑیں دلوشی ءُ نیمون ءَ کہ شمارا ملیونانی ملیونوام دئین کہ پہ وت ءَ تجارت بلن ات . کھُن بکشّ ات ءُ جُھلین چات بجن ات. بسوچ ات آسارتیں ملکان .ما زانگائین کہ لھتے چہ آملکاں تنگ آتکگ انت بلے چہ مئے ترس ءَ نیاینت .ھنچو کہ مئے دست ءَ کپت انت ما زانیں گوں آیاں چون بکنین .ما تھنا پہ بلوچاں اے ڈول ءَ نکنگا ئین

پہ درستیں ایرانیان وڑ وڑیں مردم دیم دئیں .دژمن اگاں مورے ببیت آئی ءَ ھژدیایے بہ اُشمار .آ مئے ھکومت ءِ نزوری ءِ وھد ءَ مئے زدّ ءَ باز کار کت کن انت . آیانی مروچگیں ھاموشی ءَ مچار . پیش ءَ یک رندے ھمے اسکاندیناوی ءَ بلوچی زبان ءُ رومن رسم الخت ءِ باروا ہنچشین کارے کتگ ات . تو ھم ھور بوتگ ئے . باز بلوچ مئے دست ءَ کپت انت آیاں پیش ءَ بازیں ھارت پورت مئے باروا کتگ ات . آ نون زانگا انت کہ چہ یکمن آرت ءَ چنت چانگ درکیت .آیانی سر چِو لمپی میشک ءَ جھل انت .آ زآننت ءُ ما کہ چونیں کار گوں آیان کنگ بوتگ

زندیں بلوج ; لھتے شمے ھمے نیشوارکتگین بلوچان من ءَ چو کچک ءِ گلرک ءَ دپ ءَ کتگ ءُ گوں وتی ماشیناں یوروپ ءِ کنڈ کنڈ ءَ ترینتگ آ مئے ءُ شمے شرترین کمککار ءُ گموار انت .. بلے من ءَ یک شومیں ھیلے ھست وھدیکہ واب کپاں واب ءَ سک گُرّگاّر کنان کہ شما خُر ءُ پف گوش ات . آ بزگّ دانکہ سھب ءَ واب نکپ انت بلے پہ شما ءُ اسلام ءِ ھاتر ءَ دیم ءَ تھار نکن انت . منی گرّگاپاں سگّ انت

بارگیں ایرانی ; آ شرّ زاننت اگاں تئی ھمراھداری ءَ مکن انت ءُ خُّ ءُ پفاں مہ سگّ انت گڈا کہ دومی رندا کہ پہ بلوچستان ءِ سوھتگیں کوھانی چارگ ءَ کاینت گوں آیاں چونین کار کنگ بیت .ما آوان ءَ ھنچشیں کانیگ ءَ آپ داتگ کہ عرب وتی نیزگ ءَ اوداں دور ند نت .لھم لھمیں چیرپناھیں گلامی .بے تواری ءُ ھاموشی ءِ گلامی . راست گوشیت شموشتوں ترا بگوشاں ایتالیا ءَ ترا یک کارے کنگی انت زلور دکتر بدل خان ءَ درگیج ءُ منی ھاسیں سلامان ءَ آئی ءَ سرکن .آشرین دکتریں .چہ پاکستانی بلوچاں یکے آ دیوان ءَ کیت . تو ھموداں آئیءَ گند ئے .عضیم شہ بخش تئی ھاسیں سنگت ءُ مئے شرتریں نمائندگ آ دیوان ءَ گپ ءُ تران کنت

زنڈیں بلوچ ; گڈا مراد چہ آ دیوان ءَ چے انت ؟
بارگیں ایرانی ; مئے گچین کتگین مردم کہ اوداں روانت ایانی نبشتانکاں پیش ءَ مئے مردم چار انت ءُ ٹپاس انت .آ نبشتانک بلوچی زبان ءُ سیاست ءِ بارو ا انت آیان منیّننت کہ بلوچستان چہ ھزاران سال پیش ایران ءِ جدا نبوتگیں بھریں .ءُ بلوچی زبان یکے چہ پارسی زبان ءِ گالوار ءُ لھجہ آن انت .مارا گون اے کار ءَ درانڈیہ ءُ آزاتی لوٹوکانی باھند کمرنگ کنگ ءُ پروشگی انت .ما زرّ ءِ واھند ءُ آ لپنگائین ءُ وارین مردم انت .بلے پدا ھم ھترناک انت .من ترا پیش ءَ گوشت مورینک ءَ ھژدیایے ھساب کن.زمانگ ھراب انت ءُ امریکہ مئے دژمن انت .پدا مئے یک مرادے درانڈیھین بلوچان ءَ وت پہ وت ءَ جنگ دیگ ءُ دلگرانی جوڈینگ انت .چہ جرمنی ایتالی روس فرانس ءُ انگلند ءَ لھتے بلوچی پت ءُ پولکار اوداں کاینت ماآیان ءَ ڈالر داتگ بازیں ایرانی کہ بلوچستان ءِ بابت ءَ کتاب نبشتگ ھم یارگ بنت . چہ پیپ ءَ ھم یکے کیت کہ تھنا چگرہ کِرتگ زانت . او زنڈُک وتی مجگ ءَ بہ ٹُکّ مئے ملایانی کار بند ءُ تایی ءِ دیگ بوتگ امریکہ انگریز ءُ فرانس ءَ مارا کمک کت ءُ حکومتی مئے دست ءَ دات . البت آ وھد ءَ زمانگ دگہ ڈولے ءَ ات .آیاں ُہ کمونیستانی دیمگیری ءَ کہ اوگانستان ءَ آتکگ اتنت آ کار کت .ما زانگ ااین کہ دیم ءَ چے بیت .ما وتی دژمن ءَ باید انت کہ پیش ءَ پروش بد ئین .امریکہ ءُ آئی ءِ سنگت دلمانگ انت آزاتی لوٹوکین بلوچان ءَ ھژدیا بکن انت ءُ مئے بڈّءَ دور بدینت

زنڈین بلوچ ; واجہ تو من ءَ ھم رھشون ءِ دیگ ءَ بِلّ.ءُ آ ایش انت کہ مروچی انترنت ءِ دور انت .پاکستانی بلوچ پہ بلوچستان ءِ آزاتی ءَ جنگ ءَ انت اودا ں ماھتآک ءُ کتاب بلوچی ءَ چاپ ءُ شنگ بیگ ءَ انت آ گوش انت کہ بلوچستان پیش چہ پاکستان ءَ آزاتیں ملکے بوتگ ءُ ایران رضا شاہ ءِ وھد ءَ انگریز ءُ امریکہ ءَ جوڈینتگ . ایران پارس بوتگ کہ اصفھان ءُ شیراز بوتگ . من گوشاں اے ڈولین دیوانے ءَ شما پرچا ھما بلوچاں نلوٹائین ات کہ ماھتاک شنگ کن انت , کتاب نبیسگ ءَ انت , سیاستدان انت . مزنین ماھیگاں وتی دام ءِ چمگ ءَ بیار ات .ھمایان ءَ زرّ ءُ دلار ءِ ھیلدار بکن ات

بارگیں ایرانی ; تو اداں ناھودگیں ٹاپارے جت .آ مردم کہ تو گوشت انت آ مئے دام ءَ نیاینت .آ اگاں اے وڑیں دیواناں بیاینت آ وتی دل ءِ گپان جن انت ءُ مئے دیوان ءَ بے ڈول کن انت .آ اگاں بیاینت تئی ڈولین ءَ ھمادیوان ءَ گٹ ءَ دار انت ءُ مئے دپ ءَ پہ چمپل جن انت .آ دیوان ءَ باز پارسی مردم کیت کہ بلوچستان ءِ سیا ست ءُ زبان ءِ بارو ءَ گپ کن انت کہ بلوچی یک گالے نزان انت .من انچو کسہ پہ تو جت تو واب ئے .تو انگت ھما جٹّی بلوچی ءِ ھرءَ سوار ئے

زنڈین بلوچ ; پھل کن واجہ من واکی ناھودگیں ٹاپارے جت من مزنین ھوڈی یے کت . مرچی منی سر بروبر نہ انت. دگہ جستے چہ ترا کناں

بارگین ایرانی ; جست کن بلے ناھودگ ءُ سُرنائی جستے مہ بیت . آس ماندار بلوچی ماھتاک بلوچی زبان ءُ بلوچستان ءَ . ءُ بلوچی بگر ءُ بداراں

زنڈین بلوچ ; تو وت ءَ ءُ من ءَ بچار ,تو بارگ بارگ ءُ من زنڈا زنڈاں . تو چو پیتکول ءَ چالاک چالاک ءَ ترّئے پاد کائے نند ئے . من اگاں نشتاں پہ بزگّی پاد کایاں . پنجاہ گام دیم ءَ شت نکنان , دوا درمان پنت ءُ سوج ءَ من دم برتگ . ملائی پنت ءُ سوجے من ءَ دی کہ شمے گونچان ءَ ھمک درد ءِ درمان ھست

بارگین ایرانی ;;تو منی ڈول ءَ بوت نکن ئے

زنڈین بلوچ ; پرچا من بوت کت نکناں ؟ مئے ھون یک رنگ انت , سُھر انت
بارگین ایرانی ; پمیشکا کہ من پارسی یے آن ءُ تو بلوچے یے . من شیعہ ءُ تو سنیّ .مئے دود ءُ ربیدگ ءَ زمین ءُ آسمان ءَ بدلی ھست .منی ھون ملائی ءُ پارسی ھونین ءُ تئی ھون بلوچی ھونین . مگش منی ءُ تئی ھون یک انت . بسوچ سھری ءَ
زنڈین بلوچ ; پدا ھم درمان دارگے

بارگین ایرانی ; من ءَ چار نکاح کتگین جن ھست ءُ ھشت صیگہ کتگین چہ ١۵ دانکہ ٢٠ سال ئے .ءُ تو تریاک کشّ ئے ؟

زنڈین بلوچ ; اگاں تریاک منی مرگ ءِ دوا ببیت من نکشاّں . من چنت جنی ءِ منوّک نیاں . چنت جنی رزوائی ءِ بُن انت .من کجا ءُ صیگہ کجا

بارگین ایرانی ; اگاں منی ڈولءَ کت نکن ئے ھنچو بوزگا بوزگا آلیٹ جن . بہ وپس ءُ گُرّگارّ کن . من گوشت تو منی ڈول ءَ بوت کت نکن ئے .مہ شموش منی سلاماں بدل خان ءُ شہ بخش ءَ سرکن .ترا دگہ شر ین ھالے دیان گوں تئی وابانی خُرپفان سیادی کنت .دیم ءِ گچینکاری ءَ کہ ترا جمھوری اسلامی مجلس ءِ چارپادک ءِ سر ءَ نندگی انت اودان بازیں پیریں ملا ءُ دگہ باسک ھست کہ بازیں ورگ یا دگہ ھیلانی برکت ءَ مجلس ءِ چارپادکانی سر ءَ واب کپ انت ءُ تئی گُرّ ءُ گارّ آیان ءَ چہ واب ءَ جَہ سِرّینیت . مہ شموش دیمترءَ ما را ماں لندن ءُ یوروپ ءِ دگہ ملکاں لھتے دگہ ھنچشین دیوان ٹھینگی انت ءُ مئے چالاکیں باسک ءُ نمائندگ وتی کمال ءَ پیش دار انت .a

2010-08-24T06:43:00.000-07:00

اُ ھدا آزمان ءَ برو

شارون حکومت ءِ یک وزیرے رافائیل ایتان ءَ یک ٹِکّ ءُ درائین گلگدارے ءَ مصباح یزدی ءِ ڈول ءَ آھری گپ جتگ ءُ گوشتگ ;مئے جنگ نگن ءُ تیجگ ءِ جنگ نہ انت .زمینانی گرگ ءُ جھودان اوداں جھمنند کنگ نہ انت . مئے جنگ مذ ھبی مفدسّیں جنگین .ما ھدا ءِ حکم ءُ فرمان ءَ رواج دیگ لوٹیں . ھدا ءَ یھودی ءُ جھود چہ دنیا ءِ درستیں قوم ءُ ٹکاّں لائک تر ءُ شرتر گوشتگ ءُ چہ ما لوٹتگ فرات ءُ نیل ءِ میانجین ءَ مزنین اسرائیل ءَ بجوڈینیں .ما وتی اُگدہ ءُ ذمّہ ءِ سر ءَ کار کنگ ءَ ایںءُ ھدا ءِ پشتیبانی ءِ دست مئے پشت ءَ انت

واجہ ایتان ءِ مسلمانین ناکو زھتان مصر سوریہ عراق ءُ ایران ءَ ھمے لوٹ ءُ باواست ءُ داوا ءَ کنگا انت کہ مئے جنگ گوں اسرائیل ءَ قومی ءُ ملکی جنگے نہ انت .نگن ءُ تیجگ ءِ جنگ نہ انت .جنگ پہ گیشترین سرڈگار ءُ زمین ءِ واھند بیگ ءِ نہ انت .جنگ مذھبی مقدّسیں جنگین .پہ اے کارءَ ھدا ما را سکین ءُ پنت دیگ ءَ انت .ھدا ءَ مارا گوشتگ کہ اسرائیل ءِ حکومت ءَ ولگوج بکنین ءُ قدس ءَ آزات بکنیں ءُ اسلام ءِ بیرک ءَ دنیا ءِ چارکنڈ ءَ مِکّ ءُ لِکّ بکنیں.ھدا ءَ کامیابی ءِ مژدہ مسلمانان ءِ داتگ ءُ اسلام گھترین دین زانتگ .الآسلام یعلوا و لایُعلی علیہ

کرنانی کرن گوست ءُ شت کہ بنی آدم ءَ ھدا چہ زمین ءَ آزمان ءَ رھادگ کت .پہ اے کار ءَ پہ ھکّ دین ءَ شرّیں لیبے گوازی کت .پیش چہ اشی ءَ کہ یک ھدائی دین زمینی ءُ جسمانی ھدایانی پادانی چیرءَ بروپیت ءُ یکّیں ھدا ءَ آزمان ءَ بہ نندینیت, زمین دام ھدایانی کست ءُ کینگ ءِ آماچ ءُ جنگ چوپ ات ءُ ھریکے زمین ءِ کُنڈے ءَ وتی ڈول ءَ بادشاھی کنگ ءَ ات .لھتے چہ آ ھدایان المپ کوہ ءِ برزءَ منزل کتگ ات . لُھتے دگہ چو کہ ھند , سند ,کلدہ ءُ آشورءِ ابابتجاھان نشتگ اتنت کہ کاھنان ءُ سجدہ کنوکان آیانی بندگی کتگ ات ءُ لھتے دگہ چو تَکّی ءُ کٹومی (توتم) کہ آیانی بادشاھی ٹک ءُ کٹمی ھردیں ڈگارے ءِ واھند اتنت

چہ ھدایانی بازی ءُ آیانی گِر ءُ کشّ گوں زمی ءُ زمینیاں , بنی آدم ھیران ات کہ گوں کتام ھداءِ ڈُھل ءَ ناچ ءُ سُھبت بگریت . بنی آدم نشت انت ءُ اَگل جوڈینت ءُ پہ اے کار ءَ کامیاب بوت انت کہ اول ءَ یک ھدایے بجوڈین انت , دوم آئی ءَ آزمان ءِ برزترین جاگہ ءِ بہ نند ین انت کہ چہ زمین مردمانی شار شور ءُ کست ءُ کینگاں دور بدار انتءُ بہ رکیّن انت

چہ بازیں کرن ءِ گوزگ ءَ رند نوں لھتے پاد اتکگ انت ھدا اش چہ آزمان ءَ زمین ءَ آورتگ ءُ زمینی جنگ چوپانی تہ ءَ ھور کتگ.چو کہ گندگ بیگ ءَ انت کالین پاول ءِ رو آ , بوش ءِ کلو پیگام ,امیر ءبد اللہ ءِ سھل ءُ تران ءِ نُکسہ , ھورین قومانی (یو ان) ءِ بنجاہ ءِ مراگش پہ میدل ایست ءِگرءُ کش ءُ جنگ ءِ توسینگ ءَ کارساز نہ انت , پہ ھداءِ کمک ءُ مدت کنگ ءَ چن ءُ لانچے ءِ زلورت انت ءُ آ چہ اے جنجال ءَ رکینگی انت کہ آزمان ءَ بروت تاکہ جنگ ءُ چوپ ھلاس ببنت

بے روزگار ءُ تنگدستیں مردے لوگ ءِ کنڈ ءَ نشتگ ات ءُ گم ءِ کونڈ دل ءِ سر ءَ ایر کتگ اتنت . جن ءَ گوں آئی ءَ گوشت ; چہ تو ھرکت چہ ھدا برکت . پادا برو جھد ءُ کوشستے بکن ھداروزیک رسان انت ءُ مئے روزیک ءَ ھم دنت . مرد پاد اتک ءُ چہ لوگ ءَ درکپت تاکہ مگرب تھار ءَ ترّات ءُ جست کت کس ءَآئی ءَ کارے ندات.چہ دست ھورکیءِ سبب ءَ لوگ ءَ نہ شت , دیم پہ گیابان ءَ شت ءُ درچکے ءِ سر ءَ وپت.بامدپ ءَ پکیرے آتک ءُ درچک ءِ چیر ءَ نشت ,آئی ءَِ مردمکے چہ گِل ءَ جوڈ کت ءُ وتی دیم ءَ ایرکت ءُ گوں آئی ءَ گوشت یئ ;اُ آدم درستیں واری ءُبزگی تو پہ ما جوڈینت انت کہ جن ءِ ھبر ات گپت ءُ گندم ات وارت ءُ چہ جنت ءَ درانڈیھ کنگ بوت ئے ءُ ما تئی اوبادگاں تاکہ کیامت ءَ اے درانڈیھی ءُ بزگی ءَ بہ سگّین .اے ڈول ءَ گوشت ءُ وتی دزلٹّ آدم ءِ سر ءَ جت ءُ کشت ئے

دمانے ءَ پد دگہ مردمکے اڈ کت ءُ گوں آئی ءَ گوشت ;اے موسی تاکہ تو نیھتگ ات ئے قومی ءُ دینی جنگ نیست ات .تو جھود ءِ قوم چہ نیل ءَ آ دیم ءَگوازینت ءُ ارض موعود ءَ برت .تور سینا ءَ شت ئے گوں ھدا عِ گپ ءُ رپ کت ءُ چہ ھدا ءَ پیگام اِت آورت کہ جھود ءِ قوم چہ ھدا ءِ درستین قومان لائک ترانت .بزاں قومیءُ دینی جنگ ءِ بن ھشت تو ایر کت کہ تا دنیا ھست اے جنگ دیما روت , تئی دوا مرگ انت , اے گپ ےے جت ءُ دزلٹ موسی ءِ سر ءَ ایرآورت ءُآئی کشت

ایدگہ نبی ءُپیگمبر ھمے ڈول ءَ جست پرس کت ءُ کشت انت تاکہ باری پہ شیتان ءِ رس ات . دیم گوں آئی ءِ کت ءُ گوشت ئے ُاُ ناسرپد ءُ ھبر گوش نداروک ءُ نافرمان اگاں ھداءِ ھکم ات منتّگ ات ءُ آدم ات سجدہ کتگ ات تئی جاہ جنت ءَ ات ءُ ماھم درانڈیھ ءُ آوارہ نہ اتیں .دزلٹ ءِ جھل یایگ ءَ شیتان ءِ زند کُٹینت

گُڈ سر ءَ چہ گل ءَ ھدا اڈ کت ءُ گون آئی ءَ گوشت ; ھکیّں ھبر ءَ بلوٹے درستین پلینڈی ءُ پسات چہ ترا انت .شیتان تو اڈ کت .ءُ تو زانتگ ات چہ گل ءَ اڈ بوتگیں آدم ءَ سجدہ نکنت پدا آئی ات ھُچّ کت ءُ اے شار شور جوڈینت . کوہ تور ءَ آ گپ ات گوں موسی ءَ کت انت . موسی ءُ عیسی تو جنگ دات انت .. تو ..... دزلت برزادی برت کہ ھداءِ سر ءَ ایربیاریت کہ مرد ءَ چہ درچک ءِ سر ءَ کوکار کت ; مجن کہ دنیا ویران ءُ سرچیر بیت.پکیر ءَ ھیال کت کہ کوکار چہ آزمان ءُ عرش ءَ پیداگ انت ,چہ ترس ءَ دلترک بوت ; دیم پہ چیر ءَ کپت ءُ مرت

مرد چہ درچک ءَ ایرکپت ءُ پکیر ءِ کچکول پٹّ اِت .چیزے تلاہ ءُ نگرہ ءِ زرّکچکولءَ ات . زر زرت انت . نگن ءُ تیجگے زرت ءُ لوگ ءَ شت

جن ءَ گوشت من نگوشت ھدا روزیک رسان انت ,
مرد ءَ پسہ دات مپت ءَ منی نداتگ انت , آئی ءِ جان اوں نجات داتگ ءُ چہ مرگ ءَ رکیّنتگ

اگاں المپ ءِ ھدایاں یکدگر ءِ دژمن بوتگ انت ءُ بنی آدم ءِ زند آیانی کست ءُ کینگانی شِرّی ءِ آماچ بوتگ اسلی نیمون ھما باز ھدائی ءِ رھبند بوتگ

اے چونین کِسھے کہ یک , احد ءُ واھدیں ھدا شمبے ءِ روچ ءَ شپکلاھے سر ءَ کنت ءُ جھودانی عبادتجاہ روت ءُ موسی ءِ قوم ءَ محمد ءِ قوم ءِ ھلاپ ءَ شورینیت . آدینگ بزاں جمعہ ءِ روچ ءَ پاگے سر ءَ بندیت ءُ مسلمانانی مسیت ءَ روت اشان ءَ آیانی ھلاپ ءَ پنت دنت . اے ھداءِ کار نہ انت . اے ھدا ءِ ھلاپ ءُ زدّ ءَ یک پندل ءُ رپکے . باید انت ھدا چہ اے رپکباز ءُ پندل سازانی مکر ءُ ھنراں نجات دیگ ببیت کہ چہ زمین ءَ آزمان ءَ بروت ءُ دور چہ زمینی مکاّر ءُ شار شور کنوکاں ھدائی بکنت

اے نبشتانک چنت سال ساری چہ ھپتگی کیھان چاپ لندن ءَ
حکیم حق نزر ءِ نبشتانک ءَ بلوچی ءَ رجانک بوتگ ءُ ماھتاک
بلوچی کویٹہ ءَ ھم چاپ ءُ شنگ بوتگ
بزاں پیش چہ صدام ءِ جنگ ءُ تاچینگ ءُ تالبانی جنگ ءُ روسیاہ
ءُ توسیاہ کنگ ءِ نبشتانکے ءُ مروچاں ملا خامنہ ای ءُ احمدی نژاد
چہ یک نیمگے ءُ اسرائیل ءُ امریکہ ءُ مگربی ملکاں چہ دگہ نیمگے
ھارت پورت ءَ انت ءُ گشئے دگہ جنگے ءِ بو پیداگ انت . جند اللہ ءِ
لشکر ءُ پوج گوں رودراتکی آزاتی لوٹوکیں بلوچاں ھور بوتگ انت
کہ رند چہ ملایان مزنین آزات بلوچستان ءَ بجوڈین انت ءُ ملک توکی ءِ
ڈولیں بلوچ کہ پارسیانی چانوگ وار انت بزاں حزبی ءُ جبھہ ای
گجرانی جنبش سبز ءِ مرتگیں آس ءِ پُراں پچ کوچگ ءَ انت . پہ منی گمان ءَ
گھتر انت آ وتی دکتری مدرک ءُ ڈگریاں سر ءِ چیر ءَ بکن انت ءُ بہ وپس انت
ءُ گجرانی گلامی ءِ واب ءَ بگند انت . یا کہ سرمیچ ءِ کبرستان ءِ کش ءَ کرگینے ءَ گوں تبلیاں مالد ءُ شین اللہ بکن انت

2010-07-22T06:52:00.000-07:00

"بلوچ سرمچــاراں وتی سلاه په بلوچستان ءِ آزاتی ءَ چسـت کرتگ انت"

نواب خير بخش مـری انتخاب روتاک خضدار - سندی روتاک عبرت ءِ ردا واجه نواب خير بخش مـری مان انٹريوے گـوں هما روتاک ءَ گـُـشت که بلوچستان ءِ مسئله ءِ حل " پکيج " نه انت، ما هنوں باز ديما شتگيں مئی لوٹ بلوچستان ءِ آزاتی انت. بلوچ ءِ زهگ مروچـاں ليبوک ءِ جاگه ءَ چه وتی پت و ماتان سلاه لوٹگاينت. نواب خيربخش مری ءَ ماں هما انٹرويوے ءَ گشـت که چه بلوچانی اينکس حونانی ءِ ريچگ ءَ رند دگه راهـے بيد چه بلوچستان ءِ آزاتی پشت نه کپتگ. البت گپ و مکسد تهنا بلوچستان ءِ آزاتی نهنت بلکين استثمار (استحصال) بزان اقتصادی گلامی ءِ هلاس کنگ و عدالت و بريبری (سوسياليســم) ءِ برجـاه کنـگ ماں بلوچستان مئی مراد اَنت

بلوچستان مروچی ماں آس ءَ سچگ انت و ايشی ءِ ذمه وار هما مگربی واکداريں ملک انت که پاکستان ءِ پشتداری کننت. پاکستان گوں ڈنــی ملکانی کمک ءَ لوٹيت ايرديستيں کوماں گيشتر وتی گلام بکننت. بلئے بلوچ کوم پاکستان ءِ گلامی ءَ نه منـّيت و گوں تپاکـی ءَ ديم په آزاتی ءَ روان انت

بلوچ و بلوچستان ءِ جد و جهد په " پکيج " نهنت.بلوچ سرمچــاراں وتی سلاه په بلوچستان ءِ آزاتی ءَ چسـت کرتگ انت.بيد چه بلوچستان وت مستری و آزاتی ( استقلال و آزادی) دگه هچ مکسدے بلوچ کوم ءِ بازنگيگيں جاوراں گيش و گيوار کرت نکنت.واجه خيربخش مری ءَ ديمترا گشت که بلوچستان ءِ ورناياں بايدانت په ملک ءِ آزاتی ءَ سلهبندی جهداں ديما به بر انت. بلوچستان ءِ آزاتی ءِ روچاں نزيک انت

رجانک کار

بلوچ

مساحــــت بلوچستـــــــان

2010-07-22T06:16:00.000-07:00

سرزمين وسيع بلوچستــــان از جنوب به دريـای بلوچستان، ازغرب به ولايـت پارس ( کرمان و فارس)والاحواز، از شمال به ولايـت پارس (کرمان ـ خراسان) و پشتونستان از شرق به سند و پنجاپ منتهی است. بر اساس منابع دولتی در ايران وپاکستان مساحت بلوچستــــان بدين قراراست

مساحت بلوچستــــان شرقی: سيصد وچهل وهفت هزارو صد و نود کيلومتر مربع ( ۳۴۷۱۹۰ کيلومتر مربع)1http://www.balochistan.gov.pk/index.php?option=com_content&task=view&id=37&Itemid=741
مساحت بلوچستــــان غربی: صد و هشتاد و هفت هزار و پانصد کيلومتر مربع ( ۱۸۷۵۰۰ کيلومتر مربع) 2
http://www.sbportal.ir/sistan-geography-fa.html
مساحت بلوچستــــان شمالی درافغانستان: هفتاد هزار کيلومتر مربع ( ۷۰۰۰۰ کيلومتر مربع)3http://en.wikipedia.org/wiki/Balochistan_(Afghanistan) طبق منابع فوق مساحت بلوچستــــان شش صد و چهارهزار و شش صد و نـود کيلومتر مربع است ( ۶۰۴۶۹۰ کيلومتر مربع ) است حکام فاشيست فارس و جنايتکاران پنجابی طی هشتاد سال گذشته مناطقی را به زورو نيرنگ از خاک زرين بلوچستــــان جدا کرده و به ولايات کرمان، خراسان، پشتونستان، سند و پنجاپ الحاق کرده اند

بخشهایی ازاستان کرمان منجمله جيرفت، خراسان جنوبی، استان ساحلی ( هرمزگان) منجمله گـُـنبـُدان ، گمبدان، گمبرون ( بندر عباس ) بخشهايی جدايی ناپذيراز بلوچستــــان هستند. همچنين بخشهایی از ولايت سند منجمله شهر کراچی، بخشهای غربی پنجاپ و جنوب پشتونستان نيز اجزاء لاينفک خاک بلوچستــــان هستند. تاريخ چندهزارساله ملت بلوچ و بلوچستان، وجود و زندگی ميليونها بلوچ در مناطق الحاقی گويای مالکيت ملت بلوچ بر سرزمين خويش است. ناگفته نماند که بخشهای وسيعی ازبلـوچستــــان شمالی به ولايات فراه، هلمند و کندهار درافغانستان الحاق شده اند. با در نظر داشتن وسعت قسمتهای الحاقی به هرمزگان، کرمان، خراسان، فراه، هلمند، کندهار، پشتونستان، پنجاپ و سنـد، با استناد به منابع دولتی ايران و پاکستان و براساس محاسبات نگارنده مساحت مناطق جدا شده از بلوچستــــان بيش ازدويست هزار( ۲۰۰۰۰۰ ) کيلومتر مربع است

بر اساس قوانين و موازين جهانی که طی سالهای ۱۹۷۳ الی ۱۹۸۲ در سازمان ملل متحد به تصويب رسيده اند ملت بــلــوچ چه از نظر تاريخی و چه از نظر حقوقی مالک دريای پهناور بلوچستــان است. مسـاحت دريـای بلوچستــــان يعنی ( ۱۶۰۰× ۲۲ ) سی و پنج هزار و دويست ( ۳۵۲۰۰) کيلومتر مربع را نيزمی توان به مساحت سرزمين بلوچستــــان که بيش از هشتصد هزار ( ۸۰۰۰۰۰ ) کيلومتر مربع است افزود بنابرکنوانسيون ۱۹۸۲ سازمان ملل متحد در مورد حقوق ملل بر درياها، دريای بلوچستــــان از سواحل زرين بلوچستــــان گرفته تا ۲۲ کيلومتردر دريا از نظرحقوقی و تاريخی متعلق به ملــت بلــوچ اســت http://www.un.org/Depts/los/convention_agreements/convention_overview_convention.htm

محمـد کريم بلـوچ

July 2010

بلوچ ءِ تاریخ ءُ راجدپتر

2010-07-04T07:30:00.000-07:00

بلوچ ءِ تاریخ ءُ راجدپتر
لچّہ کار ءُ شاعر : ملّا فقیر محمد
شوھاز : علی رئیسی

جی سخندانیں پھلوان دُرّ ءُ وش بیان
بیا بہ نند دیوان ءِ تھ ءَ میری منگھان
کوپگ ءَ چنگ ءَ ایر بکن دست ءَ گِر کمان
من ترا یک سوجے گران کوھنین دپتران
کِسّہ ءُ تاریپاں مدام شھد انت تئی زبان
بلبلی الھانے بکش نامی پھلوان
بیا بلوچ قوم ءِ فرقھان کن گوں ما بیان
چہ قبیلہ ءُ پیسری جّد ءُ پیرکان
چار من ءَ سرھال کن بدَی پکاّئین نشان
شرّ بگش راستءُ سید ہ ءَ اصلی رشتہ وان
پھلوان در جواب ءَ گشیت گپتار ءَ چنان
کسّہ وان گوشدار ات منی سرچوٹیں یلان
یک تواریخے ماں بلوچستان ءَ بزان
بیا نفرجدّ ءَ میر بلوچ اصلیگ ءَ بزان
رند چہ نوح ءَ ماں روایتّءَ بیان
حضرت کھتان بن ھود علیہ السلام
حضرت یارب بن یسرب دومیگ انت نشان
اولاد محمد بن اسحاق انت واجھان
اعلمش رومی ھشتمی جدّ ات باد شھان
خاندان ءَ ات چہ آھری پیگمبر زمان
بیھ بلوچانی چہ قریشی ءِ فِرقھان
ماں یمن پیش ءَ گپتگ ات مذکور ءَ مکان
شت دمشق ءَ; سوریہ رندا مصر ءُ شام
سیمی منزل گپتگ ئے اردن ءَ مکان
عیسوی تاریخ ءَ ھمے رنگ ءَ ھست بیان
پنچسد ءُ بیست ءُ یک رس ات میلادی چنان ۵٢١
تھت پارس ءَ شاھی ءَ نشت نوشیروان
مشرق ءَ سِند گپت گوں پوج ءُ لشکران
مگرب ءَ بگداد گوں وتی شاھی پرچمان
تا بھارات ءُ قندھار استامبول میان
میر بلوچ جہ جت چہ ھما اردن ءُ عَمان
وارد پارس ءَ بوتگ انت مدتّے زمان
پاد اتکنت جنگ ءَ ھنچو گواتواریں جمبران
مان اتکنت جنگ ءَ وت گوں نوشیروان
حکم کتگ شاہ ءَ دَرچن ات پیر ءُ تاں جوان
کودک ءُ پیر ءُ مرد ءُ جن کورّ ءُ پھلوان
چہ بلوچ قوم ءَ ھچکس ءَ میل اِت زندہ جان
سرکش انت اقوام بلوچ دائم جاودان
آھر ءَ کمزور اش کت انت نامی پھلوان
میر بلوچ یاگی بوت انت ماں کوہ ءُ دَرَّوان
باز برا جنگ اش داتگ ات گوں نوشیروان

مدّت چنت سال کہ گذشتہ بوت در عیان
تاں توّلد بوت حضرت نور دو جھان
میر بلوچ مکّہ ءَ شت انت آرام گپت جھان
ھجرت پیگمبر مدینہ گپت اش مکان
شست ءُ سے سال عمر مبارک بوت تمام
گدّا کا رحلت مینمود آ صاحب قرآن
اے جھان تاریک ءُ دگرگونے بوت جھان
حالت پریشانی نزور بوت در مسلمان
انگت ءِ ایمان باقی ات ھنچو سنگ گران
حضرت صدیق ءُ دگہ فاروق زمان
رند چہ عسمان مرتضی ھست ات پھلوان
مصلحت یک ات میر بلوچانی گوں اشان
رند چہ یاران قوم جدا بوت انت فرقھان
عاقلان گوشدار ات شما رندی کسّھان
گوں شا تفسیر ءَ گوشان بھرءِ حصّہ وان
جنگ یزیدکت بر علیہ آل احمدان
میر بلوچ گون ات گوں قریشی ءِ خاندان
گالب ءُ زورآور بوت بد بخت جھان
اولاد پیگمبر شھید بوت انت بے آب ءُ تام
جنت ءَ رپت انت پہ پھرءُ زیب ءُ شان
میر بلوچ چہ ملک عراق کوچ کت بوت روان
گوں وت ءُ مال ءُ دلوت ءُ بگّ ءُ ھشران
رپتگ انت ماں ملک حلب مدتّے زمان
مشرق ءَ پارس نون پدا اومان کت اشان
ماں عربستان ءُ حلب بار کت مھتران
چہ قریشیان جدا بوت انت پھلوان
چہ وتی بیھی کشور ءَ بوتگ انت زیان
ماں عربستان ءَ مروچ گار انتش نشان
میر بلوچ قادر ات حکومتی ءَ تمام
گپتگ ماں کرمان ءَ اول ساری ءَ مکان
حاکم کرمان شمس الدین ھست ات آ زمان
یک صلاح بوت انت ھمدگر پہ سھل ءُ تران
مدتے بازیں گوستگ ات چندے در عیان
شمس الدین وھدے درگذشتہ بوت چہ جھان
گپتگ ات چکّءَ بدر الدین بابا ءِ مکان
مینمود رحلت اعلمش رومی مان جھان
صاحب چک ات گُلچراگ دومی حکمران
گلچراگ ءَ پُسّگے سُھرتاج ات بنام
گوش کن ات تفسیر ءَ پدا رندی کسھّان
گار نہ انت تاریخ بلوچستان مان جھان
رند چار قرن ءَ ایر انت تاریخ ءَ نشان
اعلمش رومی گلچراگ سھر تاج ءِ بیان
چارمی شاہ عباس ات تھت ءَ حکمران
چل ءُ چار فرقہ ات بلوچ قوم ءِ خاندان
بدر الدین ءَ ماں ھاتر ا ھنچو کت گمان
اے بلوج قوم ءِ فرقہ انت مشھور انت بنام
قوت ءُ زور ءُزھرہ ءَ فرھاد انت بنام
سرکش ءُ مردوار ءُ گزیدہ انت مان جھان
گالب ءُ گمراہ ءُ فتحیاب انت در زمان
جنگ ءُ تاریح ءِ کسہ وان گون نوشیروان
شاھی ءَ تھت ءَ مئے گر انت شکے نیست اشان
راہ دگہ نیست ات کہ بکنت بدر الدین بھان
ناتہ یے لوٹ ات بدر الدین پیوندے چشان
ناگوار لگّ ات اے ھبر کانیں مھتران
چل ءُ چار گونڈیں پسّگ اش مردیں کت نشان
نام نھاد اش کرت انت چنان مسل دھتران
پوش اتنت بانوری لباس ایشان ءَ بجان
کنجل ءُ میک اپ اش سھری مان لبان
گردن ءَ ھار ءُ کید سر ءَ چَلّہ انگلان
راھی اش کرت انت سلتان ءِ دربار ءَ روان
در بچن یکے نامزدے پر وت کن نشان
گیر قوم ءَ ما سانگ ندآتگ ا ںگتان
تو حکومتے ئے کن ئے زنڈیں ھرکتان
شاہ پشومان بوت چہ وتی کار ءُ کارپدان
میر بلوچ کوچ کرت ءُ شت انت کیچ ءُ مکران
رند چہ شاہ عباس ءِ زلم ءُ زلمنان
مدتے وھد ءَ نشت حکومت ءَ محمد خان
چہ بلوچ قوم ءَ ھست ات آ نوجوان
بر ششم تھت ءَ میر جلال خان بوت کامران
گپت حکومت ءُ سلتنت کیچ ءُ مکران
باد شاہ بوت پہ چل ءُ جار قوم ءُ فرقھان
آ بری پاکستان نہ ات میانی ءَ نشان
ملک تصرف گپتگ ات دست ھندوان
گڈا کہ اتک انت بت شکن نامی پھلوان
میر بلوچ سرشار ات گون ءَ میری منگھان
بوران جلوان ات گوں کمیتی مرکبان
دیم پہ دیم بوت انت مردوریں سانڈ گوں دژمنان
ھرچی کہ رام رام گون بتان کت آ ھندوان
ناتوان اتنت نیست ات کُنٹ ءَ روح ءُ جان
نی سرءُ ھوش دست ءُ پاد انگشت ءُزبان
کہ گوش انت راھے سوج دینت لعنت مذھبان
ھنجریں ٹپّاں لگ اتنت تیزیں نیزہ وان
ھندو چو دزیں تولگ ءَ بوت انت گلگجان
ملک چہ دست سارقان گپت انت گردن کجان
نشت انت مان قصر ءُ ماڑی ءُ شاھی دبروان
چاکر شیھک مستر ات رند ءِ فرقھان
گوھرام لاشاری تھت نشین ات پہ ھلکھان
نام بلوچانی مشھور ات چار کنڈ جھان
سانگ ءُ پیوند ات گوں وتءَ ھر دو فرقھان
دھتر شیھک نانلی سانگ کت ھَدّہ خان
پیدا بوت میران منگلین رند ءِ پھلوان
مات ءَ رندان ات پت ءَ چہ لاشاریان
عبد اللہ لاشاری دوم ابن بھرام خان
سانگی کت آ دیمی مَدی رندانی نشان
رند چنت سال ءَ مدتے گوستگ در عیان
مشورت بوت انت رند ءُ لاشاری ھمزمان
چہ کلات دیم تریّنت پہ مگرب ءَ بیت انت روان
ایر رچان بوت انت سیستان ءِ دور ءُ دامنان
نشت انت مان میری پارو ءُ شیرکمبیں تڑان
ھیما اش زریں پاد کت انت سیھرنگیں گدان
ڈاچیاں پلگور ات کُنردانیں شان دپان
کھچر ءُ تلّ ءُ کورکش ءُڈنّاں میھڑان
سرشم ءُ برزین قلہ ءُ ماتبنداں بزان
شور کتگ گرب ءَ گپتگ اش سیستان ءَ مکان
ماں سراوان ءُ دزّکءُجالک ءَ تاں دھان
بوت انت ماں کرمان نرمانشیر رود بار ءَروان
سرحد ءُ چامپ ءُ لاشارءُ پنوچ ءَ میان
بندرات مان جاشک جگین کیر ءُ بیر نشان
کمبِل ءُ وشنام نشتگ انت پیش ِ دپگوزان
چھبار ءُ دشتیاری نگور گپتگ اش نوان
کلمت داں اورماڑہ ءُ باز کِرّ ءُ کشان
سِنگام ءُ رھگامءُبسول کوہ ءُ سر شمان
ماں تلانگ ءُ کوچو ءَ رپت انت مالچران
بین سربازءَ داں کسرکند ءَ درمیان
گوست انت تنکیگ ءَ ماں بگا بند ءِ سر شمان
رندان بنپور ءَ نشتگ انت مدتے زمان
لاشاری لاشار ءَ گِلءِ کور ءِ پادروان
سابت انت رند ءُ لاشاری پیشیگین نشان
انگت ءَ گوھرام ءِ کلات مشھور انت بنام
سیل کتگ سیستان جھل ءُ برز ھرجاہ ءَ اشان
مان نگور دشت ءَ ءُ کلاچ بوتگ انت روان
ترّ ات کیچ کور ءَ شت انت کولواءِ پٹان
بُرت اش داں ھند ءُ دھلی ءَ جنگ کت مھتران
گپتگ اش شاہ ءُ تھت پَلَک کرتگ مردوران
نی پدا اومان اش کتگ پیشیگین مکان
بارہ ات سیمی ماں کلات آتک انت آ جوان
مندو اش نندینت ماں کلات تھت ءَ حکمران
شور کتگ رند ءُ لاشار ءَ مصلحت چنان
چاکر ءُ گوھرام گوں وتی پوج ءُ ھمبلان
نامی ات چاکر گوں حکومتی دپتران
گوھرام لاشاری گوں مزن پاگیں مھتران
چاکر ماں راہ درّہ بولان ءَ روان
لشکر ِ رند ماں ڈاڈر ءُ سیبی درّچان
گوھرام ماں باگیں گجرات ایرکپت باڈران
میر بلوچ جنگ ءَ سرکش ءُ نامدار ات جھان
ملک اش ماں چار دور ءَ کت انت کم کم ءَ گران
ماں خراشان شاہ ھمایون ات در زمان
نشتگ ات گوں ترکی تھاردیمیں لشکران
پاد کت انت باگیں گجرات گوھرام ءَ گدان
ڈاڈر تھت ءَ گپتگ ات رندی پرچمان
پوترو ءُ داوود ; قندھار قبضہ کت اشان
ایمن ءَ نشت انت مدتے سال ءَ در زمان
سمی ءُ سازین گوھر گوں بازیں شدتان
یک دمے دنیا اش تمامیں کت آس کشان
گاڑینت انت راجی مھتر ءُ سوتک انتش جھان
سمّی ءَ بالاچ گار کتگ دودا ھم زیان
سازین ءَ باگاڑ ءِ کتگ قبرستان تمام
گوھر ءَ گوھرام ویل کت ءُ رند ئے گپت نوان
پر من ءَ گوھرام آتکگ ات دوشی شبروان
در حقیقت چوش نہ ات تفسیر ءَ بیان
راست اِش ات گوشدار ات حقیقیں عاقلان
ھست انت ماں تاریخ بلوچستان ءَ بیان
رند ءُ لاشار ءَ بستگ ات شرتے ھمچنان
آ بری قول ءُوادھاں قبضے ات زبان
شرت اش پہ اسپانی سر ءَ بستگ ات اشان
مرچی میدان ءَ کئیگ بیت مردی ءِ کمان
کج اتنت ریحان ءَ وتی رھوار ءِ لگام
چاکر ءِ برازتک ءَ چمارند ءِ فرقہ وان
تیگ زنین گوھرام ءِ پسر میرین رامین خان
پاد رکابان ءَ ایر کت انت زین ءَ نشت جوان
چا گورا ھر دو ترّتنت پجی ءَ جوان
چنت نفر رندان بوتگ انت شور ءُ ھمزبان
ھکّ اش رامین ءِ کتگ پامال ءُ زیان
شاھدی داتگ کٹّتگ ریحان ءَ کمان
اے ھبر رامین ءِ دل ءَ لگتگ گران
رپتگ یک روجے شکاری ماں آھو ان
ڈیک ندات شکاریگ ءَ آ روچی رامین حان
زھر کتگ گوھر ویل کتگ گوھرام ءِ نوان
رپتگ پہ نزّ چاکر ءَ گپتگ ات مکان
گوشتی کہ گوھرام شبروی آتکگ پہ من ءَ
اے ھبر بد برتگ تمامین لاشاریان
گوھر جنت ناشریں پولنگ مئے گُدان
مارا ناحکّ ءَ گوھر بندیت تھمتان
نیلیں ما واست گوھر ءَ مالداری نشان
گوھر ءِ مال ءَ ما کنیں نُکسان ءُ زیان
پاد اتکنت نیم شپے لاشارءِ جوان
زرتگ انت جنگی اسپر ءُ شمشیر ءُکمان
گار کت انت بی بی گوھر ءِ ھِراّنی نشان
ھال رس ات میرین چاکر ءَ مالوم بوت جھان
شور کتگ رندان بستگ انت اش ترکی میان
آ سلہ جنگی پوشت انت مردان ءَ بجان
دوستی ءِ سی سال اش کت انت برباد ءُ زیان
رستگ ات سی سال ءَ دگہ جنگ در بین آن
چاکر ءُ گوھرام مٹّ اتنت زور ءُ بازوان
رتکگ ات لاش چو ترونگل ءَ گویا الامان
در میان اتک انت شے کھیری مان پترّان
چاکر شیھک ءَ نکت منزور سھل ءُ تران
پاداتکنت دلگیری کھیری چہ پترّان
پشت اش ماندات ءُ بد دعااش کرت انت چنان
کامیاب ھچ وھدءَ مبات رند گوں فرقھان
مان اتکنت رند ءُ لاشاری چو بشّ بُنبَران
پہ ھمک جنگ ءَ کٹتّگ گوھرام ءَ کمان
چاکر ءَ گاڑینت انت وتی مردوارین جوان
منگلین میران گوڈلان شلینت یک دمان
چاکر شیھک دیم پرا ترک ءَ بوت روان
گوشتی گوں ترک ءَ دی منءَ گرانین لشکران
دی من ءَ زونو ءِ تھاردیمین مردوران
من وتی بیران یک پہ یک گوھرام ءَ گران
قوم لاشار ءَ من تمام چُکچین کنان
گوھرام گوں نوھان ءَ کتگ رشوتے روان
داتگ اش لَبّ تو بکن چاکر ءَ زیان
چاکر ءِ کشتن ءَ کتگ ترک ءَ سد بھان
زھرکنین شیر بوتکگ ءُ میر ءَ کت روان
پیل شراب داتءُ بُرّتنت جیل چہ پنجہ وان
گردگین لوک ئے پچکتگ بند ءَ بے گمان
شہ ھمایون ءَ کرتگ ات سردار امتحان
درست جت ءُ پِرّینت ا نت ھما میر ءَ یک دمان
زھرکن ءُ پرجوش ات تمام رند ءِ پھلوان
رند شش ماہ ءَ ترّ ات گوں ترکی لشکران
جمبر ءَ گرند اِت گپت نَلی زِ برین ترونگلان
مدتے بند شت انت رگام ءُ چرتگ اش جھان
چاکر ءَ کٹّ ات آھر ءَ مردی ءِ کمان
کشتگ ئے بیست چار ھزار لاشارءِ جوان
نھسد دگہ نوھانی جت ءُ پریّنت یک دمان
فرقھے رندان آتکگ ماں کیچ ءُ مکران
آسکانی نسل انت لاشارءِ قوم ءُ فرقھان
گوش کن ات او بیل ءُ حقیقتیں ھمبلان
ناتپاکی ءَ دیر کن ات بُگز ءُ کُنتان
وت ماں وت داوا ءَ مہ زور ات گوں برادران
ناتپاکی ءَ وت ماں وت گار بیت نشان
حاسداں رقصان کن ئے قومان ءَ زیان
عزتے پر تو نمانیت گوں مردمان
سیادی ءِ رشتہ ءَ مہ بُرّ ات او مردمان
ھر چی کہ نام ئے ھست بلوچ گوں تو ھمزبان
بِلیّ کہ زات ءُ منسب ءَ کم انت آ جوان
لوڑیگی زاتیں یا اگاں زنگی ءُ گلام
گر ستر وار ءُ بزگّ انت مسکین جھان
درتگین پچانی مہ چار ھست انت ناتوان
مذ ھب ءُ دین ءَ گوں ترا یک انت جسم ءُ جان
چہ بلوچ قوم ءِ فرقھان ھست انت اے جوان
عزت ءُ عیب ءُ تانھ ئے ھنچو وت بزان
اے خداوند ءِ قدرتان ھست انت امتحان
جاھل ءُ گمراھی مہ کنت انسان نیک نام
چون تکبر کت آ عزازیل شت لامکان
رشوت ءُ لبّانی پد ءَ ویل دی مسل آن
ھژدیایے مان قیامت ءَ جاہ جنت حرام
راہ ترا نیت انت گیر بئے شیری پنجگان
ھر کش ءَ ھست انت صاحبی گیب ءَ علمدان
بے سرین سوتان بئے زیر بار ِ گران
کشتی ات موجان گرک بیت دریایی زران
ایر کن ئے دستان ماں سر ءَ لگّ ئے زارجنان
قیمتی پنتانی حقیقتان شرّ بزان
او بلوچ قومانی سر ءُ ملک ءِ حاکمان
رھبر ءُ نامی سرپرست نامی متبران
ناتپاکی ءِ عاقبت ایش انت واجھان
شیر مروچ گار انت چہ شگالانی پنجگان
رہ مزارانی بند کتگ موری لشکران
مستری روباہ ءَ رس ات شیر ءِ ناگھان
ھژدیا وار انت کیپک ءِ گونڈین چنگلان
چِرتک چوپیت شھمات ءَ پیل ءِ گوش بُنان
گُرک مزن نامین چمدار انت دست تولگان
زالم ءَ زلمانی عوض مِلّتگ گران
رندیگیں ھکّاں گیر کتگ مزلوم ءِ گَمان
باگاڑ ءَ گند ئے ڈنگ جنت مار ءُ عقربان
پھلوان واست چانوگے گپتگ عاجزان
ناتپاکی ءَ چار چتور رسوا انت جھان
ھر کسی بند ءَ بُرّتگ جَّد ءُ پیرکان
چہ پت ءُ ماتی خاندان اصلی رشتہ وان
ھجری پہ چارسد ءُ الف ءُ پنچ ءَ بوت روان
میلادی ترّات آھر ءَ گُڈّی حصہ وان
نُھسد ءَ کار کت گون ھزار ھشت ءُ پنچمان
شمسی ءَ سے سد ;ھزار ءُشست ءُ سے بخوان
نیست مروچ قدر ءُ عزتے جوانیں مردمان
عالم ءُ ملا ءُ امیر خان ءُ معتبران
مجلس ءُ دیوان ءَ مزن نامیں شاعران
پیسری نامدار ءُ کھنسالین مردمان
گوش کن ات پنتانی حقیفت ءَ عاقلان
قافل ءُ پژمردہ مہ بیت چو کہ جاھلان
زندگی چار روچ انت پدا ھَلیت اے جھان
قافلہ رپتگ منتگ ئے رند ءَ کاروان
فخر مہ بند گافل ما ءُتو گونین اے رمان
ھَی کن ات مردان انگت ءَ باقی انت جھان
نُگدھان گوش دار اِت چما پیشی مردمان
نام بلوچانی ایر اِنت ماں شاھی دپتران
ھیبت ءُ بیمدار اَت بلوچ ماں آن زمان
ترس اتنت روس امریکہ ءُ آلمانیان
لرزتنت ھند ءُ چین گوں تمام جاپانیان
شرقی ءُ گربی مِلّتنت گوں برتانیان
ناتپاکی ءِ بارو ا مالوم ات اِشان
ھیلہ ءُ مکر اش سازتگ دیم سیاھیں سگان
وت ماں وت جنگ اِش دات بلوچ قوم ءِ خاندان
گُڈّا کہ کمزور اِش کت انت نامی پھلوان
آھر ءَ تقسیم اِش کت انت مُرداریں بدان
ھند ءُ اوگان حصہ یے برتگ ات عُمان
سیستان ءُ کیچ ءُ مکران شرّ کت گربیان
ملک زبر دستی ءَ برتگ آت شومین ناشران
ھَکّ شمئے پامال انت مدام دست دیگران
بے سر ءُ گار انت مئے بلوچ قوم ءِ خاندان
بے پد ءُ رند انت نیستنی تاریخ ءَ نشان
چپ نبیسان ءَ گار کت مئے ماتی زبان
کاگد ءَ لِکیّں اردو ءُ پارسی ءِ زبان
لنکہ یے نان ءَ گرین دست ء ناٹکان
وار ءُسرگردان انت مئے قوم ءِ خاندان
انگت ءَ پھر کنت وتی واست ءَ ناتوان
چمچہ انت مرچی میر بلوچ دست گربیان
سد تُمُن دست ئے دی گریت ھِّکیں برادران
آھر ءَ دست ءَ دنت وتی پِسّ ءُ مادران
دایم ءَ شیر انت پہ ضعیفیں خواھران
یاگی انت کوہ ءَ ءُ کُشیت ملکءِ مردمان
ھک ئے پہ دست گربیان پامال ءُ زیان
زھر انت ءُ بندیت پہ وتی برات ءَ کَنَہ وان
زندگی ءَ بیزار انت وتی کپتگ چَکّران
سر گون ءَ سنگ ءَ جنگ دنت ھر جا ٹکّران
کامیاب ھچ وھد ءَ نبیت تان روز زمان
آھر ءَ دست ءَ کپیت زلمی چنگلان
گوازینیت ھیسی چوٹو ءُ عمرءِ برکتان
پشپد ءَ چکاں دشمن ء سازیت ھَرکتان
ناتپاکی ءَ گوش بدار اِت ای مردمان
ھرکس ءَ نپسی نپسی انت چو آھر زمان
ھر کسے گیش وت نہ انت پَسّتگ جھان
عاقلان پھریز اِت چہ اے راہ ء باتلان
ماں دلان شود اِت کُنت ءُ بُگز ءُ حاسدان
اچ ادان ختم بوت بلوچستان ءِ بیان
گونڈ بگِر ملا فقیرمحمد نُکتہ آن
ربّ وتی لتف ءَ جنّت الفردوس ءَرسان

_______________

دلگوش : ای شئر من سال ١٩٨٩چہ نوارے ءَنبیستگ کہ شائر ءِ دپگال انت البت من نزاناں کہ واجہ ملا فقیرمحمد کئے انت ءُ کتام ملکءِ مردم انت البت چو نیکشھری ملا سیاھک ءَ دپاری ملایے نہ انت کہ کوریں ایرانی ملایانی رندءَ کپتگ

Videos

2010-05-01T15:58:00.000-07:00

2009-11-07T03:59:00.000-08:00

تهران ءِ فاشيستی حکومت نزور تــَـرگ انت

هنونيں دؤر په بلوچ ءُ آدگه ايردستيں کوم ءُ مهلوکاں که شيعه نهنت ءُ "امام زمان" ءُ ولايت فقيه ءِ بے بنياتين ءُ آخوند اڈ کتگيں باوراں نه منّ انت، تاريخ ءِ تهار ترين ءِ سک تريں دؤر انت. البت آخوندانی اڈ کتگيں جهندمی جاوراں ماں ايران ناميں ملک ء َپه تماميں انساناں سک نگيگ انت.اے دؤر ء گرانيں جاور گوں بے شمار نه گيشتگيں اڑ ءُ جنجالاں په درستاں هم په زالمیں واکداران ءُ هم په ميليوناں اير دستيں مردم ءُ کوماں يک مزنيں چکاسے انت

تهران ءِ کٹريں شيعه واکداراں گوشنت که په "امام زمان" ءِ آيگ ءَ وداريگ انت ءُ آهانی باور انت که هرچے دگنيا هرابتر ءُ جنجالاں گيشتر به بنت "امام زمان" چه جهل ءُ تهاريں جمکران ءِ پـُر پوجگليں چاه ءَ زوتر درکئيت ءُ دگنيا درستيں مردماں شيعه کنت ءُ آهانی سروک بيت ءُ درستاںءَ رکينيت!. آخوندان ءِ اے بے بنيات ءُ کهنگيں مذهبی گپ ءُ نه بيگی کسـّـه هنچو بے سلک بوتگنت که بازسرپدیں شيعه ئيں مردم چه "امام زمان" آيگ ءَ دل ششتگ ءُ آدگه آزاتی لوٹوکيں انسانانی پيم ءَ ايکيم ءُ دلجم بيگ انت که اے آخوندانی اڈ کتگيں مکر ءُ هيلت انت

رند چه واش ءِ مزنيں عالمان ءُ مذهبی رهدربرانی بند کنگ ماں مشهد ءَ آخوندانی تيزيں کارچ په مولوی عبدالحميد اسماعيل زهی ءِ هــڈ ءَ سر بوت ءُ ماں ايراپ ءِ نماز جمعه ءَ چه تهران ءِ مذهبی زورانسری ءُ اهل تسنن ءِ حکانی لگتمال کنگ ءَ گپ جت. اگاں چه اے گپاں نوکيں گپ نهت انت بلئے اولی رند ات که ماں گوستگيں سی سالاں اے پيما تچکاتچک ءُ گوں برزيں توارے چه واجه عبدالحميد ءِ زبان بيان بوتنت. رند چه مولوی ءِ گپاں سپاه ءِ مافيايی سر کمانڈر رستريں رحيم صفوی گوں حکومتی میڈيا ءَ گشت که "ولی فقيه" بزاں آخوند خامنه ای گاريں "امام زمان" ءِ نمايندگ انت هر کس آيی ءِ هلاپ ءَببيت آ هاں پروشت ءُ پروش کنگ بنت

دو سئے روچ چه مافيايی پاسدار صفوی ءِ پاترپ ديگاں نه گوستگ ات که هزارانی هزار نارازيں مردم ۱۳ آبان ءَ چه وتی لوگاں در آتکنت ءُ ماں شهر ءُ بازاراں کوکار اِش کرت که " خامنه ای قاتله ــ ولايتش باطله"ءُ "مرگ بر ديکتاتور" ءُ "مرگ بر خامنه ای " ايران ءِ اطلاعات ءُ چگلی اداره هور گوں سپاه ءِ زورانسری ءُ بلوچ دژمنيں تاکتيکاں بلوچستان ءِ کومی جد ءُ جهد ءَ را باز تاوانبار کتگ. ساواک (شاه ءِ چگلی اداره ) ءُ ساواما (آخوندانی چگلی اداره) دوئين بلوچ ءِ بيگواهی ءِ واب ءَ ديستگ ات. بلئے الحمدالله بلوچستان ءِ مردمی جنز ءُ پهته کاريں ورنا، پارسيانی چگلاں پروش ديگ انت. هما چگل ءُ چگلی اداره که آهاں هشتاد ءُ يک سال انسان دژمنيں کته کاری(تجارب ضد بشری) هست انت، مروچی بلوچ سرمچارانی ديما هچ اَنت

ايشی ءَ شهيد عبدالواحد ماں پيشن ءَ پيش داشت که ايران ءِ چگلی اداره ءُ آهانی ردوارتگيں هـَـنـدی جاسوس چه بلوچ سرمچاران باز پشت کپتگ انت. نئے مافيايی سپاه ءُ نئيکه اطلاعات نزاننت که بلوچ ورنايانی رازداری ءُ بلوچستان ءِ هوربندی جهد تاں کجام حد ءَ مُهر ءُ محکم انت. نبايد انت آهاں بزاننت پرچا که اے مرک ءُ زند ءِ گپ انت. اے بلوچ ءِ سوب يا پروش ءِ گپ انت. مافيايی سپاه ايران ءِ مخابرات بزاں گوانکوانی اداره (تلفنانی اداره) ءِ واهند انت. هچ بر مه شموشيں که ايرانی چگلاں تلفناں کنترل کننت. نوکيا ءُ سيمنز ءِ پاريگيں قرارداد گوں ايران ءِ گوانکوانی اداره هما شيطانی واک اطلاعات ءُ سپاه ءَ داتگ که اينترنت ءِ سرا ءُ تلفنی گپ يا کله ياں په يک اشاره اے کنترل کرت کننت

پميشکا بلوچان هشت پاس ء هشياری پکار انت. گوانکو ( تلفن) ءُ اينترنت ءُ نوکيں تکنولوجی ءَ په وتی جهدانی ديما برگ ءَ بايد انت کار مرز بکنيں بلئے اے پڑءَ نبايد انت بے سمائیءُ بے پرواهی ببيت. پرچا که تهران ءِ انسان دژمنيں حکومت په وتی روچانی گيشتر کنگ ءَ "جنگ نرم" ءَ دير انت اعلان کتگ. مافيايی سپاه ءُ اطلاعات، اينترنت ءُ گوانکو ءُ ديجيتال تکنولوجی ءَ گيش چه هر حکومتے په مردمانی لٹ کٹ ءُ کشتار ءَ کارمرز کنگ انت. نوکيا ءُ سيمنز ءِ آهيريں واهند وتی کمپنی ءِ علمی ديمروی ءِ برورداں په زر بها کتگ ءُ ايران ءِ مافيايی واکداراں داتگ انت. اشکنگ ءَ مافيايی سپاه هنوں په "ياهو" ءِ اينترنتی ديمروی ءِ دست آرگ ءَ تگ ءُ تاچ انت. آهاں اروپايی ءُ امريکايی زرپرستیں دلالان لکانی لک دلار دينت ءُ ديما کننت تاں "يا هو" ءُ" گوگل" همءَ رد بدينت

بوت کنت که اے کمپنيانی لهتيں بے وفائيں کارمند ءُ کاردربر وت ءَ په زر بها بکننت ءُ آخوند خامنه ای ءِ دام ءَ بکپنت بلئے اگاں آخوند خامنه ای گوں آيی ءِ گاریں "امام زمان" آزمان ءَ هم پــَد گ بندنت اے جنجالی دؤر روچے هلاس بيت ءُ ايردستيں کوماں اے چکاس ءَ بـَـرَ نت ءُ ما بلوچاں هم يک روشنیں بانداتےديما انت. هما باندات که چه مافيايی چگلی اداره يانءُ هونواریں سپاه ءُ جاهليں آخوندانی وجود ءَ پهک ءُ پلگار انت انشـــاءِاللہ

پروشت ءُ پروش بات ايران ءِ شيعی فاشيستی حکومت
آزات ءُ آباد بات گنجيں بلوچستان
محمد کريم بلوچ
نوامبر ۲۰۰۹

2009-11-03T11:26:00.000-08:00

عیدوخان ریکی ءُ عبدا لمالک ریکی

بلوچستان ءِ ھما بھر کہ مروچی ایرانی مردکان ءُ جنینکانی لگتانی چیرا انت پیش چہ ٨١ سال ءَ وتسر ءُ آزاتیں ملکے بوتگ ءُ ھر دمگے ءَ یکّے ءَ بادشاھی کتگ .رند چہ جنگ جھانی اول ءُ دوم ءَ عُسمانی امپراتوری ءِ پروش ورگ ءُ کمونیست ءِ سِرّ ءُدور ءُ نپت ءِ درگیجگ ءَ دنیاءِ آ دور ءِ زورمنداں چو کہ انگریز ءُ آ دگراں نوکیں کِشک کشان کت ءُ پہ وتی نپ ءُ سوت ءَ نوکیں ملک جوڈینت ءُ بلوچستان گوں آیران ءُ رندا پاکستان ءُ اوگانستان ءَ بھربھر کت . وھدیکہ انگریز ءَ ایران جوڈینت رضا پالامی کہ ھما میر پنچ ببیت ایران ءِ بادشاہ کت ءُ وھدیکہ آئی ءَ گوں انگریز ءَتِرِّ پہ کُسی کت ءُ ھیتلر ءِ رند ءَ کپت آئی گپت ءُ جزیرہ موریس ءُ رند ءَ اپریکہ ءَ دور دات کہ ھموداں مرت

سال ١٣٠٧ ھجری شمسی ءَ بلوچستان گوں ھپت ماہ جنگ ءُ چوپ ءُ گُڈ سر ءَ پہ قرآن ءِ رپک ءُ مندر ءَ کہ پہ دوست محمد خان ءَ دیم دیگ بوت ءُ آ بامرد ءَ رد وارت رضا پالامی ءِ دست ءَ دیگ بوت .پہ دوست محمد خان ءِ ھکومت ءِ پروش دیگ ءَ عیدو خان ءَ مزنیں نکشے ءَ لیب ءُ گوازی کتگ . جھانبانی کہ رضا پالامی ءِ پوجی کمانڈر ات آ نبیسیت اگاں عیدوخان ءِ کمک ءُ مدت مبوتیں ما ھجبر مکّران ءِ گرگ ءَ کامیاب نبوتیں . البت عیدو خان ریکی پیش ءَ گوں انگریزاں ھور بوتگ ءُ ھمایاں رضا پالامی سرسوج کت کہ آ بامرد ءَ گوں وت بزورانت . ءُ ھُچش ھم بوت . جھانبانی ءَ وتی جنک گوں عیدوخانءِ بچک ھوشنگ ءَ سانگ دات . بزاں بھادُّریں بلوچ ءِ بچ پہ پارسی ..... ءَ.بھا بوت. ایش ات بلوچستان ءِ سَّٹ ءُ سوداءُ داد گیر

رضا پالامی ءُ آئی ءِ گریواسکیں بچ محمد رضا ءِ وھد ءُ باریگ ءَ بلوچ گلامی ءِ زمزیلاں بندگ بوت انت . آیاں وتی لانک پہ بلوچی زبان , راجدپتر ءُ دود ءُ ربیدگانی گار دیگ ءَ بست انت ءُ لھتے دپ چَٹّ ءُ چمکُٹیں بلوچ وتی گلام کت انت کہ اے کار ءَ شرتر دیم ءَ بہ بر انت . آ گلامانی چکّ ءُ نماسگ دنیگا پارسیانی رند ءَ کپتگ انت ءُ گلامی ءِ زمزیلاں لونجان انت.پھلوی پادشاھی ھلاس بوت ءُ کوریں خمینی ءِ دور بنگیج بوت ءُ بلوچ ءِکشت ءُ کوش گیش بوت

البت گوشگ لوٹیت اے ٨١ سال ءُ مدّت ءَ بلوچ مدام گوں گجراں جنگ بوتگ انت ءُ ھچبر بلوچستان امن ءُ امان نبوتگءُ دانکہ انگت ءَ ھنچش انت . نرمزاریں بلوچاں پارسی جتگ ءُ کشتگ انت .ءُ پارسیاں وتی پیشی گلامچُّک پہ آیانی جنگ ءُ گاردیگ ءَ دیم ءَ کتگ انت . دور آتک ءُ پہ عبد آلمالک ریکی ءَ سر بوتگ کہ پہ مردانگی یک دستیں خامنہ ای ءِ پاسداراں کشگ ءُ ریچگ ءَ انت . یکشمبے ١٨ اکتوبر ٢٠٠٩ ءَ عبد الواحد سراوانی ءَ وتءَ بمبے بست ءُ پیشن ءِ دمگ ءَ پاسدارانی بازیں رمبے بزاں گیش چہ یکسد کشت ءُ بازینے ٹپّی ءُ زدگ کت انت .پیش چہ اے کشت ءُ کوش ءَ آئی ءِ پیشی جنگ چوپ شاھیاں پہ وت زرت انت کہ مئے سرمچار انت کہ اے کاراں کنگ ءَ انت . بلے رند چہ پیشن ءِ پاسدارانی کشگ ءَ گریواسکیں محمد رضا ءِ بچ بے تاجیں رضاشاہ دوم ءَ جار جت کہ عبدالمالک ءَ شریں کارے نکتگ کہ پاسدار مئے برات ءُ آزیز انت

ھما شاھیاں کہ عبدالمالک ریکی گوں لھتے بلوچیں گلاماں آزمان ءَ رسینتگ ءُ سرکتگ ات مروچی گوں وتی درانڈیھیں مرشد ءَ دپ یکےّ کتگ کہ ھو ریکی ءِ اے کار ناھودگیں کاریں ءُ ما آئی ءَ ایرجنیں. جنگ ءُ چوپ بلوچانی جنجالاں گیش کنت .پہ تیر ءُ تپنگ ءَ ھچ کار شرّ نبیت . اے بزگّیں گلاماں شمشتگ ھمے تیر ءُ تپنگ ات کہ صدام ھاکاں دور دات , ءُ تالبانی ھکومت چپّی بوت . رضا پالامی ءِ تیر تپنگاں بلوچستان ءِ آزاتی ھلاس کت . بلے ھنوں کہ بلوچاں سلاہ چست کتگ ءُ پاکستان ءُ ایران ءِ ھلاپ ءَ پہ بلوچستان ءِ آزاتی ءَ جنگ ءَ انت گوں ھامگیں دپاں پارسی رادیو ءُ تی وی اں پوتاری کن انت کہ بلوچ امن پرست انت .ءُ ریکی رد انت .پارسیانی گلامُکاں شمشتگ کہ تیرءُ تپنگاں یوگسلاوی ٹُکّرٹُکرّ کت . تیرءُ تپنگ ات کہ اریترہ آزات کنگ بوت . ایرانی ءُ آوانی بلوچیں گلامُک شرّ زاننت اگاں بلوچ کرد ترک عرب ءُ ترکمن ءُ لُر تپنگ دست ءَ بگر انت ایران پشت نکپیت ءُ ھما ٨١ سال پیش ءِ پارس ھم نہ مانیت . گلامُک چہ بہ منّ انت چہ ممنّ انت ایران ءِ مرک نزیک انت

ایرانی ملا کہ سی سال انت کہ بادشاھی کنگ ءَ انت اگاں آ ناچار ببنت کہ پدا مسیتاں بروانت ءُ بانگ ءُ سلات بکن انت جنگ ءَ وت مچیّننت ءُ ایران ءِ پرشت پروشءِ راہ ءَ وت ساپ کن انت ءُ آئی ءِ نشانی پیداورانت. چہ عبدالمالک ریکی ءَ دزبندی انت کہ اگاں پیش ءَ پہ دید ھلکاں گوں ایرانیاں چوپل گوازی کتگ چہ آوانی رند ءَ بہ ترّیت ءُ بلوچی ءِ راستیں کشک ءَ بیئت کہ سوت ماں شکلّیں جنگاں انت . چہ پارسیانی بلوچیں گلامُکانی رند ءَ پچ بترّیت . آ گوں وتی سرمچاراں گوں رودراتکی بلوچستان ءِ سرمچاراں ھور ببیت ءُ پہ مزنین بلوچستان ءِ آزاتی ءَ دیم ءَ روان ببیت. پہ بلوچستان ءِ آزاتی ءَ بلوچاں دوزواہ ھست اںت .آ کس کہ نچاری کار ءَ ھمتنگ نہ لڈیّت بار ءَ جزماں کہ کپیت ماں گارءَ

پرشت پروش بات انت ایران ءُ پاکستان
آزات بات مزنین بلوچستان

علی رئیسی

2009-10-16T07:51:00.000-07:00

راج زرمبش چہ بنگیجی ءَ دانکہ مروچی

سال١٩٨١ ات. بازیں بلوچ چہ ایرانی ملایانی ترس ءَ چہ وتی ماتیں وتن بلوچستان ءَ درانڈیہ بوت انت کہ من ھم یکّے چہ آیان اتاں . منی سر کراچی ءَ کپت . میرمولداد سردارزئی, حاجی کریم بکش سعیدی . میر باران با رکزئی ءُ دگہ لھتے سرحد ءِسرداراں حزب وحدت بلوچ جوڈینتگ ات ءُ چہ عراقیاں ڈالر گرگ ءُ ورگءَ اتنت. محمد خان لاشاری انگت ءَ لاشار ءِ کوھان ات ءُ اشکنگ ءَ عراقی آئی ءِ گندگ ءَ شتگ ات انت . ایران ءُ عراق ءِ جنگ ات . من پیش ءَ مراد امیری معروف بہ پُلُّک کہ مروچاں سوئد ءَ انت بنت ءَ دیستگ ات . مراد کہ چریک فدائیانی واھگ دار ات چہ ملایانی ترس ءَ درانڈیھ ات . پنوچی ,گِھی, پھرہ ای .چھبار ی.,ھیچآنی ,دزّکی ءُ بلوچستان ءِ بازیں ورنا ,کماش ھر یکّے پہ یک نیمونے ءَ کراچی ءَ سرڈھور اتنت . نوں حکومت شیعہ ءِ حکومتی ات. چہ ورنایاں بازینے عربی ملکاں پہ کار ءُ روزگار ءَ شت انت ءُ سردار پہ پِنڈی ءُ دی دی ءَ اماراتی بلوچاں پاچگ ءَ اتنت . یک روچے من گوں مراد امیری ءَ گوشت ; منی ءُ تئی ویزہ ءَ ھچکس نگریت . ملک ءِ کار چہ منی ءُ تئی دست ءَ شت . میر مولداد گوں رمب ءَ چہ عراقیاں ڈالر گرگ ءُ ورگ ءَ انت ,من ءُتو ءُ ایدگہ ورنایاں پرچا گِروار مہ کنیں ؟ مراد پُلُّک ءَ وتی دست ءِ زردیں تبزی سرینت ءُ گوشت علی تئی گپّ وشیں گپّے بلے سردار ھزاراں ٹگّی ٹوری زاننت . مئے کچک آیانی گربگ ءَ نگر ایت . من پسہّ دات سردار ناوانند ہ ءُ بے سواد انت . ما وانند ہ ءُ سوادار . دنیا بدل بوتگ . بیا رمبے ورنا زوریں ءُ وتی بھت ءَ چکاسیں

یک بیگاھے من ءُ مرادامیری, دو پنوچی ورنا کہ آیانی نام من شموشتگ , عبدالگنی اربابی . گِھ ءِ درزادگیں مدیرے کہ نام ئے لَلی ات , مرادمحمد رئیسی , ما اے ھپتیں ورنا دیم پہ عراق ءِ کونسلءَ کہ کلفٹنءِ دمگ ءَ ات سرگپتیں. تین تلوار ءِ نزیک ءَ .کونسل ھانہ ءِ دپ ءَ پاکستانی پلیسے گوں تپنگ ءَ اوشتاتگ ات . ما دروازگ جت . مئے دپ ءُ زبان مراد پلّک ات کہ انگریزی زانتگ ات . آیان ما را لاپءَ گوازینت ءُ دروازگ ءِ لاپی نیمگ ءَ مزنیں کوٹی یے ات

یک مردمے ءَ مئے درستیں نام ءُ نشاں ملکءِ نام ءُ کار ءُ روزگار نبشت ءُ دو کوراّ کورّیں عرب کوٹی ءَ اوشتائینت ءُ کوٹی ءِ دپ چہ پشت ءَ کبل کت ءُ شت . گیش چہ یک ساھتے ءَ ما کوٹیءَ بوتیں. ھما مرد پدا آتک ءُ گوشت ئے من ءَ پھل کن ات کہ شما مھتل بوتگ ات ءُ سبب اے بوتگ کہ ما کونسل ءِ جند لوٹائینتگ کہ گوں شما گپ بکنت . بلے گپ چو نہ ات . آیاں پہ میرمولداد ءَ تلفن کتگ ات ءُ مئے پجّار کتگ ات . اے گپ رندءَ مراد ءَ گوں من گوشت . ءُ میرمولداد ءَ گوشتگ ات من اے مردماں زاناں .بلے اے بچک انت . بلے بچّکاست اش . مااش مزنین دپتر ءَ بُرت . کونسل ءَ گوشت شما اے ھپتیں مردم مدیر وانندہ ءُ زانتکار ات . ما ناوانندہ این سردار ءُ بلوچان شوھاز گنگ ءَ ایں ءُ شما وت مئے گندگ ءَ یھتگ اِت پہ بلوچستان ءِ آزاتی ءَ ھرچی شما بلوٹ ات ما پہ شما کنیں . بلے شما برواِت یک سازمانے اڈ بکن ات . دیم ءِ ھپتگ ءَ آیاں مارا وھد دات . ما ھپتیں مردماں جان آباد ءَ دیوان کت ءُ بلوچستان راج زرمبشت ءِ نام ءَ سازمانے اڈ کت .البت اے نام مراد امیری ءَ پیشنھاد کت ءُ جار ھم مراد ءَ نبیس ات ءُ وشنبیسی من کت . ایدگہ روچ ءَ چہ آ جار ءَ ما بازیں فتو کپی گپت ءُ دیم پہ کراچی ءِ دانشگاہ ءَ شتیں . ما جار ءَ شنگ کنگ اتیں کہ گندیں ورناے گُرّاں ءُ زا دیان ءَ پیداگ انت . من جست کت اے کئے انت ؟ مراد ءَ پسّہ دات شمبہ زین الدینی انت . شنبہ آ وھد ءَ کراچی ءِ دانشگاہ ءَ وانگ ءَ ات . شنبہ ءَ پنچ شش دگہ بلوچیں دانشجو گون ات , مئے رند ءَ کپت . درستاں لٹّے لٹّے دست ءَ ات . آئی ءَ گوشت راج ءِ زرمبش چی انت ؟ مراد پُلُّک سردارانی چمچہ انت . ما پہ ھیلہ بلاھے وت ءَ چہ آیانی دست ءَ چُٹیّنت ءُ دراجکیں بس ءَ سوار بوتیں ءُ وت ءَ لیاری ءَ رسینت .واجہ شمبے زین الدینی ھما دکتر زین الدینی انت کہ مروچاں نروژ ءَ نندوک انت

عراقیاں دو رند ءَ دگہ گوں ما گند ءُ نند کت ءُ گوشت اش کہ شما برو ات تپنگی بلوچ شوھاز بکن ات ما شمارا تپنگ ءُ زرّ ءُ دگہ ازباب دییں . ما ھپتیں سیاستداناں ؟؟؟؟؟؟؟ جان آباد ءَ دیوان کت . پنوچی دو ئیں ورنایاں گوشت اگاں ما تپنگ بگریں ءُ جنگ بکنیں مئے مردمان ءَ ملا گرانت . آ دگہ ھمراھاں گوشت ھنچش انت . من گوشت ھشتر دزکّ ءَ پہ کون کنزکائی نبیت . میر مولداد ءَ گوں سرداراں ٹھک ٹوکے کتگ . ماشما ھم تھک توکے کنیں چاریں دیم ءَ چی بیت . سنگتاں منی ھبر نہ منّ ات . من ءُ مراد امیری پشت کپتیں . پنوچی کویت ءَ شت انت . یک روچے مراد پُلُک ءَ من ءَ گوشت کہ عراقیاں من ءَ گوشتگ کہ تو ءُ علی گوں امان اللہ مبارکی ءَ کہ آ وھداں کراچی ءَ ات گند نندے بکن ات . من پسہ دات جوان انت . ایدگہ روچ ءَ مرادءَ من ءَ ھال دات کہ انشپی من ءُ تو آئی ءِ گندگ ءَ رویں . ما گلشن اقبال ءَ یک ساندویج بھاکنوکے ءِ دکان ءَ کہ تانکہ سھب ءَ پچ ات شتیں . پلکّ ءَ گوشت یکےّ مئے رند ا کیت . ما دانکہ سھب ءِ گوربام ءَ ودار کت بلے ھچکس نیاتک . پہ منی زانگ ءَ امان اللہ مبارکی پہ اے ھاترءَ کہ پیش ءَ منی پت گوں مبارکیاں نوشّ بوتگ گوں من دچار نکپت

مدتّے گوشت مئے پنچیں سیاستدان عربی ملکاں پہ کار ءُ روزگار ءَ شت انت ءُ من ءُ پُلُّک پشت کپتیں .آ وھد ءَ یارمحمد بے وتن مند ءَ ات . من آئی ءِ گندگ ءَ شتاں .آئی ءَ اوداں اوٹلُکے کشّتگ ات . من گوں آئی ءَ گپ رپ کت . آئی ءَ گوشت من شمے جار دیتگ بلے ورنا رمب ءُ وانندہ تپنگ بڈّ ءَ نکنت ءُ ملک بے تپنگ ءَ آزات نبیت . ورنا پہ اوٹلانی نند گ ءُ پرپوسی ءَ چالاک انت . وانندہ ایں ورنا گوجُک انت . من پدا کراچی ءَ واتر کت

آ کہ گوش انت راج زرمبشت ءِ بن ھِشت رحیم زردکوھی ءَ ایر کتگ پھکیں دروگیں . راج زرمبشت ءِ اولی جار ءُ اعلامیہ من ءُ مراد ءُ آ دگہ پنچیں ورنایاں شنگ کتگ . رحیم زردکوھی , یارمحمد بے وتن ءُ دگہ بازینے شاہ ءِ زمانگ ءَ جبھہ آزادی بخش بلوچستان ءِ سرمچار بوتگ انت کہ سرداراں گپت ءُ شاہ ءِ دست ءَ دات انت . رحیم ءُ بے وتن کرمان ءَ دانکہ ملایانی انکلاب ءَ بندیجاہ ءَ بوتگ انت . وھدیکہ آزات بوت انت بلوچستان ءِ آزاتی ءِ نام ءَ جنگ کت نیکہ راج زرمبشت ءِ نام ءَ . من ءُ مراد پہ دگہ کُنڈ ءُ ولایتاں سرڈھور بوتیں ءُ مئے راہ ءِ رندگیری زانتکاریں بلوچ ورنایاں کت کہ وتواجھی ءِ گپ دیم ءَ برت

یک وھدے آیانی پیشونک ءُ پاگواجہ آھرداد بلوچ ات ءُ تھنا وھدتاکے بلوچستان ءِ نام ءَ شنگ کتگ ات ءُ چہ یوان ءَ پہ بلوچاں پناھندگی گپتگ ات . وھدیکہ آوانی سر یورپ ءَ کپت آھرداد کشّ ات ءُ تاجُک آوانی پاگواجہ بوت ءُ عزیز اللہ مبارکی آھانی رھشون ات . تاجُک ءِ پاگواجھی ءِ وھد ءَ آیانی وھد تاک بلوچستان بند کنگ بوت . اشکنگ ءَ گِھ ءِ پاسداراں آئی چمسھر داتگ ات ءُ چنت سالاں راج زرمبشت کرگشکی واب ءَ چیرترّات.نوں راج زرمبشت ءَ شرّیں راھے گچین کتگ ءُ بلوچستان ءِ آزاتی ءِ گپ ءَ کنت ءُ عزیز اللہ مبارکی چو پیل ءَ جُشان انت ؟؟؟ راج زرمبشت ءِ نوکیں پاگواجہ کہ من آئی ءِ نام ءَ نگراں بلے درست زاننت کہ کَئے انت پہ بلوچستان ءِ آزاتی ءَ کُتام گام چِست کتگ ؟ ءُ دیم ءَ چے کنت؟

علی رئیسی

2009-10-03T06:21:00.000-07:00

ھندو ءُ مسلمان

مسلمانیں مردے ءَ ھندویے درچکے ءِ چیر ءَ گُرّ ءُ نِھِرّاں مان بستگ ات ءُ گوشگ ءَ ات : شما ھندواں شرم نکن ات دار ءُ ڈوکیں بتاں سجدہ کن ات .سجدہ واجہ ھدا ءَ زیبیت. ھندو ءَ پسّہ دات اگاں ما بتاں سجدہ ءُ رام رام کنیں شما گِلیں چارسرو کیں لوگے ءَ سجدہ کن ات. مسلمان ءَ وتی ٹیلگ گِرد کت انت ءُ مُشت برزادی کت ءُگوشت کتام لوگ ءَ تو گش ئے؟ ھندو ءَ پسہ دات خانہ کعبہ ءَ گوشاں .مسلمان ءَ گوشت آ واجہ ھداءِ لوگ انت.ھندو ءَ پسہ دات بت ھم مئے ھدا انت . ھندو ءَ وتی دست مسلمان ءُ مسلمان ءَ وتی دست ھندو ءِ گُرّءَ سکّ کت.برزکدءُ کوریّں سِکّے کہ ھما نزیک ءَ اوشتاتگ ات ءُ آیانی گپّ اشکتگ اتنت نزیک ءَ آتک مسلمان اینگُر ءُ ھندو آنگُر تیلانک دات ءُ گوشت اداں ھندوستان انت ءُ دنیاءِ مستریں دموکراسی . اے ملک ءَ عیسی پہ دین وت ءُ موسی پہ دین وت .اگاں دگہ برے من اے ڈولیں گِرءُ کش چہ شما دیست من وتی پیگمبر گرو نانَک ءِ دینی رھبند ءَ یلہ دیان بزا ن وتی سر ءِ مود ریش ءُبروت بگلیگ ءُ آ دگہ چیرپناھین موداں سایاں ءُ شما دوئنیاں پہ سائتگیں مودان ھمے درچک درنجاں

ھیچان وبلاگ ءِ مڑاداریں وانوک ءُ چاروکاں : من چہ لھتے دزگٹیّانی سوَب ءَ ماھے ءُ کپّے بیت کہ گوں شما دیوان نکتگ .نوں پدا پہ بلوچی زبان ءِ دیمروی ءُ بود ناکی ءَ گوں وتی کنٹیں گامان دیم ءَ روان بیاں . بلوچی مئے وتی شھدیں زبان انت . پہ بلوچی زبان ءِ گار نبیگ ءَ بلوچ ندکار ءُ زانتکار وتی ند ءَ گیشتر بچوکین ات ءُ دژمن ءَ موہ مدئیت کہ مئے ماتی زبان ءَ گار بکنت. منی بیگواھی ءُ گاری ءِ وھد ءَ باز چست ءُ ایر دنیا ءَ بوتگ کہ زانتکاراں شنگ کتگ انت

واجہ معمر قدافی ءَ وتی چل سال بادشاھی ءِ دھل ءُ سرنا کت. آ کلاہ واجہ ءَ رند چہ بازین سالاں کہ لاکربی ءِ مرتگیں مردمانی ھون بھا دات انت ءُ وتی اتمی بگربدار ءُ دارو درمان امریکہ ءَ دات انت آئی اش اجازت دات کہ نیویورک ءَ سازمان ملل ءِ کار گس ءَ بروت . واجہ ءَ اوداں یک ساھت ءُ نیم وتی ھما پیشی وڑیں بدوئی گپ ءُ تران کت انت . آئی ءِ وتی ھاسیں رجانکار ءُ مترجم ءَ دم بُرت ءُ دگہ رجانکارے آئی ءِ جاگہ ءَ نشت.اے کرنیل کہ مروچاں گیشتر بدوئی کلاہ سر ءَ کنت عربانی رمب ءَ ھما یکیں مرد انت کہ صدام ءِ درنجگ ءَ رند سے روچ ءَ آئی ءِ سوگ داشت.چنت ماہ ءَ پیش کہ پاریس ءَ آتکگ ات سرکوزی ءَ اجازت دات کہ وتی شاھی تمبو ءَ الیزہ ماڑی ءِ کش ءَ بجنتءُ وتی وشرنگیں جنین کاڑاں کہ آئی ءِ حرس حاس انت تمبو ءِ چپ چاگرد ءَ بہ اوشتائینیت ءُ وتی ھشتر ھم آورتگ ات کہ سھب ءُ بیگاہ آئی ءِ شیران بتنگیت.البت آئی ءَ اے لوٹ چہ امریکہ ءَ ھم کتگ ات کہ وتی تمبو ءُ بگر بداراں سازمان مللءِ ماڑی ءِ کش ءَ لکّ بکنت .بلے سیاھیں اوباما ءَ آئی ءِ اے لوٹ نمنّ ات. تونی بلر کہ اولی رند ءَ آئی ءِ گندگ ءَ لیبی ءَ شتگ ات آئی ءُ بلر ءِ گندنند تمبو ءَ بوت ءُ ھشتری شیر ھم وارینت

ایرانی ملایانی رئیس جمھور احمدی نژاد ءَ کہ وتی گپ ءُ تران بنگیج کت دنیا ءِ بازیں پیشونک ڈنّ ءَ درکپت انت کہ تھنا چنت واریں ملکانی پیشونکان آئی ءِ بے پکاریں ھبر گوش داشت انت.آئی ءَ پدا گوشت کہ امام زمان کیت ءُ دنیا ءَ امن ءُ امان کنت بزان ھما بچلک کہ ١٣٠٠ سا ل ءَ پیش کوفہ ءَ پُگلان وارتگ ءُ چہ جمکران ءِ چات ءَ کہ قم ءِ نزیک ءَ انت درکپیت . ھو ایرانی پہ تئی تمدن ءُ فرھنگ ءَ ؟؟؟؟ءُ ملا خامنہ ای اوباما ءَ چمسُھر دیگ ءَ انت کہ من گوں پلاستیکی دست ءَ تئی دپ ءَ جناں ءُ سی سال انت کہ بھادرین امریکی چہ ایرانیاں ترسگ ءَ انت کہ پلاستیکی دست امریکہ ءَ تباہ کنت

بلوجانی نوکیں ھالے ایش انت کہ احسان ارجمندی کہ نروژ ءِنندوکیں ءُ پہ ترتاب ءَ پاکستان ءَ شتگ پاکستانیاں گپتگ لٹ کٹ کتگ ءُ گوں دگہ ١۵ بلوچ ءَ ایرانی ملایانی دست ءَ داتگ

ماھتاک بلوچی کویٹہ ءِ شونکار واجہ عبدالواحد بندیگ ءَ وتی روچگانی ماہ لندن ءَ ھلاس کت ءُ پنچشمبے یک اکتوبر ءَ دیم پہ کویٹہ ءَ شت . لھتے چہ لندن ءِ بلوچاں گوں آئی ءَ گند نند کت ءُ بلوچی ءِ چندہ دات ءُ باز کس ءَ دپی سلاھے ھم نجت ءُ وشاتک ھم نکت. بلوچی مئے وتی شھدیں زبان انت . بلوچی زندگ بات

علی رئیسی ٣ اکتوبر ٢٠٠٩

کلو ءُ پیگامے پہ بلوچاں

2009-09-20T04:11:00.000-07:00

په اللّهءِ یاد ؤ نامء َ که بازباز مزن شأن اؤ بی حد پهّل کنوک إنت.گؤن بازین سلام ؤ درود‏ءِ په آزیزین وانوگر ؤ زانتکارانچه روچ إ که مۓ پّل ؤ گلابین راج ؤ مهلوک په درس ؤ سبکءِ وانگءِ یاد ؤ ترانگءَ کپتگ إنت اؤ اۓ درّین راه إش گچین کرتگ گؤن اللهءِ فضل ؤ کرمءَ مۓ وانوگر ؤ زانتکاران گیش بوان إنت اؤ بازین مشکل ؤ سکّی چه مۓ هند ؤ دمگءَ بال کرتگ ؤ شؤتگ

بلۓ چه دگءَ دیم إ یک ثوه ثوهین آپت ؤ نادراهیءِ به مۓ ماتهی لبز ؤ زبانءَ کپتگَ که الّم ؤ ضرور پیکءِ اِ ناجودیءِ بابتءَ پگر إ زورگ ببیت.إش چؤداں که ماں مۓ گل زمین ایراني تها بلوچی زبانۓ وانگ ؤ نبیسگۓ جاگه إ نیست إنت اؤ هر چه هست ؤ نیست مۓ هم إ دپ په دپی گپّ ؤ تران إنت که سینءَگ په سینءَگءَ گرد إنت اؤ په دگران‏‏ءَ رس إنت، اؤ چه دگه دیم إ مۓ وانوگران چه بلوث إنت اؤ چه ملوث إنت گؤن دگ‏ءَ لبزانی گپّ ؤ گال هور تهور بوتگ إنت، إ پیم که بلوچی زبانءَ کم کم وتهی جاگهء َ په دگءِ زبانان داتگ اؤ بلکّل شموشگ بوتگ؛ إ ترس ؤ بیمءَ روت إن که تاں آیوکین چنت سال دگءَ چه مۓ ماتهی زبانءَ هّچ پد ؤ رندإ ممان إیت

بلوچی زبان چه یک دیم إ گؤن پشتؤ اؤ پارسی دری - چه یک دیم إ گؤن اردو اؤ سندی اؤ پنجاپی – چه یک دیم إ گؤن عربی اؤ انگلیسی اؤ چه دگءَ دیم إ گؤن پارسی بّر وارتگ اؤ هؤر بوتگ – چؤ یک لٹّۓ ڈؤل‏ءَ که آیرا چه هر دیم بتراش إنت اؤ آهر پدا چه آ إ هچّی ممان إیت. ماں مۓ هند اؤ دمگءِ تها بلوچی گپانۓ یل دیگ اؤ دگءَ زبانۓ گپانۓ زورگ یک شّرین کارإ بوتگ اؤ یک نشان اؤ علامتّی چه رؤ‎ژنگری اؤ زانؤگری په حساب کیت که إ یکّءِ چه ما آپت ؤ نادراهیءِ علامتّ إنت

می دستبندی چه وانوگر او زانتکاران :إ مۓ اؤ شمۓ ذمّه واری إنت تاں په وتهی ماتهی لبز ؤ زبانۓ دارگءَ جهد اؤ کؤشست بکن إین اؤ اوّل ماں جندۓ لؤگ ؤ دوار آیرءَ پکار بگرإین گّڈا چه وتهی نزدیک إین سیاد ؤ وارثان بلوٹ إین که هنچؤ بکن إنت.په هم إ بابتءَ چنت سادگ إین اؤ آسان إین رد ؤ رهبند شمۓ نیمگءَ پیش کنگ بیت اؤ چه شما آزیزإین وانوگران دست بندی بیت تاں که آیانءَ پکار ببندإیت ؤ دگرانءَ هم رهشونی بکن إیت:یکّ : بلوچی رادونۓ برنامگءَ دلگوش کن ‏أَگ که هر سر شپی 8 شنگ ؤ تالان بیت.دو : بلوچی نبشتانک اؤ لبزانکانی وانگ ؤ آیانی کدیمی گپ اؤ گالۓ یاد گرگ.سۓ: گون بلوچی زبانءَ حّط ؤ نامگۓ نبیسگ اؤ شنگ ؤ تالان کنگ په وتهی دؤست ؤ سنگتان هؤرگؤن موبایل ، ایمیل اؤ یا وبلاگ .چار: بلوچی بتل ؤ متلانۓ یاد گرگ اؤ پکار بندگ .پنچ: پیرإین مهلوکانی کّر ؤ گورءَ نندگ اؤ آیانی گپانۓ دلگوش دیگ هنچو که پیرؤک ؤ واجه اؤ بّلؤک ؤ شمۓ منّت وار : مریدان سلطان بابا حاجی

17 August 2009 01:13

2009-08-15T05:22:00.000-07:00

اے کسّہ ھم من چہ ناکو عبد العزیز ءَ ا شکتگ

بلوچ ءُ سردار

ڈڈّ یں بلوچے ءَ ملک ءِ سردار نمرّینتگ ات ءُ مالیات نداتگ ات . سردار ءَ پہ مندر ءُ رپک کلات ءَ لوٹائینت ءُ آئی ءِ تپنگ پہ چارگ ءِ نیمون ءَ چہ آئی ءِ دست ءَ گپت ءُ گلامےءَ دات . گلام ءَ تپنگ اندرون ءَ بُرت ءُ ایر کت . سردار ءَ وتی کانٹیں بروت تاب دات انت ءُ گوشت میریں بلوچ تئی پُٹ ءُ بال من گوھت انت . گرگ اے ڈول ءَ وشّ انت . بلوچ ءَ سر بُرزادی کت ءُ گوشت یا چارہ ساز چارہ یے بساز . سردار ءَ پسہ دات چارہ ساز نوکیں ٹِکّ ٹاکے نسازیت

سلام سلام سلام سلام سلام میریں بلوچ ءِ پنچیں کانٹُک بروتیں بچاں کہ جگر دِرّیں دوگوشی گُرکی پیش تیر کتگ اتنت سردار ءِ دیوانجاہ ءَ گوست انت .مستریں بچّ ءَ چہ پت ءَ جست کت تو سردار ءِ گندگ ءَ آتگ ئے پرچا ماات ھال نداتگ ءُ آتکگ ئے ءُ تئی تپنگ کُج انت ؟ پت ءَ پسّہ دات منی تپنگ سرار ءَ پہ چارگ ءَ برتگ

ورنا ءَ دیم گوں سردار ءَ کت ءُ گوشت سردار بگش کہ منی پت ءِ تپنگ ءَ کار انت

سردار ءَ اشارہ کت ءُ گلام ءَ تپنگ آورت ءُ بلوچ ءِ دست ءَ دات
بلوچ پادآتک ءُ دیم گون سردار ءَ کت ءُ گوشت : گند ئے چارہ ساز ءَ چونین ٹِکّ ٹآکے ساز ات.سردار ءَ سر جھل کت ءُ بلوچ گون بچاّں چہ دیوانجاہ ءَ درکپت انت

علی رئیسی

2009-08-15T05:19:00.000-07:00

بکشیش ءُ ملام
چہ دپترزانت واجہ عبدالکریم بلوچ ءِ نبشتانک میرھوتی خان ءُ بھرامخان ءِ گِرءُ کشّءِ وانگ ءَ رند
منی ھدامرزیں مات ءَ ناکوگے ھست ات کہ نام ئے عبدالعزیز ات , ناوانند ہ یے ات بلے چو واجہ عبد الکریم ءَ دپترزانتے ات .آئی ءَ گوشت مئے پیرینان گوشتگ لاشارءِ سردار ءَ بے گَت ءُ گمانی ھیچان ءِسر ءَحملہ ءُ اُرُش کت ءُ ھیچان ءِ گھی سردار تھنا لانکی ءِ زورگ ءَ واھی بوت .آئی ءَ پاد اسپ ءِ رکاب ءَ جت ءُ سوار بوت ءُ اسپ کُڑی کت .زاھر انت کہ واجہ دھدرکائی چہ واب ءَ پاد کنگ بوتگ ات .ھیچانی مرد ءَ چہ لوگ ءِ دریگ ءَ دیست کہ سردارءِ اسپ ءِ پاد بستگ ءُ آ مپت ھدا اسپ ءَ شورینگ ءَ انت کہ اسپ برزادی انزار بندیت ءُ جھل ءَ کپیت

آ مرد تچان ءَ شت ءُ اسپ ءِ پاد لوپ بُرّات. سردار ءَ جست کت تئی نام کئے انت ؟ مرد ءَ پسّہ دات سالمی . سردار دیم پہ گِھ ءَ تچان ات کہ زردین پیران ءَ مردے وتی ڈگار ءَ گردینگ ءَ ات ,مرد ءَ گوانک جت ءُ گوشت واجہ ترا ملک ءِ دارگ ءِ منّت پِرانت پہ ھیش برو ءُ مئے پتروکاں لگت مکن. سردار ءَ جست کت تئی نام کئے انت؟ آئی ءَ پسّہ دات سابِک .گھی سردار ءَ لشکر کت ءُ لاشاری چہ ھیچان ءَ رندکاں دات انت ءُ تاچینت انت ءُ سالمی ءُ سابک لوٹائینت انت. سالمی دانکہ ھپت پشت ءَ چہ مالیات ءَ بکشگ ءُ درگوز کنگ بوت ءُ سا بک ملام کت . من واجہ عبد الکریم ءِ منت واران اگاں گھی ءُ لاشآری سردارانی ناماں زانت من ءَ مالومدار بکنت کہ اے ھم بلوچستان ءِ راجدپتر ءِ بھرے. سابک ءُ سالمی ءِ پدریچ دنیگا ھیچان ءَ زندگ ءُ ھست انت

علی رئیسی

2009-08-06T12:18:00.000-07:00

ھدامرزیں صالح بلوچ ءِ ترانگ ءُ تھتا ل علی رئیسی

چہ راستیں نیمگ ءَ اسماعیل ممتاز, صالح بلوچ, علی رئیسی ءُ صمد بلوچ

شمبے ٨ اگُست سال ٢٠٠٣ ءَ ماں کانادا ءَ وھدیکہ پلیس ءَ آئی ءِ لوگ ءِ دروازگ ٹُکّ ات , آ چہ لوگ ءِ پشتی دریگ ءَ درکپت , آ ئی ءَ لوٹ ات کہ چہ اوداں وتی ھمسائگ ءِ لوگ ءَ بروت کہ آئی ءِ پاد لکُشت ءُ چہ پنچمی تَبَک ءَ جھل ءَ کپت ءُ ساہ ءَ یلہ دات .١۵ اگست ءَ گوں پت ءُ سیادانی شور ءَ کانادا ءَ جاہ درپ بوت, اے کارءِ بند ءُ بست منی سیاد ءُ شاگرد مزار رئیسی ءُ خیرمحمد ءَ کت. ١٣ سپتمبرءَ لندن ءِ بلوچ کمینیٹی ءَ پہ صالح ءِ یات ءَ پُرسی دیوانے کت کہ لندن ءِ بازیں بلوچاں بھر زرت ءُ وتی دلپدردی درشان کت

منی ءُ صالح ءِ پجاّر ھما وھد ءَ بوت کہ خیرمحمد رئیسی کانادا ءَ ات ,منی نبشتانک ماھتاک بلوچی ءَ چاپ بیگ اتنت ءُ آ ھم ماھتاک بلوچی ءُ آساپ ءُ لبزانک نوتُک ءِ نام ءَ شعر, لچہ ءُ دگہ نبشتانک چاپ بیگ ءَ ات . ءُ م. ی . درّا ءِ ماھتاک روچ ءِ کمک شونکارات . خیرمحمد ءَ پہ من ءَ گوانکو کت کہ صالح آرامش چہ کانادا ءَ مند ءَ روگی انت ءُ چار پنچ روچ ءَ لندن ءَ مھتل بیت . آ دلمانگ انت ترا بگند ایت ءُ اے ڈول ءَ منی ءُ آئی ءِ اولی گند ءُ نند منی کوٹی ءَ بوت ءُ چہ نزیک ءَ مئے پجاّر بوت

صالح ءِ پت ءِ نام تاج محمد ءُ مند ءَ نندوک انت.آ یک وھد ے مند ءِ بی اس او ءِ مستر بوتگ , آئی ءِ وتی گوشگ ءَ من لوگ لوگ ءَ ترّات ءُ چندہ کت ءُ بلوچی زبان ءِ ترپناکیں استال ملا پازُلءِ کبرءَ چپ چاگرد ءَ دیوالے کشّ ات .ءُ لھتے کماش آتک انت ءُ گوشت اش کہ بسوچ ات ءُ آس ماندارات اشی ءِ کبر ءَ کہ عآشقی شعر پِربستگ ءُمردم زا داتگ انت . صالح ءَ یک لکھ کلدار ءَ کامپیوترے زرتگ ءُ بلوچی اکیڈمی ءَ سوگات داتگ ات .لندن ءَ صالح ءَ لھتے بلوچانی پجاّر گوں من ءَ کت کہ پیش ءَ یوگاندا ءَ بوتگ انت , بزاں حاجی داد محمد ءُ آئی ءِ کٹم کہ ایدی امین ءَ چہ اوگاند ا ءَ تاچینت انت ءُ آ لندن ءَ جھمنند بوت انت.دکتر حیدر بلوچ ءُ فقیرجان ھم گوں من آشناگ کت انت. آ چنت رنداں چہ کانادا ءَ مکران ءَ شتگ ءُ آتکگ ءُ آئی ءِ ٹیکی ءُ سوگات بلوچی کتاب ءُ ماھتاک بوتگ انت .منی کوٹی ءَ منی چم ھمک روچ سید گیج , مراد ساھر ,بیگل ,ءُ شے رگام ءِ کتاباں کپ انت آئی ءِ ترانگ ءُ تھتال تازگ بینت.صالح ءَ باز رنداں من ءَ مالی کمک ءُ مدت ھم کتگ

آئی ءَ زند ءِ گُڈّی روچاں گلخان نصیر ءِ نام ءَ کمینیٹی یے جوڈینتگ ات , آ دلمانگ ات واریں بلوچ ندکارانی کتاباں چاپ ءُ شنگ بکنت.منی ءُ صالح ءِ مدام کاگد ءُ کراّچ بوتگ , آئی ءِ کاگد ءُ منی کاگدانی پسہ ءِ فتوکپی منی پِتنکاں ایرانت.آ پہ بلوچی زبان ءُ لبزانک ءَ مزنیں ھستی یے ات ءُ آگاں گیشتر بمنتیں گیشتریں کار پہ بلوچ ءُ بلوچی ءَ کتگ ات .آ یک مدتّے نروژ ءَ ھم بوتگ ءُ گوں اسکاندیناوی ءِ بلوچ ندکار ءُ لچہ کاراں گند ءُ نند ءُ دیوان کتگ .آئی ءِ بیرانی ءِ درگت ءَ عزیزاللہ مبارکی ءَ لچہ یے پربست ءُ بلوچی پالتاکے ءَ دپگال کت صالح گوں بلوچستان ءِ گیشتریں شاعر ءُ ندکاران نزیک ءُ ھورتور بوتگ, اسماعیل ممتاز,جی آر ملا, مبارک قاضی, بشیر بیدار, بیگل, صباد دشتیاری, عبدالواحد بندیگ ءُ ملک توکی , م.ی. دّرا, اسماعیل امیری

نوں صالح بلوچ ءِ دو لچہ کہ یک نمدی یے ءَ پہ من دیم داتگ ات ءُ ھچ ماھتاکے ءَ چاپ نہ بوتگ انت ایش انت

موتکے پہ ھستیں رند ءُ لاشارءَ

سازی ساز بکن سازارا
دستءَ کن نل ءُ چنگارا
سرحدی بجن لیکویے
زھیروکے بِگش یا موتکے
زھیروک پہ مرتگیں بامردان
موتک پہ چاکرو گھرام ءِ
شومیں پُشپد ءُ پدریچان
پہ ز اتی کنت ءُ نامردی
ڈیھ اش مئے کتگ قبرستان
گل خان ءِ امیت ءُ ارمان
مھرءُ دوستیءِ آ دیوان
کست ءُ کینگ ءِ ارجان شت
سیوی ءُ گلین گنداوہ
باگین مکران میرجاوہ
چا گی ءُ مئے منگھو چر
چرت انت رستران گیرانی
دوستان ءَ مئے میرانی٢
ڈیھ ءَ را منی چیھال انت
باتیل ءَ منی زار زارانت
بولان ءِ جبین پاھارانت
چلتن پہ وتی باھوٹان
روچ ءِ رژنی ءَ رھچارانت
نہ پہ واجہ ءِ ماڑی ءِ
مال ءُ دولت ءَ چمدار انت
لیکو پہ رپتگیں بامرداں
ڈیھ ءِ عاشق ءُ شہ کرداں
موتک انت پہ ایشان بولانءَ
پہ میر ءُ عنقا ءُ گل خان ءَ
دشتی ءُ مراد ءُ شاد ءِ
لال ءُ گوھرین گالان ءَ
اوہ پہ چاکرو گھرام ءِ
شومین پشپدءُ پدریچان
سازی ساز بکن سازارا
بیا توزیر نل ءُ چنگارا

سرحدی بجن لیکویے
زھیروکے بگش یا موتکے
زھیروک پہ وتی بیلان ءَ
دوست ءُ سنگت ءُ ھیشان ءَ
شیراز ءُ گلیں ترادان ءَ
پلین مھرک ءِ پیردان ءَ
دشت ءِ سرمگیں پلکان ءَ
ڈیھ ءِ ستکگیں ڈنان ءَ

سازی ساز بجن ست ست ءَ
کہ دل بریں زھیران کَستَگ
ملا فاضل ءِ ھند ءُ جاہ
موسی ءِ گلین آ بنجاہ
نیلنت نندگ ءَ تاھیرءَ
................................
رند چہ بشیر بیدارءِ شعر ; مزن ھورءِ وانگ ءَ
وینکورءِ وشیں پب انت
کیپ ءُ شراب ءُ کدّہ انت
سنج انت ءُ نودی شنزگ انت
چار کیگد ءَ کہ سُھبت انت
بالاد ءُ ڈیل ءَ وَرَّم انت
بلے مئے ھانیانی مٹّ نہ انت
کیچ ءُ نھنگ ءُ دشت نہ انت
مئے مکران ءِ مٹّ نہ انت
یک شمبہ ءَ تیر برز بنت
پّبان ئے در کہ بند بنت
دنیائی پُلّیں جنتّ ءَ
مرد گوں جنان امباز بنت
رکاّنی نوک آپاں گلے
دل مرتگیں پہ ساہ بنت
تنگاں کہ وھد ی کُچّلان
اے جور ءُ ماجینیں رَمان
بلکیں شموشاں مھگلان
سار ءَ وتی اچ وت دیان
گریواں پہ باگیں مکران
پہ کیگدانی کند گان
پہ ھمبل ءُ پُلّیں یلان
ڈیھ ءِ دیار ءُ کھچران
نوکاپ ءُ دازی کیلڑان
شھناز ءِ پلیّں کندگان
راج ءِ سر ءَ بش بش وران
ھشکیں سریچک انت ملپدان
پولنگ کتگ نام ِ اشان
میر نوری ءُ بیزنجو ئے

نزّآروک علی رئیسی ۶اگست ٢٠٠٩

بلوچ ندکار

2009-08-01T12:53:00.000-07:00

اولی بھر

دومی بھر

سومی بھر

چارمی بھر

آھری بھر

علی رئیسی

2009-07-29T11:37:00.000-07:00

اشغالگران فارس بلوچستان غربی را غارت می کنند ۱

از آنجائيکه بخش غربی گنجين بلوچستان مان در اشغال حکام غارتگر تهران است و در هشتاد ويک سال گذشته ميدان فارس تازی آنها بوده است، منابع و معادن و دارايی های ملی مان بيرحمانه غارت می شوند. با غارت بلوچستان و غصب دارايی های ملت بلوچ شمار زيادی از فارسهای اشغالگرسرمايه های بيکران اندوخته اند و با زور سرنيزه و غصب درآمد و دارايی های ملی مان زندگی ميليونها بلوچ را زير خط فقر نگه داشته اند

اگر چه دست يافتن به آمار و ارقام دقيق سرمايه های مالی به يغما رفته مردم بلوچ در هشتاد و يک سال اخيرامری محال است اما مقاله حاضر کوششی است جزيی تا نامحدود بودن ابعاد چپاولگريهای اشغالگران فارس و منفعت پرستی سيری ناپذير شان را بيشتر و بهتر بشناسيم. مهمترين منابعی که در تهيه آمار و ارقام ذيل استفاده شده اطلاعات و تجارب کشاورزان پرکارو سخت کوش، دامداران زحمت کش، صيادان بلوچ و دهها کاردان و ريش سفيد بلوچ در چهبار، کنرک، نواحی سرباز، دشتياری، گــِه، پهره ، بنپور، ڈمــّـِن، ايرندگان، دزک، شستون، دهوار، دزاپ و واش هستند

آمارهای ارائه شده بوسيله ارگانهای دولتی بخصوص جهاد کشاورزی از محصولات بلوچستان در سال گذشته که دروب سايتها و وبلاگهای اينترنتی پخش شده اند از منابعی است که بررسی و مطالعه شده اند. آمار و ارقام جهادی ها و ديگر حکومتی ها در راستای سياستهای ضد بلوچ و غارتگرانه شان است. آمار جهاد در مورد محصولات بلوچستان در اغلب موارد نادرست هستند۰ تا بلوچستان غنی مان را مکارانه "سرزمينی فقير" معرفی کنند.. در اين مورد کافی است که فقط يک مثال بياورم. خرما يکی از محصولات مهم کشاورزی بلوچستان است که تقاضای آ ن در بازارهای آسيا و اروپا رو به افزايش است. مقامات جهادی پس از هامين (فصل برداشت خرما) سال گذشته ارقام متفاوت از ۱۰۰۰۰۰ تن( صد هزار تن) گرفته تا ۱۸۰۰۰۰ تن (يکصد و هشتاد هزار تن) ارايه داده اند که نادرست است و هزاران تـــُن با مقدارمحصول برداشت شده هامين پارسال فرق دارد. در بلوچستان غربی بيش از یازده ميليون درخت خرما وجود دارد که حداقل هفت ميليون نخل بارور هستند

اگر هر درخت حد اقل ۵ خوشه در هامين پارسال داشته (خوشه های کـــْــوَهـــْک را به حساب نمی آورم که بعد از هامين برداشت می شوند. ) و هر خوشه حد اقل۱۰ کيلو وزن داشته باشد محصول خرمای بلوچستان حد اقل به ۳۵۰ ميليون کيلو (۳۵۰۰۰۰ تـــُن ) می رسد. اما شونيستهای اشغالگرفارس با مکاری و برنامه های غارتگرانه خود هزاران تن از همين خرما را به قيمت ناچيز از کشاورزان بلوچ گرفته و به نام خرمای بم و کرمان بسته بندی کرده و به فروش می رسانند که جزء آمار محصول بلوچستان به حساب نمی آيد! قبل از ارائه جدول نخست که مربوط به محصولات کشاورزی، باغی و گلخانه ای بلوچستان غنی است ، ذکر چند نکته را ضروری می دانم

به دليل کمبود اطلاعات ازمحصولات زابل و حومه ! اين قسمت از سرزمين بلوچستان مان جزآمارهای زير نيست. همچنين محصولات با ارزش بخشهايی از وطنمان که در هرمزگان و کرمان به زور الحاق شده اند متاسفانه در آمارو ارقام زير نيستند. جدول شماره ۱- محصولات کشاورزی، باغی و گلخانه ای در بلوچستان غربی از اول تير ماه ۱۳۸۷ تا اول تير ماه۱۳۸۸ محصولات کشاورزیوزن به تن (هزار کيلو گرم ) قيمت گندم بيش از ۱۷۵۰۰۰ برنج بيش از ۲۵۰۰۰ خرما بيش از ۳۵۰۰۰۰ جو بيش از ۲۵۰۰۰ ذرّت بيش از ۴۵۰۰۰ دانه های روغنی بيش از ۸۰۰۰۰ سيب زمينی بيش از ۹۴۰۰۰ پياز بيش از ۳۰۰۰۰۰ انار بيش از ۴۷۰۰۰ انگور بيش از ۲۵۰۰۰ هندوانه بيش از ۴۵۰۰۰۰ خربزه بيش از ۳۸۰۰۰۰ خيار بيش از ۲۵۰۰۰۰ گوجه بيش از ۷۵۰۰۰ پسته بيش از۸۰۰۰ زردآلو بيش از ۱۰۰۰۰ انبه بيش از ۳۰۰۰ تن موز بيش از ۴۵۰۰۰ مرکباتبيش ا ز۸۰۰ توت و توت فرنگی بيش از ۱۲۰۰۰ حنابيش از ۱۰۰۰ شاخه گل رز در 14 رنگ بيش از ۲۰۰۰۰۰۰ شاخه تنباکو بيش از ۲۰۰۰ حبوبات (باقلا، نخود، لوبيا، عدس وماش)بيش از ۳۵۰۰۰ تربار و انواع صيفی جات ( انواع کدو، باميه، بادمجان و فلفل)بيش از ۲۹۰۰۰۰ یونجه و علف برای احشامبيش از ۱۷۰۰۰۰۰
محصولاتی ديگر از قبيل پنبه، عسل، انجير، پاپایا، چیکو، گواوا، گون، کسور، گواتام، سمسور، پترونک، مگير، گياهان ( جــَرّ ءُ دار ) و داروهای طبيعی را نيز می توان به جدول فوق افزود

فرآورده های دامداری و مرغداری طبق آماری که بخش کشاورزی استانداری ارائه داده است بلوچستان « 428454 هزار واحد دامی دارد. ( شامل حدود 23786 هزار راس گاو و گوساله 1441566 هزار راس گوسفند و بره ، 1420613 هزار راس بز و بزغاله و حدود 77901 هزار نفر شتر ) » منابع استانداری در دزآپ اعتراف می کنند که بلوچستان« به عنوان یکی از قطب های مهم دامپروری جنوب شرق کشور محسوب می شود ». جدول شماره ۲ - فرآوده های دامداری و مرغداری در بلوچستان غربی از اول تير ماه ۱۳۸۷ تا اول تير ماه۱۳۸۸ محصولات دامداری و مرغداریوزن به تـــُن ( هزار کيلوگرم ) قيمتگوشت قرمز بيش از ۴۸۰۰۰۰ شير بيش از ۳۵۰۰۰۰ پوست بيش از ۱۰۰۰۰ قطعه پشم بيش از۴۷۰ گوشت مرغ بيش از ۲۸۰۰۰۰ تخم مرغ بيش از۱۵۰۰۰
سالانه صدها هزار تــُن از محصولات بلوچستان منجمله خرمای بی نظير و مرغوب بلوچستان، دانه های روغنی، پياز، انار، انگور، هندوانه، خربزه، سيب زمينی، گوجه فرنگی وگوشت قرمزبه خارج از بلوچستان کنال کشی شده اند که در آمد حاصل از فروش اين محصولات به جيب غارتگران فارس سرازير است۰ پروشت ءُ پروش بات ايران ءِ شيعی ـ فاشيستی حکومت
آزات ءُ آباد بات گنجين بلوچستان

ادامه دارد. جولای ۲۰۰۹

محمد کريم بلوچ

2009-07-25T11:58:00.000-07:00

منّت واری

من چہ ھما دوست ,سنگت ءُ آزیزان کہ پہ من گوانکو(تلفن) کتگ ,ایمل دیم داتگ منی ھالچونی کتگ باز منّت واراں .من آھانءَ ھال دیاں کہ پہ منیگی ھِچّ دلاپ مبیئت .من نوں ڈڈّ جوڈ وشّ وشھال ءُ تیاراں . نوں من پہ بلوچی زبان ءِ دیمروی ءُ پہ بلوچ دژمنانی روسیاہ ءُ چِنّہ چار کنگ ءَ وتی وس ءُ واک ءِ اندازہ ءَ دیم ءَ روان بیاں.من چہ درستیں بلوچ ندکاراں شائرءُ لچہّ کاراں ,ازمکار اگازی اکس کشّ ,وشگُٹّ ءُ رجانکاراں دزبندی کناں کہ پہ شھد ءُ شَکلیّں ماتی زبان ءُ دود ءُ ربید گ ءِ دیمروی ءُ بودناکی ءَ چہ گیش ءَ گیش دیم ءَ روان ببئت

روسیاھیں د ژمناں پہ وتی منّ ءَ چہ رودراتک , روایرشت ءُ گریچانی ءَ پہ بلوچانی گار دیگ ءَ تیزیں تپر کوپگ ءَ کتگ بلے آ تپر آوانی وتی گردن ءَ برانّ انت پرچا کہ بلوچ نوں آگاہ بوتگ انت ءُ وتی دوست ءُ دژمن ءَ پجّاہ کارانت. مروچی بلوچانی دژمن وت پرشت پروش ءُ ٹکرٹکر بیگ ءِ آماچ انت .سرمچار ءُ بھادّریں بلوچاں وتی گاماں ترند تر چِست بکن ات .ندکار شائر وتی ند( قلم) تپنگی وتی تپنگ ءَ دست ءَ بگِراِت ءُ زبانی وتی زبان ءُ لِلُک ءَ کا ر بند اِت . مروچی پنجاپی ءِ چِرّک گوات ءَ برتگ ءُ گجر ءُ پارسی ءِ پاگ چہ سر ءَ لکوشگ بوتگ ,مشوکی کرزی تھنا کابل ءَ چو دزیّں تولگے ءَ تِرّشاپ ءَ انت . اگان ڈنّی واک ءُ کدرت یک روچے وتی پوجاں چہ اوداں دربگیج انت یک چمِیں ملا عمر آئی ءِ دنتاناں چہ ....کشّیت. زرگر ءُ دُزیّن زرداری ءِ بِستار ھما سَئیچک ءِ بستار انت کہ کشار ءِ دلگاہ ءَ لِکّ انت تاکہ چلورءُ جوشکاں بترسینیت.بلے چلور ءُ جوشک ھم آئی ءَ نہ مرّینگ ءَ انت آ زاننت کہ آ داریں مردُمکیں.او بلوچاں ھُژّار ءُ آگاہ بئت کہ پہ ھمے زوتاں مزنین مٹّ ءُ بدلی یے میدل ایست ءَ بیگی انت . وت ءَ پہ وتی ماتیں وتن ءِ دست ءَ گرگ ءَ تیار ءُ چالاک بکن ات

دنیاءِ داروک ءُ مزنین واک ءُ کدرت وتی جوڈینتگیں پناّس ءَ دیم ءَ برگ ءَ انت . مہ شموش ات کہ آیوکیں وھد ءَ لھتے عرب ءُ ھند مئے باسک بینت ,وت ءَ گوں آیاں نزیک بکن ات.کہ بلوچ ءِ دراجیں تیاب ءُ جُھلیں زِر دنیا ءَ بے مٹّ ءُبے درور انت . تھنا ۶٠ سال انت کہ پارسی ءُ لونڈواں دست ءَ گپتگ. پیش چہ اے مدت ءَ ھچ ڈنّی واک ءَ اے زر نیم چمّی چارِت کت نکتگ. گمبرن (دوگنبدان) میناب ,جاشک , گوردیم , گوک ءِ سر ,پُزم ,کنرک ,چھبار . تیس ,پسابندن , بریس ,رمین, گوَتر, رزوا ءُ چارپادیں پارسی ءُ ایرانی ءِ ماتانی جھاز نہ انت ءُ پیشکان , گوادر, پسنی ,اورماڑہ ءُ کراچی پنجاپی لونڈو ,دزیّں زرداری ءُ بے گَردنیں التاف حسین ءِ ھم ماتانی جھاز نہ اںت

ای بلوچاں اتحاد پہ وشیں روچاں اتحاد.. دگہ یک گپّے کہ لوٹاں بگشاں آ ایش انت کہ دو سے دانشور ءُ زانتکاریں بلوچ کہ یورپ ءُ آمریکہ ءَ نندوک انت ءُ ھر یکّے ءَ یک حزب ءُ سازمانے اڈ کتگ ءُ چہ پارسیاں دموکراسی ءُ فدرال لوٹنت درستیں بلوچ زانگ ءَ انت کہ اے یک مردُمی پارٹیانی دمب گوں کئی دمب ءَ بستگ . واجہ کریم تھل من ترا دروت ءُ درھبات گوشاں . بلوچ تئی رھشونی ءُ بلوچی نبشتانکانی وداریگ انت .زندگ بات ئے . علی رئیسی........سَئیچک : دھکان دو دار ءَ کہ ھور بستگ انت پشک ءُ شلوار گور دینت ءُ کشار ءِ توک ءَ لکّ کن انت تاکہ مُرگ ,تولگ ,روباہاں بترسیننت کہ گندم ,کیٹگ ءُ تیجگ ءُ دگہ نیبگاں مہ ورانت.آئی ءَ مردُ مَک ھم گوش انت. دراجیں دارے ءِ سر ءَ مزن ءُ اسپیتیں گوکی یا ھشتری ھڈّے شولام انت یا مزنیں پاگے بند انت ءُ کشار ءِتھ ءَ کِش انت اشی ءَ پَلاس گوش انت

اے ھم پہ ترسینگ ءَ کارمرز بیت

2009-07-20T15:49:00.000-07:00

آنجلاءِ آچدان ءِ نبیسوک چہ اے دنیا ءَ لڈّ اِت ءُ شُت

فرانک مک کورت مشھوریں ناول آنجلاءِ آچدان ءِ نبیسوک یکشنبہ ١٩ جولائی ٢٠٠٩ ءِ بیگاہءَ ماں نیویورکءَ کہ آئیءِ زندءِ دراجی

اے ایرلندی امریکائی ندکار بازیں وھدے ءَ گُّٹّءِ ناجودیءَ گور جتگ ات ءُ پدا پوستءِ شومک ءِ( کینسر) ناجوڈی ءَ گپت

ملیونانی کتاب چہ آنجلاءِ آچدان ءَ دنیاءَ بھا بوت ءُ گوش انت کہ اے کتاب آئی ءِ وتی روچ یاد انت کہ ایرلند ءَ زندگی کتگ. اے کتاب سال ١٩٩۶ ءَ چاپ بوت ءُ پولیتزر ءِ ادبی داد کّٹ ات. اے کتاب دنیاءِ بازیں زباناں رجانک بوتگ
مک کورت پیش چہ اے کتاب ءِ چاپ بیگءَ سی سال ءَ ھایی اسکول ءَ وانینوکی کارءَ دزگٹّ بوتگ. مک کورت سال ١٩٣٠ ءَ ماں٧٨ سال اَت چہ اے دنیاءَ شت, بروکلین نیویورک ءَ ایرلندی کُٹمے ءَ ودی بوتگ. آ پت ءُ مات ءِ مستریں بچّ ات کہ سال ١٩٣٠ ءَ چہ ڈکال ءِ ترس ءَ چہ نیویورک ء ایرلندءَ آتگ انت, کہ ایرلندءَ آیانی زند ءِ جاور گندہ تر بوت

مک کورت ءِ پت شرابی یے ات ءُ آئی ءِ برات ءُ گُھار چہ شد ءُ ناجوڈی ءَ مرت انت.آنجلا مک کورت ءِ مات ءِ نام انت کہ آئی ءَ آچدان چہ مات ءِ بے روکین آچدان ءَ زرتگ. چہ اے ناول ءَ سال ١٩٩٩ ءَ تامُر (فیلمے) جوڈ بوت کہ امیلی واتسون ءُ رابرت کارلایل ءَ آ فیلم ءَ لیب ءُ گوازی کتگ

ندکار ھچبر نہ مرانت. آ مدام زندگ انت

دلگوش : بلوچی ءَ آچدان ءَ آسجاہ ھم گوش انت

علی رئیسی

2009-07-16T13:03:00.001-07:00

2009-07-15T06:25:00.000-07:00

آزمانک

کماشانی دیوان

تژن ءُ بچکند ........... کینگی , دلوش ءُ شے جگردی مزن شاھلیں امب ءِ ساھگ ءَ نشتگ ات انت . مزنیں سَپتے چہ رستگیں امب ءَ پُّر ات , سئیں گوں کارچ ءُ چاکواں گورکپتگ ات انت , ورگ ءَات انت. لھم لھم ءَ گپّ ءَات انت .ملّا لُتُر ءَ چہ دیوال ءَ سرکشّ ات. دلوش ءَ گوشت ھما انت گوں پاگ ءَ سر کشّگ ءَ انت. کلام ملایاں بجنات , ھرجاہ ورکایے بوت ملاّ ءِ گوش زاھر بوت انت . بلے چمّ ئے زبر نہ انت , بلکیں مَیَم نکنگ ءَ انت , ھچ مگُش ات . ھنچشک ءَ چارگ ءَ انت ,روت . ملا لتر ءَ پسّہ دات : اگان شما شّر بوت ات بیا ات منی کبر ءَ پہ لٹّ بجن ات . اگاں منی دیدگ نزور انت ,منی گوش ھما ورنائی ءِ گوش انت .کمبھتاں وت واری شرّ نہ انت. اگان نان ءِ دیگ سّک انت بلے سلاہ جَنَگ ھَکّ انت. مردم ھرچاں پیر تر بیت پہ مال ءُ دنیا ءَ رُزّتر بیت. شے جگردی ءَ پسّہ دات اِنچو واز مکن , بیا ھمنگو . چاکو ءَ تیز کن ءُ بیا

ملا لُتُر امب ءَ برگ ّءَ ات ءُ شے جگردی چارِت ءُ گوشت : پہ دگرانی مال ءِ ورگ ءَ مدام شیھانی دپ چو گرک ءِ دپ ءَ پچ انت . کار ءُ روزگارے نکن ات ,ترّ ات ءُ پنڈ اِت ءُ ور ات. ھمے امب ءِ بزّگیں واھُند یورپ ءَ دیدلی دالی جنگ ءَ انت ءُ شما امبان چوسگ ءَ ات. دلوش ءَ پسّہ دات : من آ مرد ءِ وکیلاں . امب پَلّ ءُ مُھر کتگ , آپ ءُ مین کتگ ,زلور امباں وراں . ھمے امب ءِ واھند روسیاھیں ایرانی ملایاں تاچینتگ ءُ درانڈیھ کتگ. ملا , ملا انت . شیعہ ببیت یا سُنّی . نوں شمے دور انت . بلے دور کہ پہ گُرونز ءَ پادار نبوت پہ شما ھم پادار نبیت .ملا لترءَ پسہ دات ; بلوچیں ملایانءَ گجریں ملا چے دیگ ءَ انت . شما مُپت ھدا مارا ایراز گِراِت . ایرانی ملا دوت انت . کینگی ءَ کندگے جت ءُ گوشت ; ملا لتر ما گوں تو گوشکند کت . گوشکند جنتّ ءِ دروازگ ءِ کلیت انت . ھر کس گوشکند مکنت جنت ءَ نروت . ملا لتر ءَ پسّہ دات تواضع کلید در جنّت است. دلوش ءَ دست پھک کت انت ءُ سیگارے بُن دات ءُ گوشت : راست گوشیت تو وتی ھما تھرانی سفر ءِ کسّہ ءَ بکن ,شے جگردی ءَ نہ اشکتگ . سے جگردی مہ اشکنت گھتر انت

شے ءُ ملا کدیمی دژمن انت ملالتر ءَ پسہ دات. شر گڈا دلگوش بدار ات: من اش ھال دات کہ بازیں بلوچیں مولوی ءُ ملا تھران ءَ لوٹائینگ بوتگ انت ءُ منی نام ھم ھور انت . من اول ءَ بھمنتاں یک کلگّے ءِ پیشنماز چونک ءَ تھران ءَ لوٹائینگ بوتگ . دوم وشھال بوتاں دگہ کارے اگاں نبیت تھرانے چاریں ءُ چرپیں دپارے لپلاشت کنیں

شے جگردی : پہ بالیگراب ءَ تھران ءَ شت ات ؟
ملا لتر : تو دل ءَ بدار . پہ اتو مبوس ءَ مااش برت . کلنڈیں بسے ءَ ما اش سوار کت . بس چہ بلوچیں مولوی ءُ ملا ءَ دپ ءَ دپ ات. درست گوں اسپیتیں پاگاں ءُ دراجیں ریشاں . بس ءِ تاچینوک ملایے نہ ات بلے ریشی یے ات . دگہ سیھپاگیں شیعہ ملایے مئے ھمراہ ات کہ مئے رھشون ءُ وراک ءِبند ءُ بست کتگ ات. ھمااول ءَ کہ بس سرگپت مااش پہ کوکار ءُ سلوات ءَ ناچار کت . ھر پنچ دمان پہ پنچ دمان محمد ءُآل محمد ءُ شپ ءِ وھد ءَ معاویہ ءُ یزید ءِ بد رد گوشگ ھم ھور بوت. من وتی کش ءِ نشتگیں پیرین مولوی سُٹُک جت ءُ گوشت اے چونین کسّھیں ؟ من پارسی کلھُکے زاناں . مئے نُکّ ھشک بوت . اے چے گوشگ ءَ انت ؟ آئی ءَ پسہّ دات ھرچی آ گوش انت ما ھم گوشیں . شاہ ءِ زمانگ ءَ بلوچیں ملایاں چے رستگ ات . مارا تمن دیگ ءَ انت . پہ کوکار ءَ مارا چے بیت . ملایانی کار کوکار ءُ سلوات انت

آ دنیا ءَ اگان جست پرسے بوت ھدا وت آیان ءَ گریت .تو لچی داسی ملائے یے .من پسہ دات اے ھورانی اولی ترمپ انت . بچار باریں دیم ءَچے بیت . آئی ءَ گوشت ھرچی بیت بلیّ بیت تو اگاں دم برتگ چماّں چپت کن . واجھاں من گوں شما چے بگوشاں , تھران ءِ نزیک ءَ راھسری کاپہ یے ءَ ما اِش چلوکباب کوبیدہ وارینت . دپ ءَ سکّ وش ات انت . نیم ساھت چہ بس ءِ سرگرگ ءَ گوست گنداں مولوی ءُ ملا یکدگر ءَ چاران ءُ سوَڑَگ ءَ ات انت ءُ منی لاپءَ من ءَ اومان کت . من زانت آ ھم منی نادراھی ءَ گپتگ انت .بسیں دارائینت ءُ آ جاگہ مزنیں ڈنّ ءُ پٹےّ ات نوں بیا سیل ءَ چار , آ ریچکیں ڈنّ ءَ اسپیتیں پاگ ات کہ تچان ات .من کہ لاگریں ملایے اتان ترند تر تچان ءَ رِگتی پشتے ءَ مانتّرات ءُ نشتان .شے جگردی ءَ جست کت اچا گڈا آپ ھست ات ؟ آپ اشکر ات . ما پہ تیّمم وتی کار شرّ کت

واجھاں دلوش ,کینگی ءُ شے جگردی ما تھران ءَ سے روچ ءَ چہ جاہءَ پادیایگی نہ اتیں . بلے شاباش اش بات . مااِش دوا درمان کت . دگہ یک ھپتگے ءَ وشیّں وراک دات کہ من وتی زند ءَ چُشیں وراک نوارتگ ات . ما اش چِت ءُ ساٹت . یک آدینگ بزاں جمعہ ءِ مبارکیں روچ ءَ مزنین نماز ءَ شتیں . ما درستیں مولوی ءُ ملایان ءَ یک یک گِردیں گِلین مُھرے دات کہ ھمشی ءَ سُجد ہ بکنیں . من آ دگرانی بارو ءَ نزاناں بلے من آ گلیں مھر وتی کیسگ ءَ کت. رند ءَ خمینی ءِ ھدیرہ ما را پیش داشت ءُ اوداں ھم مااش ھما گِردیں گِل دات .وھدیکہ ملآ لُتر ءِ گپ پہ ادان رس ات آ سئیناں سَپت ءِ امب ھلاس کتگ ات انت . دلوش ءَپدا سیگارے بُندات ءُ مزنین باکارگ ءُ گارتگے جت ءُ گوشت : واجھاں دیم ءِ ھپتگ ءَ پدا ھمداں مئے دیوان بیت . کینگی ءَ جست کت واجہ ملا لُتُر شمے کیسگ اش گرم دات انت یا شمے مال ءُ متاہ ھما کباب کوبیدہ ءُ گلیں مھر بوت انت ؟ ھو ما بے ھِچّ نبوتیں بلے تمن اش مئے کماشیں مو لوی ءَ دات انت ما نزانیں چنچک اش دات

آ واجہ ءَ کمکلیرے مارا دات کہ چہ گوشگ ءَ نگوشگ گھتر انت . دگہ ھبرے کہ لوٹاں بگوشاں آا یش انت کہ ما درستاں دوئیں پاد یک کوشے ءَ کت انت کہ ما دگہ بس ءَ سوار نبئیں . مزنیں باواست ءُ جَھل ءُ بُرز ءَ چہ ھما داتگیں تمنان چیزے چہ ما پچ گپت ءُ بالیگراب ءِ بلیت ءُ ٹکٹ گپت ءُ دُزاّپ رسینت. چاریں چہ امب ءِ بن ءَ پاداتک انت . ملآ لتر ءَ گوشت من دست ھورک ءَ چوں لوگ ءَ برواں . چیزے پہ چکاں منی دست ءَ لونجان ببیت شرّتر انت . دلوش ءَ پسہ دات پروا مکن لانکی ءَ چہ امب ءَ پُرّ کن ءُ برو . بلے مہ شموش اے امب ھما مرد ئیگینت کہ ملایاں تاچینتگ ءُ یورپ ءَ دیدلی دالی جنگ ءَ انت .آئی ءَ گوشتگ ات کہ ملا چہ شاہ ءَ پہ بلوچاں گندہ تر بینت ءُ ھنچو ھم بوت. واجھاں مہ شموش ات دیم ءِ ھپتگ ءَ پدا ما ھمداں دیوان کنیں . بلوچ ,بلوچستان ءُ دنیاءِ دگہ چست ءُ ایرانی باروءَ گپ ءُ تران بیت

١۵جولای ٢٠٠٩ علی رئیسی

2009-07-12T12:42:00.000-07:00

وشگپّی یے گوں زرمبشتی سرمچاران

چوناھا من چار پنچ روچ ءَ نادراھجاہ ءَ کپتگان .نادراھی جگر ءُ پّپ ءِ نادراھی انت . دکتر گوش انت جگرشراب ءُ پپ سیگار ءَ وتی ھرجان جتگ انت . زی منی پجاّروکے منی گند گ ءَ آتک . من جست کت کامپیوترءُ دنیا ءِ ھال چی انت ؟ آئی ءَ گوشت : زرمبشتیاں تئی نادراھی ءَ گپتگ انت . من پسہ دات زرمبشتی شرابی ءُ سیگاری نہ انت بے بلا.آیانی جگر ءُ پپ پرچا ھراب بوتگ انت ؟ آئیءَ گوشت من دگہ چیزے گوشاں آیاں بلوچستان ءِ آزاتی ءِ جار پرّینتگ . من گوشت چہ اشی ءَ گھتردگہ چی بوت کت کنت

بھادّر ءُ سرمچاریں راج ءِ زرمبشتیاں شر بوت کہ شما منی ءُ نادراھیں ھوشنگ سرابندی ءُ ایدگہ آزاتی لو ٹوکانی رمب ءَ ھوار بوت ات . من شما را اے ھکّیں راہ ءِ یایگ ءَ مبارکبات گوشاں . اگان شما نشموشتگ من مدام شمے گوش ءِ سر جتگ سنگتآں آزآتی سنگتاں آزاتی . ءُ شما پسہ داتگ ات : دو مزنین تاکت مئے د شمن انت . ایران ءُ پاکستان ءُ مارا جن انت ءُ من شمارا گوشتگ ات ١٠٠ چریک مزنین ارتشے ءَ نابود کنت. چہ فیدل کاسترو ءَ سبک بزور ات کہ دومردم ءَ وتی باھند بنگیج کت ءُ کامیاب بوت انت

من چہ شمادزبندی کناں شمے اولی کار ایش انت کہ عبدآلمالک ریکی ءَ چہ بادشاھی لوٹوکاں پچ بگرات . اگاں شمااے کار ءَ کامیاب بوت ات , شمے باھند ءِ راہ ءِ نیم بُرّگ بوتگ . دگہ شمارا سلاہ ءُ ڈالر ءُ یک ریڈیو ءِ ھم سکّ زلورت انت. من ھور گوں وتی ناجوڈیاں گوں شما ھمراھاں . وت ءَ ڈّڈ بکن ات ءُ دیم ءَ روان ببئت

کدم کدم روان ببئت

دلیرءُ پھلوان ببئت
پہ شان مادر ِ وتن

سران وتی دیان ببئت
گلخان نصیر آزات بات بلوچستان

ٹکّر ٹکربات انت ایران پاکستان ءُ اوگانستان

علی رئیسی

2009-07-04T06:34:00.000-07:00

ایرانی پارسی ءَ منی تمن عبد اللہ پیشینی ءِ مسیت ءَ دزّ اتنت

سال ١٣۴۶ ھجری شمسی ات . من پھرہ ءَ کلاس ١٠ ءَ دبیرستان داریوش ءَ وانگ ءَ اتاں. گرماگ ءِ دزھورکی ءَ منءُ منی گھارءِ جود میّا کراچی ءَ شتیں . پاکستان ءَ ایوب خان دور ات ءُ ایران ءَ ھما سال ءَ محمد رضاشاہ ءَ تاج سر ءَ کتگ ات. منی زامات میا چہ کراچی ءَ مشکت ءَ شت ءُ من دیم پہ بلوچستان ءَ سرگپتاں . آ وھد ءَ پیشن ءَ مساپرھانہ نیست ات . یکّے ءَ من ءَ گوشت پہ وپسگ ءَ مسیت ءَ برو . باندات پُست ءِ ماشین پھرہ ءَ روت

من مسیت ءَ شتاں . اوداں دگہ مردکے ھم نشتگ ات کہ بلوچی پشک ءُ شلوار ات . وھدیکہ گپ ءَ لگّ ات من سرپد بوتاں کہ گجریں ءُ کراچی ءَ روگی انت .آئی ءَ راہ ءِ بارو ءَ چہ من ءَ جست پرس کت ءُ من آئی ءَ سرسوج کت. ھوا گرم ات , واجہ مولوی ءَ دو کمبل پہ ما آورت ءُ ما وپتیں . سھب ءَ کہ من چہ واب ءَ بُست کت پارسی گجر شتگ ات . مولوی صاحب ءَ لھتے تیموشیں نگن ءُ کتلے شیر چای آورت ءُ چہ من ءَ جست کت تئی ھمراہ کجا انت ؟ من پسہ دات آ منی ھمراہ نبوتگ . ما ھمداں تئی مسیت ءَ ڈیک وارتگ . من رگبند وارت ءُ دیم پہ پست ءِ ماشین ءَ شتاں

آ وھد ءَ ماشینراہ سرباز ءِ کور ءِ دلگا ہ ءَ ات . پھر ءَ ماشین ءِ واھند کہ ریکی ٹّک ءِ ورنایے ات ءُ نام بیبگر ات کریھاں گران بوت . من وتی کیپ پچ کت گنداں جاہ ھست ءُ جولاھگ گار انت . منی مال ءُ متاہ ٣۵ تمن ات کہ آ شپی مسیت ءَ کیپ وتی سر ءِ گور ءَ ایرکتگ ات . روسیاھیں گجر ءُ پارسی ءَ واجہ ءِ مسیت ءَ وتی دیم سیاہ کت ءُ منی ھزانہ جتگ ات . نوں گِل بیار ءُ ھشترک اڈ کن . من گوں لونجانیں لوساں وتی ءُ گجر ءِ ھال بیبگر ءَ دات . بیبگر ءَ پسہ دات تو دروگ برّ ئے . من سوگند وارت دروگ نبنداں منی ھزانہ پارسی ءَ جتگ . آ وھداں پیشن ءُ پھرہ ءِ کریھ ١۵ تمن ات . بیبگر ءَ گوشت جھندم ١۵ ءَ برو ھپت ءُ نیم تمن بیار . اگاں ناں من ترا پاسپان ءِ دست ءَ دیان . من گوشت منی ملک آسر دنیا انت . اداں من کس ءَ پجاہ نیاران . پجاّہ یارئے نیارئے ترا نیم کریھ دیگی انت آئی ءَ پسہ دات

من آ سال ءِ وانگی وھد ءَ نور محمد کدخدازادہ ءِ لوگ ءَ بوتگ اتان . نور محمد ءَ گاراج ءِ نزیک ءَ دکانکے ءَ گددوچی کتگ ات . پہ بزّگی ءُ شرمندگی آئی ءِدکان ءَ شتان ءُ وتی ھال آئی ءَ دات . نور محمد پادآتک ءُ دگہ دکانے شت ءُ ھپت ءُنیم تمن وام کت ءُ منی دست ءَ دات . ایش انت ایرانی ءِ تمدن ءُ فرھنگ

علی رئیسی

2009-06-30T10:25:00.000-07:00

آزات ءُ آباد بات گنجين بلوچستان گون

۲۲ خرداد (۱۲ ژوئن) ءِ گچينکاری يان ايردستين راجان ءُ زلم ديستگين مردمان شری ءِ سرا ديست که اے حکومت تان کجام حد ءَ چه توک ءَ مِنگتگ.هنون بيد چه جيش مهدی ، انصار حزب الله ءُ گنوکين زابلی يان دراهين دگنيا زانگ ءُ گندگنت که اے حکومت ءِ مستر ءُ سروکان مان سياسی ءُ اجتماعی- اقتصادی پڑان عاجز انت. رند چه پنامين گچينکاری يان خامنه ای ءَ آستونگان بِرچت انت ءُ مان ميدان ءَ دؤر کرت ءُ هما مردمانی کشت ءَ کوش ءِ حکم دات که تان زيين روچ ءَ آيی ءِ وتيگ اتنت

اے رستروڑين آخوند ءَ په کس پرواه نيست نئے مردارين خمينی تران کپيت ءُ نئے رفسنجانی ءِ هم سنگری ءِ لحاظ ءَ کنت ءُ نئيکه موسوی ءُ کروبی ءَ مان ياريت. همے داب انت واک ءُ قدرت ءِ تَب. همے پيم ءَ زالمين واکدار وتی کبر ءَ گون وتی دست ءَ جننت. اے زالم که وت ءَ را الله ءِ نمائنده ( استغفرالله ) زمين ءِ سرا زانت هزاران هزار نارازين تهرانی، اصفهانی، مشهدی، کرمانی، يزدی ءُ شيرازی یانی ديمان توه (تـُه) کرت. اے جناورين آخوند ءِ جلادين بسيجی اميددارين ماتے ءَ گون لاپی ءَ تير کت ءُ کشتنت. آخوندانی وت مان وتی جنجالان وتسرين خامنه ای ءِ واک ءَ نزور کنت. يک بتلــے پارسی ءَ هست که گشيت: مازندرانی تولگ ءِ حريف ما زندرانی سگ انت

آخوند په واک ءُ مال ءُ زر ءِ هاترا يکدگرا درّ درّ کننت. ايشانی بادشاهی ديم په زوالی ءُ گمساری روگ انت. هر چے نالائکين احمدی نژاد ءِ کماشی دؤر دراج کش تر به بيت آخوندانی اے زالمين سيستم ءِ دؤر لــُک تر بيت. بوت کنت که آخوندان گڈ سرا احمدی نژاد ءُ آيی ءِ کماشی ءَ په « نظام» ءِ رکينگ ءَ ندريگ بکننت. باز انت هژارين ! آخوند منتظری ءِ پيم ءَ که حکومت ءُ خامنه ای اش چه مردمانی ديم په ديمی ءَ مکن کرتگ.آهان هور گون مکارين رفسنجانی ءَ وتی سرمبان کمين آ کشتر هم چارنت

آ گهتر چه وتسرين خامنه ای ءَ وتی نپ ءُ پائدگ ءَ زاننت. په ما بلوچان هچ پرکے (فرقے) نه کنت که کجام آخوند ٹولی مان مرکز ءَ واکداری بکنت. په ما «همان آش است و همان کاسه». مئی دژمن تهران ءِ برباد کنوک ءُ کارهرابين مذهبی ـ فاشيستی ءُ غير مذهبی شونيسم فارس انت. که تان ابد مئی اير دستی ءُ گلامی ءِ واب ءَ گندگنت. هما سيستم که زابلی ءُ آدگه ڈنی مردمان آورتگ ءُ مئی ملک ءُ مردم ءِ مال ءُ هستی ءَ برباد کنگاينت

همے که مئی ملک اش وتيگی کرتگ ءُ مئی دراهين راجی، اقتصادی، اجتماعی ءُ سياسی حقان گون زور ءُ مکر پچ گپتگ انت. همے سيستم که مئے ملک ءُ مردم ءِ ديمروی ءَ اوشتارينتگ ءُ کوم ءُ ملک ءِ گهبودی ءِ ديمپان انت. آهان بلوچ کشی ءُ حکومت ءِ بنگيج کتگين شومين مذهبی جنگ ءَ مان بلوچستان نه اوشتاريننت. هما شيطانی مذهبی جنگ که خمينی ءَ په زانت یک برنامه اے سی سال پيسرا ءَ داتگ. اے باروا هدا مرزی مولانا عبدالعزير زوتر چه هر کس ءَ خمينی ءِ جند ءَ چه اے کاران مکن کرت ءُ يک ٹکرے ڈگار چه آيی ءَ لوٹت تان مسيتے په سنی يان مان تهران اڈ بکنت. بلے جڈالين خمينی وتی کورين اسپ ءَ تاچينت.هما کورين اسپ که هنون لـُچيين (مـُنڈين) خامنه ای ءِ سواری انت. بلے چه ايردستين مردمانی نيک بهتی ءَ آ کورين اسپ هنون هم پير انت ءُ هم لنگ

تهران ءِ آخوندی حکومت ءِ په زانتين سياست ءُ کارکرد ءِ باروا اوپارکشين مولوی نظر محمد ديدگاه بازگوشگی هست که اپسوز انت آيی دپ ءَ گرانين ءُ مهرين کُبلے اش جتگ. مذهبی جنگ آدگه جنگانی داب ءَ دوارسوچين جنگ ايت. حکومتے که صفوی دؤرءَ گهترين دور زانت بلوچانی عالم ءُ نيکراهی رهنما یان گيپت بے عزت کنت ءُ درنجيت. مان بلوچستان ءَ مسيتان لُمبينيت ءُ هراب کنت چه دگه نيمگے مان گِه ءُ هيدوچ ءُ واش ءِ کلگان «حسينيه» اڈ کنت. هبر گونڈ تان اے تهارپکرين حکومت هست انت آيانی بنگيج کتگين مذهبی جنگ ديما رؤت. تان تهران ءِ شيعی ـ فاشيستی سيستم هست انت مئئ بلوچانی زند جاور گنتر ءُ گنتر بنت. هما زابلی که گوستگين روچان مان تهران ءِ شهرءَ گون کارچ ءُ تير ءُ تپنگان تهرانی ياندرّ درّ ءُ ٹپی ءُ زدگ کرت انت مان بلوچستان ءَ هون ريچگ ءُ هونواری ءَ هيل کرتگ

آهان بے شمار بيگناهين بلوچ مان بلوچانی وتی ڈيه ءُ سرزمين ءَ کشتگ ءُ بيگواه کتگ. بلوچانی بيگناهی ءِ حق ادان رسترين شهرياری ءُ نورا ءُ زابلی يان جت که په خامنه ای ءِ اشاره ءَ تهران ءَمان شانت اِش . آ که زابلی يان تان اے حد ءَ شيرک کرتگ که بلوچستان ءَ وتيگ زاننت ءَ په آهان زرآباد ءُ سوران ءُ دشتياری ءِ زمينانی واهندی ءَ «سند مالکيت» اڈ کننت گون گنوکين زابلی يانی رستری ءَ مان تهران هور انت

اگان چه مان تهران، اصفهان، شيراز، يزد، کرمان، مشهد ءُ لهتين دگه شهر تنگ آتکگين مردم هور گون موسوی ءُ کروبی ءِ دوزواه پادآتکنت ءُ بازين کربانی اِش دات. باز کس ٹپی ءُ زدگ بوتنت ءُ دگهبازينے دستگر ءُ بندی بوتنت بلے آخوند خامنه ای ءِ رستری واک گون وتی سلهبندين جلادان درستان لٹ کٹ ءُ گٹ تروس کنگ انت.. هبرادان وَ نه اوشتيت ءُ ديمين وهد که هنونين جاورانی برود انت په ما بلوچان شرين موهے انت. اے حکومت که لانچتگ رند چه امام مهدی ءِ آيگ ءَ دگنيا ءَ بگيپت ءُ من جهان ءَ آيی ءِ ابدی نظام ءَ حاکم بکنت په يک ءُ دو چپيگ نه بيت. بلے پکار (لازم، زلوری) انت مردم وتی تياری ءَ گيشتر ءُ گيشتر بکنت. دگه آ دؤرگوستگ که بلوچستان ءِ کومی جنز ءُ زرمبش نبوتگين هبرے به بيت. يا که يک ءُ دو نپر ءِ بندوک به بيت

مروچی دؤر جهد کارين کومی هوربندانی دور انت. هما هوربند که چه مردمان وت به بنت ءُ زندگ به بنت. زندگين هوربند ءِ مانا ءُ بزانت ايش انت که کِرد اِش به بيت ، هشکين هبر ءِ دؤرهم گوستگ. دؤم ايش که گون نوکين ايماندارين ءُ سرمچارين باسک ءُ دوزواهانی نزآرگ ءَ وتی هوربندی رِدان بزتر ءُ گيشتر بکنت

اے کار بزان هوربندی چست ءُ اير ( فعاليت سازمان يافته ) بلوچان هنچين واکے دنت که تهران ءِ واکداران ناچار بنت بلوچ کوم ءِ وجود ءُ کومی حقان بمــنّ انت. بلوچ مکه ئين ماتان باز ورنا رودينتگ که گون زانت ءُ ايمانداری په بلوچ ءِ راجی حقانی پد جنگ ءَ په بلوچستان ءِ آزات کنگ ءَ سرين بندگ ءَ مهتل نه بنت. اے ورنا يانی نز آرگ گون دورچاری ءُ ذمه واری زندگين هوربندانی کار انت

پروشت ءُ پروش بات ايران ءِ شيعی ـ فاشيستی حکومت
آزات ءُ آباد بات گنجين بلوچستان

محمد کريم بلوچ

2009-06-29T09:42:00.000-07:00

من ءُ ایرانی ملایانی آشوب ۴
٧ تیر ١٣۶٠ ءَ بمب ءِ توار من اشکت

تیر ماہ ءِ اول سران ات کہ من ءُ ایسُپ اُزمان سابکزھی چہ ھیچان ءَ تھران ءَ شتگ اتیں .ءُھتل لالہ زار ءَ کریستال سینما ءِ دیم پہ دیم ءَ کوٹی یے کریھ کتگ ات . منی وسرک زھت ءُ آئی ءِ برات شیراز ءَ فوق دیپلم ءِ چکاسّی کلاسے وانگ ءَ اتنت . ما شور کت آیانی گندگ ءَ برویں . ما بالیگراب ءِ ٹکٹ گپت ءَ شیراز ءَ شتیں. آیانی وانگجاہ ڈّن چہ شیراز وش زید ءُ کوھستگی دمگے ءَ ات . ما تاکسی یے گپت ءُ اوداں شتیں . بلے ما چہ آیانی دیدار ءَ ناکام بوتیں کہ آ بلوچستان ءَ شتگ اتنت. ما پدا تھران ءِ چھر کنگ ءِ سوڑگ کت . ایران ءُ عراق ءِ جنگ ات . ما ھر ھتلے ءَ جست کت جاہ نیست ات . بالیگرابانی کارگس ءَ شتیں . آیاں گشت پہ پوشی بیگاہ ءَ شمارا ٹکٹ رسیت. آ وھد ءَ ما دوئیں تریاکی اتیں ءُ بس ءِ دوریں ترّتاب پہ ما مزنیں جنجالے ات

ما ٹکٹ گپت ءُ پدا مساپرھانہ گولِت انت . ماوتی کارت پیش داشت انت کہ وانینوک اں . گُڈ سر ءَ ارم مساپرھانءِ مستر ءَ ما را گوشت کہ شپ ءِ ساھت دہ ءَ من شمارا یک کوٹی یے دیاں . ما وتی کیپک آئی ءِ امانت کت انت ءُ شیراز ءِ سیل ءَ درکپتیں . مئے اولی چیز تریا ک ءِ درگیجگ ات . منی ھمراہ ءَ پیش ءَ شیراز دیستگ ات بلے منی اولی چکّر ات . بل اشی ءَ ءُ بگر آئی ءَ ما سرپد بوتیں کہ گنوکین شیخ صادق خلخالی شیراز ءَ آتکگ ءُ کُشگ ءُ ریچگ ءَ انت. تریاکیاں ھم گرگ ءُ درنجگ ءَ انت . . ما باز جا ھ ءَ شتیں بلے تریاکی چو جِّن ءُ بسم اللہ ءَ گار اتنت . اولی شپ ءَ تریاکی واب کپیت . آشپ ما گوازینت . ایدگہ روچ ءَ خافز ءُ سعدی ءِ ھدیرہ چارت انت ءُ دومی شپ پہ جاندرد ءُ پادرد ءَ گوازینت ءُ بالیپٹ ءَ شتیں . و ھدیکہ تھران ءَ سربوتیں پدا لالہ زار ھتل ءَ شتیں . آ ھتل ءَ تریاکی مردکے کار ءَ ات ءُ پہ تریاکیاں آورتگ ات . پدا مئے بھت ءَ بچار کہ آ مردک بیگاہ ءَ لوگ ءَ شتگ ات کہ سھب ءَ پدا کیت . نوں گِل بیار ءُ ھُشترک اڈّ کن . مئے لوس چو درتگیں بوٹانی لوساں لونجان بو انت

.ما دواھانے ءَ کدیمال گولی لوٹ ات . آئی ءَ مئے بلوچی پچّ چارت انت ءُ پسہ دات کدیمال چھبار ءَ باز انت . ما گوں ھشکیں گوشاں ھتل ءَ چھرکت. ما پہ سارتیں آپ ءَ جان ششت ءُ تھتکانی سر ءَ تچک بوتیں . ھور کمک کمک رچگ ءَ ات کہ اناگت ءَ مزنیں توارے مئے گوشاں کپت . پنچ دمان ءَ رند آمبولانسانی پیک پاک چِست بوت . دانکہ سہب ءَ ما واب نکپتیں ءُ آمبولانسانی پیک پاک گوش داشت ءُ نیم ساھت پہ نیم ساھت جان ششت. بامدپ ءَ من ھتل ءِ دپ ءَ شتاں . روزنامہ کیھان ءِ یک تاکے چاپ بوتگ ات کہ حزب جمھوری اسلامی ءِ کارگس ءُ دپتر گوں بمب ءَ سرچیر کنگ بوت . تریاکی مردک آتک ,ما وت ءَ چت ءُ شّر کت ءُ ڈن ءَّ درکپتیں . بازیں مھلوکے چہ میدان بھارستان ءِ نیمگ ءَ دیم پہ پلاسکو ءِ ماڑی ءَ روان ءُ بنی صدر ءِ ھلاپ ءَ کوکار جنگ ءَ اتنت . یکےّ ءَ اسپیتیں پیلگے گون ات ءُ گوشتی بھشتی ءِپادءِ ڈیھَلُک انت کہ پشت کپتگ . ١٢٩ مردم مرت انت ءُ رند ءَ گوشت اش کہ ٧٢ انت

کوسگیں ھاشمی رفسنجانی آ رمب ءَ ھم ھور بوتگ بلے پنچ دمان پیش چہ بمب ءِ ترگّگ ءَ چہ اوداں درکپتگ ات.. پیشی بلوچاں گوشتگ سے مردم ءِ ھمراہ مہ بئت ءُ چہ آیان بترس ات . ھُردکدّ , زاگُل چمّ ءُ کوسَگ . باریں اے رند ءَ کوسگیں رفسنجانی ملا خامنہ ای ءِ سر ءَ چُلّ ءَ کنت یا نہ . پرچا کہ ھمے مرد ءُ احمد خمینی ءَ خامنہ ای ولایت فقیہ کت

علی رئیسی

2009-06-24T12:31:00.000-07:00

لنگیں انگریز

دنیا ءِ ھر مردمے ءِ سر لندن ءَ بکپیت آ زلور یکشمبے ءِ روچ ءَ ھائید پارک اسپیکر کورنر ءَ روت ءُ چہ اودءِ مچّ بوتگیں مردمانی گپّ ءُ تراناں وتی بالاد ءَ وشنود کنت. اداں ھر کس ھرچی دل ئے بلوٹیت گوشت کت کنت .جنگ ءُ چوپ ءِ اجازت نیست . چار پنچ پلیس اسپاں سوار انت اوداں اشتاتگ انت .دنیا ءِ درستیں رھدربرءُ بادشاھانی بارو ءَ گپّ ءُ تران ءُ ایراد گیری بیت .عشق ءُ عاشقی ءِ بارو ءَ ھم تران بیت . دنیاءِ کماشانی کارتون پیشدارگ بنت ءُ زلم ءُ زور ءِ بارو ءَ تران بیت.یک یکشمبے ءَ من اوداں شتگ اتاں یک سودانی سیاھیں مردے ءَ سعودی ءِ بادشاہ ایرجت ءُ گوشت آ ھروھد ءَ اداں کیت لندن ءِ پنچ استالیں ھوتل ءَ پنجاہ کوٹی کریھ کنت ءُ گوں وشرنگیں جنکاں نبوتگین کنت .آ پرچا مصر ءَ نروت ءُ وتی ریالاں اودءِ جنینان ءَ ندنت . سیھ پوشیں عربیں جنینے ءَ گوشت تو کچکے ئے . سودانی ءَ پسّہ دات من نریں کچکے اں ءُ تو مادگیں کچکے ئے

اداں سیاہاں وتی گلامی ءِ بارو ءَ گپّ کن انت.چنت سال ءَ ساری یک بلوچیں مولوی ءَ شیعیانی بارو ءَ گپ کتگ ات ءُ شیعیاں دیم پہ دیم ءَ زا داتگ ات ءُ گوشتگ ات کہ تو وھابیانی جاسوس ئے .لھتے گوشیت ھدا نیست . عیسائی جاک جن انت کہ عیسی پہ ھمے زوتان کیت. یھودی گوش انت راستیں دین مئیگ انت آدگہ درست دروگ انت

یکّے چہ ھنچشیں روچان کینگی بلوچ ھائید پارکءَ شتگ ءُ وتی چمد یساں درشان کنت
یکشمبے ءِ روتاپ ءُ وشیّں روچے ات ءُ کینگی بلوچ لندن ءِ ھائید پارک ءَ ا وشتاتگ ات ءُ اردو زبانے ءَگشتانک ءَ گوش دارگ ءَ ات .آئی ءَ گوں ترندیں شار شور ءَ گوشت :ما انگریز چہ وتی ملک ءَ تاچینت , مروچی ما وتسر ءُ آزاتیں .سِندی کشمیری ءُ بلوچ چے لوٹنت . ما آیانی زبان ءَ چہ بن ءَ کشّیں کہ مروچی سُرپُر کنگ ءَ انت. پیریں انگریزے ءَ کہ لٹّے دست ءَ ات ءُ لنگ جنان ءَ چہ ھما نزیک َءَِگوزگ ءَ ات دیم گوں سیلچاریں کینگی ءَ کت ءُ گوشت : اے مردک مُپت ھدا وتی گُٹّ ءَ برگ ءَ انت . دنیا ءَ دنیگ ءَ مئے بادشاھی انت .پاکستان ءِ درستیں جھل ءُ برز کنوک انگریز ءِ سیاست ءُ امریکہ ءِ زور ءُ تاکت انت . لاگروسک ءُ ھڈیّیں جناح ما اودءِ قائد کت . بی بی سی ءُ امریکہ ءِ توار ھر نیمگے ءَ وتی شاھیم ءِ پاسنگ ءَ گرانتر بکن انت اودءِ سرپد ءُ ناسرپد ,وانندہ ءُ ناوانند ہ , سیاستدان ءُ شپانک کدیم واریں پس ءِ ڈول ءَ چھرورانت. ضیا ِالحق ءَ تو وَ بلّ . مشرّف کئے ءَ بادشاہ کت ءُ پدا کئے ءَ درکت . دُزّیں زرداری کہ ھشت سال ءَ مشّرف ءَ بندیگ کتگ ات ءُ آئی ءِ گند کشتگ ات انت ,ھمے دزّ کئے ءَ پاکستان ءِ صدر جوڈ کت؟ روس کئے ءَ پروشت ءُ ٹکّر ٹکّر کت

بن لادن ءُ القائدہءُ تالبان کئی اڈ کتگین انت . تالبان ءُ یک چمّیں ملا عمر کئے ءَ جت ءُ روسیاہ توسیاہ کت انت. کئے ءَ صدّام چہ کویت ءَ تاچینت. کئے ءَ صدام چہ ھونڈ ءَ کشّ ات ءُ دار ءَ درتک . ایران ,اوگانستان ءُ پاکستان کئے ءَ جوڈینت انت . ناوانندہ ءُ اسپ چاروکیں رضا کچل کئے ءَ بادشاہ ءُ پدا موریس ءُ اپریکہ ءَ دور دات . محمد رضا کئے ءَ تاچیت . ملاّ خمینی گوات ءَ آورت ءُ بادشاہ کت ؟ قدافی کئے ءَ گُنگ کتگ . دگہ ھبرے ترا گوشاں ,لنگیں انگریز ءَ دیم گوں کینگی ءَ کت ءُ گوشت: اگاں انگریز ءَ عرب ءُ گجرانی نپت ءُ گاز در مگتکین انت آیاں ھزاراں سال ھما ریکسراں ھشتر بتاچینتیں ءُ دیدلی دالی بجتیں ,آیاں زانتگ ات اے ریکانی چیر ءَ نپت ءُ گاز ھست ؟
مروچاں ملا حامنہ ای انگریز ءَ مزنین ھبیس گوشگ ءَ انت . آ وتی بُنگ ءَ گوں گوک ءِ کانٹ ءَ جنگ دیگ ءَ انت. ما آئی ءَ پیش داریں کہ چہ یکمن آرت ءَ چُنت چانگ درکیت

کینگی ءَ جست کت : بلوچانی بارو ءَ تئی ھیال چی انت؟بلوچستان شما سے بھر کت

انگریز ءَ پسہ دات تو بلوچے ئے؟

ھو من بزّگ ءُ درانڈیھیں بلوچے اں
پیریں انگریز ءَ مزنیں کندگ ءُ ٹھکے جت ءُ دپ کینگی ءِ گوش ءِ نزیک ءَ کت ءُ گوشت : شمے گلامی آسر بیگی انت . بلوچستان ءِ بھربھر کنگ چہ کمونیست ءِ ترس ءَ بوتگ . کمونیست ءِ دور کُٹّ ات . بلوچ پنجاپی ءُ پارسیانی دمب ءَ یلہ بدینت . وت پہ وتی کست ءُ کینگاں ھلاس کن ات ءُ تپاک بیئت . رودراتکی بلوچستان ءَ آزاتی ءِ جنگ دیما روان انت . بلے رونندی بلوچاں دموکراسی ءِ دمب داشتگ . اگان چہ گُربگ ءِ کونءَ گوھر کیمتی درکپت .گجر ءُ پارسی ءِ دمب ءَ دموکراسی درکیت . آزاتی ءِ کوکار ءَ جن ات . تانکہ نُنُک مہ گریت مات آئی ءَ شیر ندنت

لنگیں انگریز ءَ دست کینگی ءِ بڈّ ءَ جت , کوٹیں سر ءَ سُرینان بوت ءُ لنگو لنگو کنان ءَ وتی راہ ءَشُت

دلوش بلوچ

2009-06-18T11:04:00.000-07:00

اوباما ءَ سیاھیں مکسکے جت ءُ کشت . گوشکند

امریکہ ءِ سیاھیں رئیس جمھور ءَ سیاھیں مکسکے گپت ءُ دور دات. مروچی سُھب ءَ ١٧ جون ٢٠٠٩ءَبی بی سی ءِ تی وی ءَ پیش داشت اوباما گوں دگہ اسپیتیں مردے ءَ اسپیتیں ماڑی ءَ دیم پہ دیم نشتگ ات انت . مکسک ءَ اوباما ءِ چپ چاگرد ءَ چھر وارت .بھادُرّیں رئیس جمھور ءَ وتی گوش رُپ انت ءُ جھد کت کہ مکسک ءَ بگلیّنیت . بلے مکسک آئی ءَ نمرّینگ ءَ ات , گیشتر آئی ءِ سرءُ گوشانی نیمگ ءَ چھر وارت . ءُ گُڈ سر ءَ آئی ءِ چپّی دست ءِ پشت ءَ نشت. اوباما ءَ گوں راستی دست ءَ چھکّگ ءَ مکسک جت ءُ مکسک شھید کت ءُ دور دات . ءُ گوں چپّی پاد ءَ دور ءُگِستاہ کت . ءُ گوشتی اشی ءِ عکس ءَ بگِر . دورگند ءَ پیش داشت مکسک بے ساہ ءَ کپتگ ات . شیر ءِ شکار .اوباما ءُاحمدی نژاد ءِ پیم ءُ پوڈ یکّ انت . چہ اشاں یکے آپ بزوریت ءُ یکے توشگ , جنگلے ءَ بروانت . شادی لیب بدار انت ءُ مکسک بکش انت. اوباما ءِ اے کار بوش ءِ ترانگ ءَ پرینّیت کہ بگداد ءَ ھما مردک ءَ وتی کوش پہ بوش ءِ جنگ ءَ شانت انت بلے بھادّریں بوش ءَ سر جھل کت ءُ وت ءَ بچائینت. ھو امریکہ پہ تئی صدراں . ما بلوچاں وتی دل وش کتگ ات کہ سیاھیں رئیس جمھور ایرانی ملایان ءَ جنت ءُ بلوچستان آزات بیت . اے مردک کہ ویت ھاوس ءَ نشتگ ءُ مکسک گریت چہ اشی ءِ بردست ءَ ھور ءِ نشانی گندگ نبیت

ھما زمانگاں کہ من چہبا ر ءَ وانگ ءَ اتاں رجو نامیں مردے ءَ دکانے ھست ات . دکان ھنچنائیں دکانے ات . ریزُکی چیز مان ات . گراک نیست ات ءُ دکاّنُک ءَ پنکہ نیست ات . رجو دکان ءِ دپ ءَ نشتگ ات ءُ مدام مکسک پہ دست گپتگ ات ءُ پٹیّنتگ ات ءُ رند ءَ وتی دست بو چتگ ات

کینگی بلوچ

2009-06-14T03:41:00.000-07:00

کد کدين بيت کد هما باندات، من هما باندات ءَ اميت واران ١

ايران هما کشک ءَ روگ انت که يوگسلاوی شُت. یوگسلاوی ءِ صرب، ايرانی پارسی يانی داب ءَ سک مغرور اتنت ءُ آدگه راجانی وجود ءُ حقان اِش هچبر نه من ات. اے نوکين تاريخی تجربه پيش داريت که يوگسلاوی هنچو پروشت ءُ پروش بوت که گڈسرا صربان منت انت گون گوشان. سلوونيا، کرواسی، مقدونيه، بوسنيا ء ُ کوزوو يک په يک چه يوگسلاوی ءَ جتا بوتنت ءُ گڈ سرا مونتنگرو هم وت ءَ چه صربان ءِ اير دستی هلاس کت ءُ يوگسلاوی بوت صربستان. هنون هما ايردستين مردمان ، هر راجے ءَ وتی آزاتين ملک هست انت که گون وتی گچين کتگين دمگی کومی ديوانان ءُ حکومتان وتی ملک ءُ زند ءِ مستر وت انت. اے تاريخی بدلی رند چه بازين سالانی جنگ ءُ بيرانی ءُ هزاران انسان ءِ کشت ءُ کوش ءَ بوت که صربان ءِ سياسی ءُ فوجی سروک اصليگين مجرم ءُ مياريگ اتنت

تهران ءِ تهارپگرين شونيستانی زلم ءُ زوراکی يان هنچو چه حد ءَ گوستگ که سگگی نه انت. ايردستين کوم ءُ بنديگين راجان وتی حقان روچ په روچ گيشترپوه ءُ سرپد بيگا انت.. گون وتی راجی هوربندان وت ءَ را په آيوکين ءُ پر توپانين وهد ءَ تيار کنگ انت. مروچی تن تن لران هم که ايران ءِ دلگ ءَ جه منند انت لرستان ءِ وت واجهی ءِ گپ ءَ جننت

فاشيستين فارس پوره صربانی وڑ ءَ گون وتی انسان دژمنين فوج ءُ پاسداران ايردستين کومانی گٹ تروس کنگ ءَ کترهے مهتل نه بنت. ايران وڑين وڑين مسئله ءُ مشکلانی مزنين هنبارے ءِ پيم انت. هنچشين مزنين مشکل که بے حساب انت ءُ سک مانگيشتگ انت. تهران ءِ زالمين واکدار اے مشکل ءُ مسئله یان گيش ءُ گيوار کت نه کننت. مروچی دراهين اڑ ءُ جنجال هر يکے بمبے ءِ وڑ انت که مان ايران ءَ سرجم انت. يک بمبے که بترکيت گڑا اے بلاهين بمب خانه بزان ايران چنڈ چنڈ بيت. دگنيا ءُ ايران ءِ سياسی جاور، کومانی اقتصادی بے وسی، گيشين مذهبی ءُ کومی زلم، ايرانی واکدارين شونيستانی جاهلی ءُ منفعت پرستی، فاشيستين آخوندانی وت مان وتی جیڑه يان، ايران ءِ بنديگين راجانی وجود ءِ نه منّگ ، کلپ ءُ دروگبند ءُ نالائکين احمدی نژاد ءِ بادشاهی دورءِ دراج کش بيگ ءَ گون چار ءُ بيچار، گشت کنون که آيوکين ۱۰ تان ۱۵ سالان مئی تاريخ ءِ هما نه شموشگی بهرے بيت که فارس وتی رستری ءَ گيشتر زاهر کنت

اگان صربان هزار هزار بيگناهين مردم يکجاه کشت ءُ مان يک کبرے چگل دات، فارس ءَ لکانی لک بيگناهين انسان ءِ کشگ ءَ پرواه نيست انت. پارس هما گنوکين شونيست انت که تن تن آهانی تبل هم گشنت « چو ايران نباشد تن من مباد...... بدين بوم ءُ بر زنده يک تن مباد» فاشيستين پارس ءِ عجيبين دليلان په بلوچ ءُ کرد ءُ آذری ءُ عرب ءُ ترکمن ءُ لرانی کشگ ءَ بازانت. جاهے ناسيوناليستی دليل یارنت ، جاهے مذهبی ءُ دگه جاهے جهاد ء گپ جننت ءُ ... مان بلوچستان ءَ اے درستين دليلان گون گنوکين زابلی يانی همدستی ءَ کاربند نت

البت تهران ء شيعی فاشيستين ءُ بلوچ دژمنين واکدار وتی مسترين شيطانی دليل ءَ چير دينت. آ ايش انت که درستين ايردستين راجان به پل انت ءُ مان پارس ءِ تگارلاپين شونيستانی کيسگان اير ريچنت. بلوچ ءُ کرد ءُ آذری ءُ عرب ءُ ترکمن ءُ لرانی درستين در آمدنی ءُ زران مان شيراز ،اصفهان، يزد، تهران ءُ آدگه پارسی شهر ءُ دمگان هرچ کننت. ايران ءِ زالمين حکومت بے عدالتی ءَهنچو بے حد کتگ که وتی لوت ءَ په درور يزد ءِ هشک ءُ هينارين زمينانءُ اصفهان ءِ بے آپين دمگان درچک کشنت ءُ جنگل اڈ کننت بلے لکانی لک بلوچ ءُ کرد ءُ عرب ءُ ترک ءَ نان په ورگ ءَ نيست. پارس ءِ دليل هرچے به بنت بلے ايردستين راجانی آزاتی ءِ ديمپان بوت نه کننت. اے زالمين حکومتی سيستم مان ايران ءَ مانگی وَ نهنت. پارسی يان چه صربان زوراکتر نهنت. وهدے که صربان په زور ءُ بيگناهانی کشت ءُ کوش ءَ يوگسلاوی ءِ لاش ءَ زندگ داشت نه کت گڑا پارسی هم هچبر نه تواننت ايران ءَ چه ٹکر ٹکر بيگ ءَ به رکين انت. ايران ءِ تباهی ءُ بهربهر بيگ تهران ءِ فاشيستانی کارانی بروردانت. هما روچ دور نه انت که ايران به بيت يزد ءُ کرمانءُ کاشان. گڑا وت گهتر زاننت که وتی ملک ءِ نام ءَ پرشيا ( فارس ستان) بکننت يا ولايت عجم

بنياتی گپ ايش انت که اگان هر کومے ءَ وتی تياری به بيت دگه اے فارس ستان يا ولايت عجم هچبر پدا ايران بوت نه کنت. ما بلوچان ءَ هم په چشين تاريخی روچان تياربيگی انت. په باندات ءِ وشاتکی ءَ وت مستری ءِ دور ءِ بنگيجی ءَ تياری لوٹيت.. بايدانت هچ دمانے ءَ زوال مه کنين. ما را نوکين دورے بنگيج کنگی انت وتی ملک ءَ وت دارگی انت. دگه کرمانی ، يزدی ، اصفهانی ءُ گنوکين زابلی يانی بادشاهی هلاس بيت ءُ بايدانت وتی پت ءُ پيرکی هند ءُ دمگان برترانت

اگان نازانتين ڈنی يان په رزا چه مئی گلزمين ءَ در به بنت په آهان وت گهترانت. گون تهران ءِ رسترين آخوندانی بادشاهی ءِ نزوری ءَ ڈنی يان وت چه مئی وطن ءَ تچنت. اے چيزے ات که مان ۱۳۵۷ ءُ ۱۳۵۸ ءِ سالان شری سرا گندگ بوت. اے باروا هم تياری لوٹيت که گنه کار ءُ بلوچ کشين ڈنی يان تچگ ءِ موه مه رسيت.آ بايدانت دزگر ءُ بندی به بنت تان بلوچانی ديما مان بلوچستان ءَ محاکمه به بنت . تهران ءِ تگارلاپين شونيستانی حکومت گون مردمانی پاد آيگ ءَ هاسکار ايردستين راجانی توپان ءَ هنچو نزور بوت کنت که آيانی سياسی نمائنده ءُ سلهبندين مردم باز جاگهان چوش که بلوچستان ءُ کردستان ءُ آذربايجان ءَ يله کننت ءُ تچنت. په چوشين وهدان مئی همک دمگ ءُ شهرءِ مردمان تياری لوٹيت .. گڑا بلوچ وت زاننت چون گون تپاکی ءُ يکوئی وتی ملک ءَ پچ گرنت. تهران ءِ نزوری ءِ دور په ملک ءِ آزات کنگ ءُ رکينگ ءَ چه فاشيستين پارسی يان ءُ زابلی يانی پليتين پنجگان، کيمتی ءُ بے درورين موهے انت

هلاس نه انت پروشت ءُ پروش بات ايران ءِ شيعی ـ فاشيستی حکومت
آزات ءُ آباد بات گنجين بلوچستان

۲۳خرداد ۱۳۸۸ بريبر گون ۱۳ جون ۲۰۰۹ محمد کريم بلوچ

2009-06-09T09:46:00.000-07:00

شراب (ترنداپ

شرابیانی نام ءَ

سُنّی مذھبیں عمر خیاّم ءُ راوندی ءِ گوشتن ءَ چہ جمشید ءِ خاندان ءَ خراسان ءَ باد شاھے شمیران ءِ نام ءَ بوتگ . یک روچے مُرگے پریات کنان آئی ءِ تھت ءِ دیم ءَ نند یت کہ مارے ءَ آئی ءِ گردن ءَ وت ءَ پتائتگ . گندگ ءَ مرگ وتی نجات ءَ چہ بادشاہ ءَ لوٹیت .شمیران ءِ بچّ بادام کہ چالاک ءُ زبردستیں تیر اندازے ات گوں پت ءِ اشارہ ءَ مارءِ سر ءَ گوں یکّیں تیر ءَ زمین ءَ دوچیت ءُ مرگ ءَ نجات دنت.یک سالے ءَ رند ھما روچ ءَ مرگ پدا کیت ءُ چیزے کہ دپ ءَ ات بادشاہ ءِ دیم ءَ ایرکنت ءُ بانگے دنت ءُ روت . وھدیکہ دیوان ءِ مردم چار انت چنت دانگ انتءُآیانی کشگ ءِ شور بیت . کشگ ءَ رند ھنگور رُدیت ءُ نیبگ دنت .کواس ءُ زانتکاریں مردم گوش انت اے نیبگ ءِ نپ ءُ سوت آئی ءِ آپ ءَ بوت کنت.باید انت کوزگے ءَ بپرنچیں ءُ چاریں باریں چے بیت . ھنچش اش کت

یکروچے باگپان ءَ گوں بادشاہ ءَ گوشت کہ کوزگ ءِ آپ چہ جُشگ ءُ پُکّگ ءَ آرام گپتگ ءُ ھنوں ساپ ءُ لسّہ چو یاقوت ءَ ترپگ ءَ انت. کواساں گوشت نیبگ ءِسوت ءُآسر ھمیش انت.بلے کس نزانت کہ اے کشوکیں زھرءُ یاکہ زھر ءِ درمان انت.پہ آئی ءِ چکاّس ءَ یک بندیگے ءَ کہ کوش ءِ سزا دیگ بوتگ ات آورت اش ءُ چہ آ آپ ءَ کدّھے آئی اش دات.تنگگ ءَ رند آئی ءَ وتی مورک مجیت بلے کمّے وھد ءَ رند دگہ کدّھے لوٹ ات.گوں آئی ءِ تنگگ ءَ وش شادان ءُ کندان بوت ءُ بے پروا چہ شاہ ءُ وزیر ءَ پاد آتک چاپ جت ءُ ناچ ءُ سُھبت گپت ءُ سوت جت . پدا سیمی کدّہ کہ تنگِت آرام بوت ءُ, گرانیں وابے ءَ شت ءُ دانکہ بامگواہ ءَواب ات. اے ڈول ءَ ھنگور ءُ شراب بزاں ترنداپ ءِ پجاّر بوت

ملایانی گوشتن پہ شراب ءَ
...................................
شیعہ مذھبیں مجلسی ءَ بحار الانوار ءَ نبیستگ : کہ حضرت آدم کہ چہ جنتّ ءَ گلینگ بوت ءُ زمین ءَ آتک آئی ءَ ٨٠ درچڪ ءِ شاھل گون ات کہ چہ آیانی نیمے پشت ءُ نیمے ءِ لاپیگ ورگی ات . دگہ گوالگی پُرّے چہ بازیں درچک ءُد ارانی تُھم ھم گوں وت ءَ آورت.ھنچو کہ ھنگور ءِ شاھل کشت شیتان ءَ تاووسے آئی ءِ بُن ءَ کُشت ءُ درچک ءَ تاووس ءِ ھون چوس ات. ھنچو کہ تاک جت شیتان ءَ شادکے آئی ءِ بن ءَ کشت ءُ ھنچو ھنگور ءَ بر ءُ نیبگ دات شیرے آئی ءِ بن ءَ سر بُرّاتءُ گڈ سر ءَ گرازے . پھمیشا شرابی مردماں اے چاریں جناورانی وڑ ءُ پیم ءَ انت.ساری ءَ دیم ءِ رنگ بدل بیت ءُ تاووس ءِ پیم ءَ جلوان دنت. وھدیکہ سراماز بیت شادُک ءِ پیم ءَ ناچ ءُ سھبت کنت. ھنچو کہ سرامازی چہ ھدّ ءَ گوزیت چھ شیر ءَ گُرّیت پہ جنگ ءَ لاکاریت. ءُ گڈ سر ءَ گراز ءِ پیم ءُ پوڈزاھر بنت وراک ءُ لنڈری ءِ واھگ درشان بنت ءُ گڈ سر ءَ وپسیت

روضتہ العلما اسپانک ءَ گوں نوح ءَ ھمگرنچ کنت
وھدیکہ نوح چہ بوجیگ ءَ ایرکپت درچک کشت ءُ تھم چنڈ ات . ھنچو کہ ھنگور کشت شیتان آتک ءُ آئی دم جت , ھنگور ھشک بوت .نوح دلگران بوت کہ اے ارزشداریں درچک پرچا ھشک بوت. شیتان آتک ءُگوشت ئے اگاں تو لوٹئے اے درچک پدا سبز ببیت من چنت گنگدام اشی ءِ بن ءَ کُشاں .نوح ءَ آئی ءِ ھبر منّ ات. شیتان ءَ شیرے پُشنزے کچکے روباھے تولگے ءُ کروسے آئی ءِ بن ءَ سر برّاِت .درچک سبز بوت ءُ شش رنگ پہ ر نگیں نیبگ دات . پیش ءَ یک نیبگے داتگ ات . شرابی اے ششیں جناورانی ڈول ءِ انت . چو شیرءَ دلیر چو پشنز ءَ گزبناک چو تولگ ءَ وت ءَ نجس کنت چو کچک ءَ دپ جنت روباہ ءِ ڈول ءَ مکر ءُ ھنر کنت ءُ ھنچو کروس ءَ بانگ دنت.پہ ھمیشاہ شراب پہ نوح ءُ آئی ءِ امت ءَ حرام ءُ نبکشادہ بوت .مجمع النورین تاکدیم ٣۵٣
محمد بن احمد توسی ءَ عجایب المخلوکات تاکدیم ٣٢٣ ءَ نبیستگ ; واجہ ھدا ءَ ھنگور مھتر آدم ءَ دات شیتان ءَ بد بُرت ءُچہ آئی ءَ دُزّات . مھتر آدم زھر گپت .دوئینانی میان ءَ جنگ مچّ اِت . جبرائیل توک ءَ کپت .نیمے اشی ءُ نیمے آئی ءَ دات .شیتان ءَوتی بھر کِشت ءُ آئی ءِ بُن ءَ مِشت (مس کت),سیاھیں ھنگور نیبگ دات , شراب ءِ ھنگور بوت پھمیشا جُشیت

وھدیکہ آدم زمین ءَ آتک . جبرائیل ءَ جُتکے گوک آورت کہ کشت ءُ کشار بکنت . گوک ءَ ھنگور ءِ درچک پہ دنتان گوتک .آدم ءَ مُشتے آئی ءِ دپ ءَ جتءُ گوک ءِ دنتان گونڈ بوت انت کہ ھچ چیزے پہ دنتان گوتک کت مکنت الاّ پہ زبان.گوک ءَ گریت ءُ چہ آئی ءِ چماں ارس ھولمب بوت . جبرائیل ءَ گوں آدم ءَ گوشت پہ ھنگور ءِ درچک ءَ دلگران مہ بو کہ سال پہ سال ءَ رُدیت ءُ سبز بیت ءُ ھمک سال ءِ سر ءَ شاھلانی سر ءَ بچن انت شرّتر سبز بیت ءُ گیشتر بر ءُ نیبگ دَ نت . عجائب المخلوکات

انگریز ءِ دکترانی پتءُ پول ءِ متابک ءَ آ گوش انت ھما مردم کہ زند اش چہ پنجاہ سال ءَ بُرز انت اگاں ھر روچ یک گلاسے سھرین شراب بور انت پہ دل ءَ سک شرّ انت ءُ آیانی عمر دراج تر بیت.ءُ اے روچاں گوش انت دو مزنیں گلاس بیر (آپجو) ھم سھریں شراب ءِ ھمدرور انت البت پہ پیرینان

ایران ءَ سرزاھری ءَ ترنداپ ءِ ورگ جرم انت ءُ شراب ءِ بھا سکّ گران انت کہ تھنا زرّدار پہ چیرکائی ور انت ءُ بازیں شیعہ ملا ھم پہ چیرکائی بلکیں ورانت . بلے ھیروئین ءُ تریاک ءُ چرس سرزاھر ءَ بھا بیت ءُ کیمت چہ سیگا ر ءَ ارزان تر انت .ملا چہ تریاکیاں ھچ نترس انت بلے چہ ترنداپیاں سکّ ترس انت

ھما مردم کہ پہ ستک دل نماز کن انت ءُ چہ بازیں سجد ہ ءَ آیانی انچگ ءَ گِردیں ٹِکّ چاپ جنگ ءَ انت آ ھم پہ شراب ءَ انچو وت ءَ دلسیاہ کنگ ءَ انت کہ جنت ّءَ شراب بہ ور انت ءُ جنتی حور ءُ گِلمانان گور امبازبکن انت .پہ منی ءُ خیاّم ءِ گمان ءَ آ بزگّ مپت کلّہّ زین وتی وھد ءَ ناسینگ ءُ وتی تاسپیں انیچگ داگ دیگ ءَ انت ,دوزہ ءُ جنتّ دروگے ءُ ٹگیّں ملا آیان ءَ رد دیگ ءَ انت
یک زمانگے من جی آر ملا ءِ دیوان ءَ نشتگ اتان آ واجہ ءَ گوشت : من شراب ءَ پہ اے ھاتر ءَ وراں اگاں آ دنیا ءَ جنتّی بوتاں اے دنیا ءُ آ دنیا ءِ شراب پرک ءَ چاراں کہ کتام وشتر انت ءُ اگاں دوزھی بوتاں پرچا وت ءَ اے دنیا ءَ چہ شراب ءَ زبھر ءُ ناکام بکناں

اشکنگ ءَ جی آر ملا ءُ علی عیسی باتیل ءِکوہ ءِ سر ءَ چہ پٹ پٹ ءِ سر ءَ کپتگ انت . علی ءَ بھکے نبوتگ ءُ جی آر ملآ ءِ مگون درشتگ ءُ دکتراں دوا درمان کتگ ءُ پلاتینے آئی ءِ مگون ءَ مان داتگ . امیت انت بلوچانی آشوبی شائر گیشتر زندگ با ت

علی رئیسی

Part 3 سومی بھر

2009-06-06T07:50:00.000-07:00

ایرانی ملا ءُ گوراگ

دومی بھر Part 2

2009-06-06T06:08:00.000-07:00

ایرانی ملا ءُ گوراگ

اولی بھر Part 1

2009-06-06T05:22:00.000-07:00

ایرانی مُلا ءُ گوراگ

2009-06-05T08:25:00.000-07:00

بلوچ ءِ شھمات شاہ حسین صفوی ءِ بنگوش ءَ

یک سالے چہ ملایانی آشو ب ءَ گوستگ ات . من گوں لھتے ھیچانی سنگتاں کہ وانینوک ءُ مدیر ات انت تِھران ءَ شتیں . گرماگ ءِ موسم ات . من کلنڈیں ماشینکے پہ بھا زرت ءُ دیم پہ بلوچستان ءَ سر گپتیں. شیعیانی بنجا ہ قم ءِ شھر ءَ سر بوتیں . ھوا سک گرم ات . من پلاستیکی گالونے زرت ءُ چہ نلے ءَ آپ ایر ریچگءَ اتاں کہ نیمہ زاتیں جنینے زادیان ءُ پیداگ ات . آئی ءَ گوشت ; او سگ عمری افگان قم ءِ آپ ءَ نجس مکن . من بلوچی پچّ ءُ لباس ءَ اتاں . من پسّہ دات من افگانے نیاں , بلوچے اں . آئی ءَ گوشت زردیں کچک تولگ ءِ برات انت . بلوچ ءُ افگان دوئیں سگ عمری انت ءُ آجری کپّے چت ءُ منی نیمگ ءَ شیمشان بوت .من نیمشلونکیں گالون زُرت ءُ دھدرکائی ماشین ءَ سواربوتاں ,برو کہ نروے. جنینک ءَ آجر مئے نیمگ ءَ مانبُرّ ات . بلے ما دور شتگ اتین . آ اوشتات ءُ ھنچشیں زا ءُ بد دیگ ءَ ات کہ کچک آیاں بو نچنت

وھد گوزان بوت ءُ من درانڈیہ بوتاں . کتاب ءُ کتاب وانی منی بندری ھیل بوتگ . یورپ ءِ سر بیگ ءُ گیشتریں کتابوانی ءَ من سرپد بوتاں کہ قمی جنین ءِ بُگز ءُ کینگ چہ کجا بوتگ
وھدیکہ صفوی حکومت ءَ شیعہ پارس ءِ رسمی مذ ھب کت , سنیانی کشگ ءُ گاردیگ ءِ چن ءُ لانچ بنگیگ بوت . پیش ءَ سنّی مذھب اودان رسمی ات . ھمے ڈول ءَ کہ مروچی ملا خمینی ءِ حکومت کنگ ءَ انت. بزان ایران ءِ رکیّنگ ءُ دارگ گوں شیعہ ءَ ھمگرنچ انت.بلے من گوشاں کہ ایران ءِ پرشگ شیعہ ءُ سُنیءِ جنگ انت

نوں بیاات آ دور ءُ مروچگیں دور ءَ چمشا نکے دئیں.ءُ اوگان ءُ بلوچ ءِ چپالگوش ءِ پد ءَ شیعہ ءِ گوش بُن ءَ چاریں
شاہ سلتان حسین ءِدور ات ءُ اصفھان ءَ حکومتی کنگ ءَ ات ءُ سنیّ ءِ نام سگ عمری ات .ھما بے واھُندیں کچک
اوگاناں گوں بلوچانی ھمراھی ءَ کرمان گپت ءُ سرانڈیل کت ءُ دیم پہ اصفھان ءَ سر گپت انت کہ شاہ حسین ءِ شا ھی بنجاہ ات

اوگان ءُ بلوچاں رند چہ کرمان ءِ لگتمالی ءَ دیم پہ اصفھان ءَ سرگپت انت
بلوچ ءُ اوگاناں ھپت ماہ ءَ اصفھان انگِّر ءُ دورہ کت .چہ بھارگاہ ءِ اولی روچاں تا کہ جوپاگ ءِ میانجین ءَ. رو آ ءِ راہ اش بست انت کہ وراکی چیز ملک ءَ نہ رس ات.اصفھان ءِ مردم ورد وراکی چیزانی ایر کنگ ءِ ھیلدار نہ اتنت. چہ شاہ عباس اول ءِ دور ءُ باریگ ءَ ھمک چیز وھد ءُ موسم ءَ ھست ات.مردمانی دل ءَ ھر وھد ءَ لوٹتگ ات چہ بازار ءَ زرتگ ات.اودءِ مردماں چہ چیز ءِ بازی ءَ ڈُکّال ءِ نام نزانتگ ات.پھمیشاآیاں اصفھان ءِ انگِّرءُ آئی ءِ آسر ھنچنائیں گپّے زانتگ ات

حزین لاھیجی کہ وت ھموداں بوتگ ,آ گوشیت ھما سکّتریں وھد ءَ کہ یک نگنے پہ چار پنچ اشرفی ءَ بھا بوتگ مردماں یکدگر ءَ کمک کتگ ات.ءُ ھچکس چہ شد ءَ نمرتگ ات.بلے گوں ورد ءُ وراکی چیزانی ھلاس بیگ ءُ ڈکالّ ارش ءَ مرگ ءِ ساھگ ءَ شھر ساھیل کت

زبدہ التواریخ تاجر ءُ زرداریں مردے ءِ سرگوست ءَ نبیسیت ; کہ مردماں گمان کتگ ات آئی ءَ وتی لوگ ءَ گندم ءُ دگہ وراکی چیر داتگ , بلے راستی ءُ ھکیکت دگہ ڈولے ات.آ دپتر ءِ نبیسوک محمد محسن کہ وت بادشاہ ءِ کاردار ات کہ ھر کجا ٹپّتگیں چیز درگیتکگ ات نیمے پہ سرکار ءُ نیمے پہ بومہ ءُ پاسگاھانی سپاھیگاں برتگ ات نبیسیت: نقشینہ بھاکنوکیں مردے ءِ لوگ ءَ کہ میدان شاہ ءَ دکان ھست ات شتیں. چیر زمینی کوٹی یے ءَ کہ آئی ءِ دپ مانچتگ ات ءُ دپ پہ گِل دونتگ ات , ما گمان کتگ ات کہ وراکی چیز مان انت دروازگ پچ کت ءُ تھ ءَ شتیں . اوداں ما چاردہ ٹاھیں گوالگ دیست کہ ھر یکّے تبریزی ١٠٠ من ات کہ پھتگیں ھِشتی (آجر) بمبلُکانی سر ءَ ایرتنت ءُ آیانی چیر ھالیک ات.چہ تھاری ءَ ما گمان کتگ ات کہ گندم ءُ آرت اش مان انت.پہ وش ءُ شادانی آیانی دپ ءِ پچ کنگ ءَ گلائیش بوتیں. گشئے خیبر ءِ کلات ما گپتگ ات. بلے مئے دپ چو درتگیں بوٹاں پچ بوت انت کہ گوالگ چہ عباسی سکّہ ءُ زر ّءَ پرّ تنت پہ.ناکامیں دلے ءَ گوالگانی دپ پدا بست انت ءُ چہ اوداں در کپتیں. بھمانگی دگہ گپّے ایش ات کہ لوگ واھُند بے وردی ءُ شُد ءَ کشتگ ات ءُ ھچکس اوداں نہ ات کہ آئی ءَ کلّ ءُ گورّ بکنت

کروسنسکی نبیسیت : وھدیکہ اصفھان ءِ انگرّ ءَ شول کشّ ات ءُ دراج بوت مردم ھر ءُ ھشترءُ رند ءَ کچک ءُ گربگانی گوشت ءِ ورگ ءَ دلگوش بوت انت . رند چہ انگرّءَ تاکہ سے ٣ ماہءَ بازار ءُ چارسوق ءَ نگن ,گوشتءُ کمکلیرے وراکی ھست ات ٣ ماہ ءَ رند ھر ءُ ھشتر ءِ گوشت بھا بوت . چنت روچ ءَ رند ھر ءِ کیمت ٢۵ تمن ءَ رس ات .چنت روچ ءَ رند ھر ءِکیمت ۵٠ تمن ءَ سربوت. چنت روچ ءَ رند ھر ھلاس بوت انت.ءُ کچک ءُ گربگ ءِ باری رس ات. یک روچے چہ فرانس ءِ ایلچی ءِ لوگ ءِدرآتکآں ءُ بالیوز انگریز ءِ لوگ ءَ روگ ءَ اتاں ,آئی ءِ کمپان ءِ دپ ءَ جنینے دیست اوں کہ گربگے گپتگ ات ئے ءُ کشگ ءِ جھد ءَ ات .گربگ ءَ آئی ءِ دست دپ جتگ ات ءُ ٹپّی کتگ ات کیرّکار ءَ ات . من جنین کمک کت. آئی ءَ گربگ ھلار کت.رند ا باری پہ بنیادمانی گوشت ءَ رس ات. چار ماہ ءَ رند مردماں انسان ءِ گوشت ءِ ورگ بنگیج کت.پنچ قصّاب پہ اے کار ءَ دزّگٹ اتنت کہ مردم اش گپت انت ءُ آیانی سر اش پہ ڈوک چُپتءُ بھا کت انت. تازگیں مردگ اوں دیست کہ بازار ءَ آیانی ران اش بُرّات ءُ وارت انت.لھتے مردماں چہ اے وڑیں جاور ءِ گند گ ءَ وتکشی کت

لکھارت نبیسیت : شد ءَ ھنچو پلیر کشّتگ ات کہ وھدیکہ یکّے مرتگ ات ھما دمان ءَ مردماں آئی ءِ جان ءِ گرمیں گوشت برتّگ ات , بےواد ءُ مسالہ بے پچگ ءُ گرادگ ءَ وارتگ ات ءُ گندہ تر چہ اشی ءَھر دیں چُکّ ءُ ننک اش دُزّات ءُ کشت ءُ وارت انت

ءُ کروسینسکی شاھدی دنت کہ مردے چہ شاہ حسین ءِ کاتباں ھر چی ھست ات گوں لوگ ءِ مردماں وارت انتءُ دگہ چیزے پشت نکپتگ ات کہ وتءُلوگ ءِ مردمانی کشگ ءِ پگر ءَ کپت . گُڈّی وراک گراست ءُ آئی ءِ تھ ءَ زھر مان کت ءُ لوگ ءِ مردمان ءَ وارینتءُ ارس ریچان ءَ گوشت : منی آزیزاں اے مئے گڈّی وراک انت . منی اوپار نروت کہ شما چہ شد ءَ بازار ءُ تنکاں بکپ ات ءُپہ بزّگی ءُ واری بمر ات.دروازگ اش بند کت ءُ درست پرزونگ ءِ سر ءَ مرت انت

نبشتانکے چہ ھلندی شرکتے ءَ بنام ھند شرقی ءَ پشت کپتگ نبیسگ بوتگ چہ گرانی ءُ ڈُکاّل ءِ سبب ءَ ھمک روچ بازینے چہ مردماں مرگا انت. ھمک تنک ءُ مزن راھاں بازیں مردمانی جون کپتگ انت.جون ١٧٢٢ عیسائی, ١١٣۵ ھجری قمری

دراجیں کسہّ ایں من اشی ءَ گونڈ گراں . شاہ حسین ءَ سیاھیں پچ گورا کت ءُ بازار ءَ سینگ جت ءُ کوکار کت . اصفھان ءِ دروازگ پچ کت انت ءُ شاہ حسین ءَ وتی شاھی تاج محمود اوگان ءِسر ءَ دات
بلوچ ءُ اوگانان شاہ حسین کشت ھشت سال ءَ کرمان یزد اصفھان شیراز قم تھران ءُ قزوین ءَ بادشاھی کت . محمد حان بلوچ ءِ باروا من پیش ءَ گوشت

باستانی پاریزی وتی نبشتانکے ءَ نبیستگ داں ھما وھد ءَ اوگاناں بادشاھی کت کہ بلوچ گوں آیاں ھور اتنت. وھدیکہ بلوچاں آیانی ھمراھداری یلہ دات ءُ دیم پہ وتی وتن بلوچستان ءَ شت انت ,اوگان ءِ حکومتی ھلاس بوت
نوں بلوچستان ءَ شیعہ ءُ سنیّ ءِ جنگ جاری انت ءُ شیعہ بلوچانءَ سگ عمری گوشگ ءُ کشگ ءُ درنجگ ءَ انت . شاہ حسین ءِ نُکسہ مئے دیم ءَ انت .بلوچ ءِ شھمات ءِ توار انت ءُ شیعہ کشگ ءَ انت . گجرستان باریں پہ کجا سربیت .کباب ءِبو تالان انت ,باریں ھر داگ کنگ ءَ انت یا دگہ

علی رئیسی

2009-05-21T14:06:00.000-07:00

سر گوست : علی رئیسی

من ءُ ایرانی ملایانی آشوب
٣

بھمن ١٣۵٨ اولیگیں رئیس جمھور ءِ گچینکاری
گِھ (نیکشھر

ساری ءَ ملایانی قانون اساسی ءَ گوشگ بوتگ ات کہ ایران ءِرئیس جمھور باید انت شیعہ ١٢ امامی ببیت.گھ ءِ گچینکاری ءِ پیتی جنکانی دبستان ءَ ات .آ روچی من ,محمد چاکرزئی ءُ چاکر چاکرزئی ءَ لٹّے لٹّے دست ءَ کت ءُ دبستان ءِ دپ ءَ اوشتاتیں . من ءَ وتاسے ھم گون ات . گھ ءَ پنچ شش ٹیرُکیں پاسدار ھست ات کہ چہ بلوچانی ترس ءَ چہ پاسگا ہ ءَ در نکپتگ اتنت . ژاندارانی متاہ ھر ءِ چَّل ات . آیاں گوشتگ ات کہ شاہ پدا کیت.ما گوں گھ ءِ مردماں گوشت اداں بلوچانی بے عزتی بیگ ءَ انت

بلوچ سُنّی انت. ھرکس پہ گچینکاری ءَ لاپ ءَ بپتریت ,ماآئی ءِ ٹانگاں پروشیں . کردستان ءُ بلوچستان ءِ دگہ لھ

ملکاں انتخابات ءُ گچینکاری تحریم ءُ مکن کنگ بوتگ ات . لھتے مردم دبستان ءِ دپ ءَمچ بوت انت , چہ لٹان ءُ وتاس ءِ گند گ ءَ پدا وتی لوگاں شت انت. گھ ءِ سیاھیں مولوی کہ رند ءَ مولوی سیہ پادُک ءِ نام ءَ مشھور بوت ءُ دنیگا ایرانی ملایانی دزبوج ءُ گلام انت ,بزاں عبد اللہ وحیدی فَر ءَ لھتے کوھی بلوچ کہ گجری بکشاتگیں وتی لندرور ءَ سوار کتگ ات دبستان ءِ دپ ءَ سر بوت . گوں مئے گندگ ءَ جست ئے کت اے لٹّ ءُ وتاس چے انت ؟ ما پسہ دات ھر بلوچے پا د ءَ دروازگ ءِ نیمگ ءَ تچک بکنت آئی ءَ چہ دوئیں ٹاگاں بے ٹانگ کنیں .ءُ وتاس ءِ ڪارپد اں ھر کس زانت. .مولوی ءَ لٹّ ءُ وتاس چارتنت ءُپسّہ دات ; ھدا ءَ شمارا جتگ. من گوں ورنائے ءَ گوشت واجہ ءَ بگِر ءُ بدار کہ سرسوجے کنان ئے . سیاھیں مولوی ءَ وتی پیریں ھمراہ دھدرکائی ماشین ءَ سوار کت انت ءُ چو دوت ءَ گار بوت انت

آ روچی ما دو سے ساھت ءَ اوداں اوشتاتیں ءُ گڈ سر ءَ مزنیں کبلے دبستان ءِ کمپان ءِ دروازگ ءِ دپ ءَ جت ءُ حاجی پیر بکش بجارزئی ءِ دکاّن ءِ دپ ءَ دیوان کت
ساھت دو ءَ تھران ءِ رادیو ءَ ھال دات کہ گھ ءَ مردمان پہ گچینکاری ءَ بے اندازہ ھجوّر کتگ. گچیکاری ءِ کاگدُک ءُ چِٹیّ ھلاس بوتگ انت. چہ دزّاپ ءَ ھلیکوپتر ے ءَ چٹیّ ءُ کاگدُک گھ ءَبرتگ. چشیں زارگیں دروگ مازند ءَ نہ اشکتگ ات

آ روچی ھلیکوپتر ءَ توبلّ ما پارسیانی کوریں کچکے اوداں ندیست. چہ ھما روچ ءَ من زانت کہ شیعہ چونین دروگ بند انت ءُ بُرّ انت. من وتی پشت ءِ درستیں پُھل چہ گجرانی ھمراھداری ءَ پروشت انت.آ گچینکاری ءَ بنی صدر اولی صدر ملایاں گچین کت .دوسال ءَ رند ملا خمینی ءَ وتی جوڈینتگیں صدر لگتے جت ءُ درکت. بنی صدر ءَ وتی بروت تراشت انت ءُ جنینی پچّ گورا کت ءُ دیم پاریس ءَ تتک ءُ شت

نوں منڈیں خامنہ ای پہ دھمی گچینکاری ءَ تاسانٹِّلو کنگ ءَ انت تاکہ نوکیں صدرے گچین بکنت.محمود احمدی نژاد,محسن رضائی , مھدی کروبی ءُ میر حسین موسوی ءَ وت ءَ چِنگ لِنگ کتگ

خامنہ ای ءَ وتی پسند ءِ صدر شش ماہ ءَ پیش گچین کتگ ءُاے درستیں ھارت پورت ءُ تاسانٹلو پہ ھوڈیں ایرانیانی ٹگیّنگ ءُ رد دیگ ءَ برجم بیگی انت. ھو کوریں ایرانی پہ تئی شیعہ پرستی ءُ ھوڈی ءُ بے پیکیں سرنائی ءَ
دلگوش ; وھدیکہ ملایاں وتی حکومت ءِپادک مُھر ءُ مزبوت کت انت منی دوئیں سنگت ھما لٹّی دوئیں چاکرزئی گپت ءُ بندیگ ءُ لٹ ءُ کٹّ کت انت .اے ھما وھد ات کہ من درانڈیہ اتاں ءُ شیعہ ملاّ ءِ ھمراھی نہ منتّگ آت. ءُ ھمآ سیاھیں مولوی دنیگا شیعہانی رند ءَ تچان ءُ کپنڈ وران انت

من ءُ شیعہ ملایانی آشوب ھلاس نہ انت ..........پدا گوں شما گپّ کنان

علی رئیسی

2009-05-15T05:32:00.000-07:00

محمد خان بلوچ ءُ ندرقلی چمّ کشّ

من وتی تاریخی ءُ دگہ نبشتانکاں مدام بلوچانی مجگاں سوھان کتگ ءُ راستیں ھبر گوشتگ کہ مروچگیں ایران رضا میرپنچ ءِ وھد ءَ جوڈینگ بوتگ تاکہ مروچگیں ورنا نسل چہ راستی ءُ درستی ءَ سھیگ ءُ سرپد
ببیت.پرچا کہ ایرانیاں دروگیں تاریخ پہ وت ءَ شوھاز کتگ ءُ نبیستگ

ایرانی یک مردکے ءِ سرءَ پھر بند انت کہ ایران ءِ مستریں بادشاہ بوتگ .بزاں نادرشاہ افشار . آ مردک نہ شاھے بوتگ ءُ نیکہ آئی ءَ پایتختءُ شاھی بنجاھے بوتگ. آ گنوک ءُ شدیگین ڈُنگ ءُ دزّے بوتگ

ھما وھداں کہ اوگان ءُ بلوچاں پارس ءِ صفوی حکومت ءُ بادشاہی چپی کت ءُ ھشت سال ءَ اوداں حکومتی کتگ ات , ندرقلیءَ خراسان ءِ ابیورد ءِ ملک ءَ وتی پت ءِ دکان ءَ پوست ناسی کتگ ات. آ وھداں ملکاں سیمسر ءُ ھدّات نبوتگ .ھرکس ءَ ملک ءُ کلّگے ءَ چپاول ءُ حکومتی کتگ.ھر کس ءِ زور گیشتر بوتگ ھما کلگ ءُ ملک ءِ مستر ءُ مھتر بوتگ . ندرقلی ءَ رمبے شُدیگیں مردم زُرت ءُ دُزّی ءَ دلگوش بوت .کاپلہ انی راہ بست ءُ پلپانچ کت ءُ چہ پت ءِ سوچن ءُ بندیکاں وت ءَ چُٹیّنت.آئی ءِ دُزّیں سنگت گیش بیان بوت انت

آ وھد ءَ شیراز ءَ محمد خان بلوچ حکومتی کنگ ءَ ات
مھدی استرآبادی کتاب تاریخ جھانگشای نادری ءَتاکدیم ٢٨٩ ءَ نبیستگ : گوں محمد خان بلوچ ءِ ھُکم ءَ ابوالفتح خان کہ پیش ءَ شوشتر ءِ حاکم بوتگ شوشتر ءِ کلات گپت. حویزہ ءِ شیخ ھم گوں آئی ءَ ھور بوت انت.کعبہ ءُ بنی تمیم ٹکّاں ھم گوں آئی ءَ ھور بوت انت ءُ دزفول اش وتی دست ءَ آورت

ندرقلی ءَ پہ محمد خان بلوچ کاگدے دیم دات کہ چو کہ من گند گَ اں تو بادشاہی ءِ واب ءَ گند گَ ئے ؟محمد خان ءَ پسّہ دات : وھدیکہ تو گوں دو سے ھزار افشار ءَ بادشاہ بیگ لوٹے , من کہ شست ۶٠ ھزار بلوچ ءِ سروکاں پرچا بادشاہی مکناں

نادر چمکشّ دیم پہ شوشتر ءَ آتک.ابوالفتح خان کشت ءُ شوشتر تاراج کت.ءُ گوں بیست چار ھزار سپاھیگ ءَ دیم پہ پارس ءَ شت کہ محمد خان بلوچ ءَ پروش بدنت. تھماسپ قلی چہ اصفھان ءُ اسماعیل خان خزیمہ چہ کھکیلویہ گوں آئی ءَ ھور بوت انت.محمد خان کہ شیراز ءِ حاکم ات گوں وتی پوج ءَ شولستان ءِ بند ءَ ندرقلی ءِ راہ بست. بازینے چہ ندرقلی ءِ سپاھیگان ءَ کشت ءُ دو ھزارچہ محمد خان ءِ تپنگی کشگ بوت انت.محمد خانءِ تپنگی ھما وھد ءَ کشگ بوت انت کہ شام ورگ ءَ اتنت

تھماسسپ قلی خان جلایر محمد خان ءِ رند ءَ کپت. محمد خان ھما شپ ءَ چہ باشت ءَ میمند ءِ راہ ءَ شیراز ءَ آتک وتی جنینان ءَ زرت چہ جھرم ءِ راہ ءَ دیم پہ لار ءَ سرگپت.جلایر شیراز ءَ آتک .شیراز ءِ کلات ءِ بلوچ ءُ اوگانیں نگھپاناں کلات آئی ءِ دست ءَ دات .ءُ آئی ءَ قاسم بیگ ءُ احمد سلتان کہ محمد خان ءَ بندیگ کتگ اتنت آزات کت انت
وھدیکہ محمد خان لار ءِ نزیک ءَ رس اِت یحیی خان بلوچ لار ءَ دیم دات کہ اودءِ مردم آئی ءِ پشداری ءَ بکن انت. کلات ءِ کوٹوال ءَ یحیی خان گوں ھمراھاں گپت ءُ بندیگ کت.محمد خان ناچار بوت کہ دیم پہ گرمسیر ءَ بروت. تھماسب قلی جلایر لار ءَ سربوت ءُ یحیی خان گوں ھمراھاں کشت

بیست شش شابان ءَ ندرقلی شیراز ءَ سر بوت . آئی اش ڈاہ دات کہ محمدخان گرمسیر ءَ رستگ
ندر قلی ءَ پہ تھماسب قلی پیگام دیم دات کہ وتی پوج ءَ فسا ءُ جھرم ءَ بِلّیت ءُ وت شیراز ءَ بیئت .تھماسب قلی ١٨ رمضان ءَ شیراز ءَ آتک ءُ آئی گوشت کہ پہ محمد خان ءُ احمد مدنی ءِ کوش ءَ وت ءَ تیار بکنت

سال ١١۴٧ قمری ءَ اے ھال پاشک بوت کہ تھماسب قلی ءَ خُنج ءُ عوض ءِ عربانی کلات گپتگ انت ءُ کمشک ءِ کلات دورہ کتگ. اوداں احمد مدنی ءِ حکمرانی ات, سیمقانی عربءُ اوگان آئی ءِ سپاھیگ اتنت.محمد خان بلوچ کہ دشت ءِ کلات ءَ ات چہ اےکار ءَ سھیگ بوت, آ پہ احمد مدنی ءِ کمک ءَ درآتک ءُ گوں ۵٠٠ مردم ءَ احمد ءِ کلات ءِ یک فرسخی ءَ اردو کت .تھماسب قلی گوں سپاھیگاں محمد خان ءِ نیمگ ءَ آتک ءُ بازیں سپاھیگ کلات ءِ چپ چاگرد ءَ ھشت . چہ دوئیں نیمگاں بازینے کشگ بوت ءُ محمد خان دیم پہ تیاب ءَ شت

شیخ احمد مدنی گوں کلات ءِ درستیں مردماں دزگِر کنگ بوتء ُ دیم پہ ندر قلی ءَ دیم دات انت کہ پھکان ءَ کشت
محمد خان بلوچ بوجیگے ءَ سوار بوتءُ جزیرہ قیس ءَ شت کہ اودءِ حاکم ھولہ ءِ عرب اتنت. ( قیس مروچگیں کیش ) انت

شیخ عراق ولد شیخ راشد کہ ھولہ ءِ پاگواجہ ات محمد خان گوں ھمراھاں نیم شپ ءَ ماں واب ءَ دزگر کت ءُ آسنین کپسے ءَ کت ءُاصفھان ءَ دیم دات. ندرقلی ءَ آئی ءِ بندیگ کتگیں مردم یلہ دات انت ءُ بازیں مال ءُ بکشیش آئی ءَ دات
محمد خان اصفھان ءِ عالی قاپو ءَ یارگ بوت ءُھموداں ندر قلی ءِ دیم پہ دیم ءَ آئی ءِ چمّ اش کشّ اتنت.ءُ بندیگ کت. محمد خان ءَ گوں بندیجاہ ءِ پانکپان ءَ گوشت کہ ھنجرے پہ آئی ءَ بیاریت . آ مرد ءَ ھنجرے وراکانی چیر ءَ کت ءُ بُرت. بندیگی ءِ سیمی شپ ات کہ محمدخان ءَ گوں ھما ھنجر ءَ وت ءَ کشت

نوں پہ اشکن ات دُّز ءُ مآلوار ءُ گنوکیں ندر قلی ءِ آسر ءُ تِرّ ءِ پد ءَ . آ مدام تچان پلپانچ کنان ءُ چمّ کشان ات کہ جنگلےءَ تیرے آئی ءِ گوش ءِ گور ءَ گوست . آئی ءَ شک کت کہ تیر آئی ءِ وتی بچ رضا قلی میرزا ءَ جتگ . وتی بچّ ءِ چمّ کشّتنت. نیم ساھت ءَ رند ھما دیوان ءِ درستیں نندوکانی چمّ کشّتنت کہ شما پرچا من ءَ نگشتگ کہ وتی بچّ ءِ چماں مہ کشاں .شما منءَ گِر ءُ دار بکتیں. چہ آ روچ ءَ رند چو ھڑّکئی کچک ءَ بوت

سال ١١۶٠ ھجری قمری ءَ یک شپے ءَ گوں وتی دزءُ ڈُنگیں سنگتاں قوچان ءِ دمگ ءَ شراب واری کت .آ دیوان ءَ کند کچول بوت .آئی ءِ سنگتاں ھور گوں آئی ءَ کند ات .ڈُنگانی پاگواجہ زھر گپت ءُ گوشتی شما منی دیم ءَکند ات باندات روٹک ّ ءَ من شمے راہ ءَ روشن کنان . آ سرپد بوت انت کہ گنوک ءِ ھمراھداری بسّ انت. گوں صالح خان افشارءِ سروکی ءَ ھما شپ ءَ چنت کس آئی ءِ تمبو ءَ پترتنت ءُ وشرنگیں ھندی جن ءِ کش ءَ آئی ءِ لنگ تاب دات انت ءُ گوں تیزیں تپرزینے ءَ آئی ءِ سر گڈّ ات

ایش ات بلوچیں سے تپنگدارانی; گلآم رضا حسین بُرّ, دکتر دشکی ءُ ملک توکی ءِ ھیرو

چہ آ واجھان دزبندی انت کہ چہ گریواسکیں شاہ ءِ بچلک ءِ رند ءَ بترّانت ءُ بلوچی ءِ مادنیں کشک ءَ بیاینت
ھرکس مان وتی آبند ءَ چوش انت کہ گروک ماں بند ءَ
سرمچار ءُ بھادرّیں محمد خان بلوچ ءِ یات زندگ بات

١۵ مئی ٢٠٠٩ علی رئیسی
.....................................................................................................................
پوستناس : پوست ءِ ناسینوک . ھما مردم کہ پوست رنگ کن انت .پوستان گوازاں ءُ رنگ کن انت, رند ءَ کوش ءُ پوستی جُبّہ ءُ کلاہ دوچنت.

2009-05-11T09:02:00.000-07:00

کوبا ءُ پیریں کاسترو

فیدل کاسترو ءِ زند چہ ھشتاد ءَ برز انت ءُ پنجاہ سال انت کہ امریکہ ءِ کش ءَ اوشتاتگ. البت اے روچاں گپّ ءُ ترانی نہ انت ءُ وتی برات رآئول وتی جاہ ءَ نندینتگ.ءُ وت تھت ءِ باھوٹ انت

فیدل کاسترو دھکانے ءِ بچّ انت . چہ ھاواناءِ شھدربرجاہ ءَ کازی گری ءِ سند گپت. گوں وتی سنگتاں سوت جنان ءَ آشوب کت ءُ جرنیل پاتیستا ءِ حکومت چپّی کت ءُ وت کوباءِ مستر ءُ مِھتِر بوت. وھدیکہ ملک ءِ سرمھار دست ءَ گپت ,بازینے چہ دژمنان ءُ وتی ھمسنگریں سنگتان ءَ ھم کشت . وانگ ءُ درمان دارگ مپتی کت. آئی ءِ وتی گوشتن ءَ وانگ ءُ زانگ ءُ کوبائیانی زند ءُ عمر چہ آئی ءِ ھمسایگیں ملکاں دراج تر انت .پیش چہ شوروی ءِ پرشت پروش ءَ روس ءَ کوباءِ شکر پنچ برابر چہ بُندری نہاد ءَ گیش زرتگ ات تاکہ کوبا کانٹ ءِ ڈول ءَ امریکہ ءِ دیم پہ دیم ءَ لِکّ ببیت. کاسترو دراج کشّیں گپءُ تران ءُ مِٹیگانی نام ءَ ھم مشھور انت .آ یک رندے ءَ١٧ ساھت ءَ گپّ ءُ تران کتگ . چنت رنداں گپ ءُ ترانی دیوانان بے ھوش بوتگ ءُ کپتگ. گوش انت کہ ۶٠٠ رند دژمناں لوٹتگ آئی ءَ بکش انت بلے چُٹتگ . پیش چہ تھت ءِ باھوٹی ءَ برے برے بسکتبال ءِ لیب کتگ ا

کاسترو ءَ دنیگا ھما چریکی ءِ ریش دیم ءَ انت ءُ بروت ھم نسائتگ انت . البت رنگش اسپیت ترّتگ. ءُ ھما چریکی پُچّ ءُپوشاک ءَ انت.ءُ سربازی کلاھے سر ءَ کنت

چنت سال ساری بی بی سی ءَ کاسترو ءِ چل پنچمی حکومتی ءِ بارو ءَ تامُر(فیلمے) پیش داشت کہ ورنائیں فیدل رستورانے ءَ رزان ءُ ھیران شودگ ءَ ات . رستوران ءِ منیجر ءُ مستر ءَ یک سھنے آئی ءَ پیش داشت ءُ آئی ءِ سر ءَ برآنز گپت کہ تو اے سھن شّر نہ شُشتگ . فیدل ءَ آ سھن کنورجاہ ءِ شیشگ ءَ جت ءُ درکپت .ءُ چہ ھما روچ ءَ پاتیستا ءِ ھلاپ ءَ پاد آتک .آئی ءَ بنگیج ءَ گوں یک دگہ سنگتے ءَ کوبا ءِ آشوب ءِ بُن ھشت ایرک

ایش انت لھتے مردمانی زند ھال
او منی میریں بلوچ تو باریں کدی پنجاپی ءُ پارسی ءِ گلامی ءِ چیلک ءَ چہ وتی گردن ءَلکوشے ءُ وت ءَ آزات کنے

علی رئیسی

2009-05-11T05:57:00.001-07:00

دعـــــــــوت بـــــه اتـــــحــــــــا د و هـــــــــــمـــــکــا ر یآزادیخواهان، روشنفکران،ادیبان،فرهنگیان ،مذهبییون و وطنپرستان بلوچ الان وقت آن رسیده که فکری برای آینده ملت بلوچ و بلوچستان بکنیم. دست در دست هم دهیم تا آینده ملت بلوچ و بلوچستان عزیز را بنحو احسن رقم زنیم. دوستان گرامی باید کدورتها ، کینه ها و اختلافات سیاسی را کنار بگذاریم و بسوی آزادی ، استقلال و خود آقایی خویش قدم برداریم. جوانان غیور و وطنپرست سآبغ اولین خشت این حرکت را بنیاد نهاده اند و آنها از شما دعوت بعمل می آورند که در این راه مقدس با آنها همگام شوید. سآبغ به تنهایی در حال حاضربدون همکاری شما ، قادر به هدف رسانیدن ملت بلوچ ، نیست. بطوری که همه شما عزیزان می دانید قطره قطره جمع گردد وانگهی دریا شود. متحد بودن ملت بلوچ ضامن پیروزی آن می باشد. تک تک شما نیروی بیهمتایی هستید و هر کدام شما توانایی منحصر بفرد را دارید که برای پیش بردن اهداف ملت بلوچ بسیار کارساز و مفید می باشد. ای آزادیخواهان، روشنفکران،ادیبان،فرهنگیان ،مذهبییون و وطنپرستان بلوچ بار دیگر شما را جهت خدمت به ملت بزرگوارمان فرا می خوانیم. بیاد داشته باشید که این یک فریضه ملی، مذهبی، شرعی و انسانی ، است. وهمه ما در مقابل تاریخ نسلهای آینده بلوچ مسئولیم. بیاید بخشی از تاریخ آینده بلوچستان باشید
سازمان آزادیبخش بلوچستان غربی ـ ســــآ بـــــغ
اپــــریـــــل

۲۰۰۹
www.voiceofbaloch.org

westernbalochistan@googlemail.com

2009-04-24T03:33:00.000-07:00

ایران اوگانستان ءُ عراق نہ انت ؟؟

اگاں اے جست ءَ چہ ایرانی شپانک یا شش ھپت سالی چُکّے ءَ بکن ئے .آ پسہّ دنت کہ ھو اداں ایران انت ءُ عرآق ءُ اوگانستان نہ انت

منی اے گپّ ءِ مراد ایش انت مروچاں ھما ایرانی کہ ایرانی ملاّیانی چانیگ وار انت ءُ ملایانی ھارت ءُ پورتاں اشکن انت,ءُ لھتے ڈنّ چہ ایران ءَ ملایانی دزبوج ءُ گلام انت ھم ھنچش گوش انت کہ اگاں امریکہ ایران ءِ سر ءَ اُرُش بکنت,ایرانی مھلوک امریکہ ءَ نیست ءُ نابود کن انت. من گوشاں پُشّ . پُشّ ھُد ھُد ءِ تُسّ ءِ توار ءَ گوش انت
من ھما یک دو بلوچاں گوشاں کہ یورپ ءَ نندوک انت ءُ ایران ءِ سُرنا دپ ءَ اںت . چہ ایرانیانی ترس ءَ سرڈھور ءُ درانڈیہ انت ,ءُ وت ءَ ایرانی گوش انت ,ءُ پہ ایران دوستی ءَ چہ پارسیاں دیما تر انت پہ .پارسی زبان ءَ کاسہ داگ تر ازآش اند

بلوچی ءَ گوش انت : مات ءَ نہ سُھت ماتوءَ سُھت. اے ھما بزگّیں بلوچ انت کہ انترنت ءُ پالتاکاں ,وتی وبلاگاں ,امریکہ ءُ اسرائیل ءِ رادیو تی وی ءَ پہ چار ڈالر ءَ گپّ ءُ ترآن کن انت ءُ وت ءَ بلوچانی نمایندہ ءُ جھگیر گوش انت . وتی چمّاں پچّ بکن انت ءُ دینا ءِ تاریخ ءُ راجدپتر ءَ بچار انت . پہ چار ڈالر ءَ شدیگیں پس ءِ ڈول ءَ پارسیانی رند ءَ مہ پیک انت ءُ مہ دود انت

دلگوش بدارانت :اولی جھانی جنگ ءِ وھد ءَ کہ دنیاءِ مسترءُ کماش انگریز ات ءُ عثمانی حکومت ءَ پروش وارتگ ات , انگریذ ءَ لوٹ ات کہ یک عربی مزنیں ملکے بجوڈین ایت . تھنا بگداد ءَ ھشتاد ھزار انگریز بگدادیاں کشت . گڈا انگریز ءَ حکومت آل سعود, کویت , عراق ءُ رند ترءِ امارات ,قتر ,بحرین جوڈینت

ھما دوران ءَ انگریز ءَ مزنیں لشکرے پہ اوگانانی گلام کنگ ءَ قندھار ءَ دیم دات .چہ آ لشکر ءَ تھنا یک مردمے پشت کپت کہ کشتگینانی ھال ءَ بہ بارت. اوگان ءُ روس ءِ جنگ ھچ کس ءَ نشمُشتگ.امریکہ ءُ آئی ءِ سنگتان گوں صدّام ءَ گوشت دانکہ سے روچ ءَ چہ عراق ءَ در کپ .صدام ءَ پسِّہ دات من عراق ءَ پیداگ بوتگان ءُ عراق ءَ مراں ءُ ھنچش ھم بوت .بگداد ءِ تاریخ ھزاراں سال گوں ھون ءَ نبیسگ بوتگ

نوں بیاات گجر ءِ تاریخ ءَ چمشانکے دئین

پارس ءِ حکومت شیراز ءُ صفویانی وھد ءَ اصفھان بوتگ ,آ ھم ترک ءُ قشقآئی ءُ لر بوتگ انت. صفوی شاھ حسینءِ حکومت دہ ھزار اوگان ءُ بلوچ ءَ چپّی کت ءُ ھشت سال ءَ اشرف ءُ محمود اوگان ءَ اسفھان ,شیراز ءُ تھران ءَ حکومتی کت . محمد خان بلوچ آ رمب ءَ ھور بوتگ . محمد خان بلوچ ءِ جنگ ءُ چوپ گوں پوزناسیں ندر قلی (نادر شاہ ) ءَ تاریخ ءِ مزنین چیدگے .اے بار وءَ من دگہ وھدے گپّ کناں

پیش چہ اسلام ءَ پاسارگاد ءَ رُمبُکے آس پرست ءُ مجوس ھست ات بزان زردشتی ءُ آ رمب ءِ مردمانی مال ءُ مڈّ ی , عزّت ءُناموس آس پرستیں ملّا بزاں مُگانی دست ءَ ات.عُمر ءَ مگانی تاسانٹِّلو ھلاس کت ءُ کشت انت . رمبُکے دیم پہ ھندوستان ءَ تتک ءُ شت انت. مروچگیں ایران چنت کرن ءَ عرب ,اوگان ,سلتان محمود , چنگیز ءُ تیمور لنگ ءِ پادانی چیرءَ بوتگ

انگریز ءَ رضا رضاشاہ کت ءُ ھنوگیں ایران جوڈینت . وھدیکہ دومی جھانی جنگ ءَ رضاشاہ ءَ ھیتلر ءِ پُشتداری کت , روس ءُ انگریز ءَ گربگ دو بھر کت . بی بی سی ءَ تھنا یک ھپتگے ءَ وتی دپ ایران ءِ نیمگ ءَ ترّینت , رضاشاہ دُزّ ءُ مالوار بوت .ھما آسنین مرد ءَ یک تیرے ھم نسراپینت . انگریز ءَ گپت ءُ لانچُکے ءَ سوار کت ,جزیرہ موریس ءُ افریکہ ءَ دور دات , ھموداں پہ روسیاھی ءُ چِنّہئی ءَ مرت . محمد رضا محمد رضاشاہ کت. محمد رضاشاہ ءِ وھد ءَ ایران ءِ مستر ءُ جھل ءُ برز کنوک امریکہ بوت

محمد رضاشاہ ءِ تاچینگ ءِ وھد ءَ امریکہ ءُ انگریز ءِ سفیراں وتی دست ءِ ساھت چارتنت بزاں تئی درکپگ ءِ وھد انت . آگوں گریتگیں چماں وتی بچک ءُ کُچِک زرتنت ءُ گریوان ءَ دیم پہ مراکش ءَ جھت شت.آئی ءِ ارتش ءَ کہ دنیا ءِ پنچمی پوج ات گیتے آئی ءِ دیم ءَ مُشت
ملّا خمینی مگربی ملکاں چہ عراق ءَ بڈّءَ جت ءُ پاریس ءَ برت. سوپ ءِ چیر ءَ نندینت , سرسوج کت , شیعہ مزھب ءِ بنیا دءَ پرانسیسی بالیگرابے ءَ سوار کت ءُ تھران ءَ آورت ءُ گوشت اش بختیار مُرگ توپان نَھنت, کاگدی سئیچکیں . بختیار تتک ءُ شُت ءُ ملاّ خمینی ھوڈیں ایرانیانی پاگواجہ کت

مروچی کہ لنگیں خامنہ ای ,بے ریشیں ملا رفسنجانی, دراج گوشیں خاتمی ءُ شادی ایں احمدی نجاد کوریں ایرانیانی پاگواجہ ءُ پیشونک انت باریں تانکدی اے تاسانٹِلو ءُ خیمہ شب بازی دیم ءَ روت . بلے اے گپّ گوشگی انت کہ ھر وھد ءَ بی بی سی ءَ وتی دپ ملایانی ھلاپ ءَ پچلکوشت ,ھوڈیں ایرانی ھما نیمگ ءَ چھر ور انت کہ تاسانٹِلو ءِ بند یک ھما نیمگ ءَ آیان ءَ چھر بدنت

دنیاءِ سرمچار ءُ بھادرّں بلوچاں دنیا بدل بیان انت. روس پرشت ءُ شُت . یوگسلاوی چنت کشور بوت . دگہ بازیں ملک جوڈ بوت . پہ وتی ماتیں وتن بلوچستان ءِ آزاتی ءَ پاد بیا اِت . بلوچان ءَ گوں آزاتی لوٹوکیں آزری ,کرد ,ترکمن ءُ عربان ءُھمے پیم گوں رودرآتکی بلوچان ھور ءُ تپاک بیگ لوٹیت

ھما مردم کہ گوش انت ایران اوگانستان ءُ عراق نہ انت شّر گوش انت. من اے سئیں ملکانی بارو ءَ گپُّکے گوں شما گوشت. رند ءَ اے بارو ءَ گیشتر گپ رپ کنیں

ھما بلوچاںءَ کہ پارسی ءُ پنجاپیانی چانیگ وار انت رسوا بکن ات

علی رئیسی

2009-04-24T03:09:00.000-07:00

برو ملا یے بیا ر

گوشکند

چار بلوچیں کمونیستیں ورنا چہ ایرانی ملایانی ترس ءَ شپ جاہ ءُ روچ جاہ اتنت

یک مگرب تھارے ءَ کلگّے ءَ کیھدا ءِ مھمان بوت انت
وشاتک ءُ درھبات ءَ رند ,کیھدا ءَ وتی ورنائیں بچّ توار کت ءُ گوشت : سومار برو ملایے بیار

ورنایاں یک دگر ءَ چارِت ءُ پہ اشتاپی کوشانی پاد کنگ ءَ دلگوش بوت انت

کیھدا ءَ پہ ھیرانی ءُ دلگرانی جست کت کوشاں پرچا پاداں کنگ ءَ اتاں ؟
ورنایاں پسّہ دات : ما چہ ملایانی ترس ءَ درپہ در ءُ ھاک پہ سریں .ءُ تو مارا ملا ءِ دست ءَ دیگ ءَ ئے . شاباش تئی بلوچی دود ءِ میارجلّی ءَ

کیھدا ءَ پسّہ دات : من آ ملایاں نگوشاں . منی بجّ پہ اسپیتیں مُرگے ءِ یارگ ءَ شتگ

علی رئیسی

2009-04-17T04:11:00.000-07:00

٢١ آپریل نمیرانیں سید ھاشمی ءِ ودی وھد

٢١ آپریل ١٩٢۶ پہ بلوچ راج ءَ نیکیں روچے ات کہ ماں گنجیں گوادر ءَ سید ھاشمی ودی بوت.سید ھاشمی سید محمد ھاشمی ءِ زھگ ات. آئی ءَ عربی ءُ پارسی چہ وتی پت ءَ دربرت انت.آ وھد ءَ گوادر عُمان ءِ دست ءِ چیر ءَ ات . سید ھاشمی ءَ چہ گوادر ءِ سعید یہ وانگجاہ ءَ عربی ءُ انگریزی ءَ وت ءَ پُھتہ کت.بیست سال ءِ ورنائی ءِ وھ دءَ پہ راج ءِ دیمروی ءِ ھاتر ءَ انجمن اصلاح بلوچان ءِ نام ءَ دیوانے جوڈ کت . ماں اردو زبان ءَ ھالتاکے درکت کہ آئی ءِ نام جد ءُ جھد ات. گوادر ءِ والی ءَ پہ ھمے ھالتاک ءِ نیمون ءَ مدتّے گپت ءُ بندیگ کتءُ چہ گوادر ءَ درکپگ ءِ ھگم دات

سید کراچی ءَ شت ءُ انگریزی زبان ءَ گیشتر وانت ءُ دربرت. پاکستان ءِ جوڈ بیگ ءَ پد کراچی شنگجاہ (ریڈیو ) ءَ بلوچی مراگش شنگ کنگ بنگیج بوت ءُ سید ھمے کارگس ءَ ھور بوت. اے کارگس ءَ بلوچی ءَ کار کنگ ءِ سبب ءَ سید بلوچی لبزانک ءِ نیمگ ءَ دلگوش گور بوت. سال ١٩۵٠ ءَ یک لچّھی دیوانے ءَ یک لچّھے نبیس ات ءُ اے آئی ءِ اولی دستونک ات.سال ١٩۵٣ ءَ ایدگہ زباندوستانی ھمراھی ءَ یک گلّے بلوچی زبان ءِ سرچمّگ ءِ نام ءَ ٹھینت.پیش ءَ سید ءَ اردو ءَ لچَہ ڪاری کتگ ات .سال ١٩۵۴ ءَسید ءُ بلوچی زبان ءِ نامداریں ندکار واجہ عبد الصمد امیری ءَ بلوچستان ءِ ترّ ءُ تاب کت ءُ بلوچی زبان ءِ پٹّ پول ءُ چندہ کت

آ سرباز ,گنداوگ ( کسرکند) ءُ گِھ ءَ ھم شت انت. کراچی ءِ واتر ءَ سرچمگ ءِ سنگت وت ماں وت ءَ ھمتپاک نبوت انت سید ءَ کراچی یلہ دات ءُ دیم پہ مزن ھور ءَ شت.آئی ءَ وتی زند ءِ مزنین بھرے بحرین مشکت ءُ عرب امارات ءَ گوازینت ءُ پہ بلوچی زبان ءَ کار کت. ھموداں رنج ءِ ناجوڈی ءَ گپت ءُ بحرین ءَ بُرّ ءُبرین بوت. سستگین دستونک سیدءِ اولی کتاب انت کہ ھما وھدی چاپ ءُ شنگ بوتگ. بلوچی زبان ءِ اولی ناول نازُک سید ءَ نبیستگ. بلوچی زبان ءِ اولی لبز بلد ( دکشنری ) سید گنج سید ءِ بازیں سالانی جد ءُ جھد ءِ آسر انت کہ سید ھاشمی اکیڈمی ءَ کراچی ءَ چاپ ءُ شنگ کتگ .بلوچی سیاھگ ءِ راست نبیسگ یکّے چہ سید ءِ کتابانی نام انت کہ پہ بلوچی ءِ راست نبیسگ ءَ شریں رھشونیں. بلوچی زبان ءُ ادب کی تاریخ ماں اردو زبان ءَ بلوچی زبان ءِ جوانیں پٹّ پولی کاریں . سید ءَ ٢١ کتاب بلوچی زبان ءَ نبیستگ ءُ آئی ءَ وتی زند پہ بلوچی زبان ءَ ندر کت

۴ مارچ ١٩٧٨ ءِ روٹکّ ءَ سید ءَ ماں کراچی ءِ لیاری ءَ اے کوڑ ئیں دنیا یلہ دات ءُ شت ءُ وت ءَ نمیران کت . دانکہ بلوچ , بلوچی ءُ بلوچستان ھست سیید ھاشمی زندگ انت . سید ھاشمی ءِ مُدیمی وابجاہ میوہ شاہ ءِ گوّرستان جان آبادءِ رودراکی کش ءَ انت

بے وساں دست ءَ چہ مال ءُ سر شتگ

گوں منی ٹپّیں دلءَ دلبر شتگ
پتّراں پُلیناں پیچ ات مجلس ءِ
شپ چراگ ءُ ماھ ءِ ھمدرور شتگ
مرگ شومان انت کہ ارواہ منی
ھانُل ءِ ھمراھی ءَ پیسر شتگ
..............

سید وتی نبشتانکے َءَِ گوشیت : چہ مئے نزوری ءَ ایمن مہ بئت ,کہ اے گپّ ءَ ھر کس زانت ,کہ پیل گوں وتی مزنی ءَ ,مورے

ءِدست ءَ بیران بیت

یک دگہ جاگھے ءَ بلوچ راج ءَ باھند ءِ سکین ءَ دنت ءُ گوشیت:
تئی آزمان ءَ ھم روچ ءَٹِّک کتگ
بلے بھمنتگاں
کہ انگت ھم تئی دست گرگ لوٹیت
............

بند ءُ ماتکوہ ءُ تیھران درّان ءَ رواں
منزل ءَ برّ ءُ بیدھا ں سوچان ءَ رواں
دژمن ءِ ھونان پہ مڑا تنگان ءَ روان
یا دگہ سُھریں مادنے رندان ءَ رواں
...................:

گُل ءِ ملگوراں مسک ءُ امبریناں
کناں یات ءُ وتی کُلّ ءَ زریناں
زھیروں بیت پِر بنداں دو سے گال
اگاں بے گم بباں ٹپّاں کُدینآں
منی کُلّ ءِ چراگی ءَ بہ منّ ئے
ترا چہ ملکموت ءَ ھم زھیناں
من ءَ بسّ انت وتی لسّاہیں آھوگ
میارات پمن گوراں ماھلیناں
ترا مرچی پہ بانوری بگناں
بلے بیامن ترا وت سمبھیناں
....................

بے شک سید ھاشمی بیستمی کرن ءِ گُڈسری پنجاھیں سالاں یک شھد گالیں لچہ کارءُ بے دروریں ند کاریں.آئی ءَ بلوچی لبزانک ءَ یک نوکیں آشوبے آورتگ ءُ بلوچی شاعری ءَ نوکیں زندے بکشاتگ .راج دپتر اے ھبر ءِ گیشّ ءُ گیوار ءَ وت بکنت کہ سید زندگ انت یا مرتگ ؟
مُرتگاں ھانُل بیڑ پہ تو بُرتگ سکیّاں
کولیگ آ روچانی سید دراہ ءُ زندگ ات

...............................

سید ءِ یک شاگرد ءُ مکتبی یے کہ نا م ئے اسماعیل مُمتاز انت ءُ بحرین ءَ نندوک انت ءُاشکنگ ءَ مروچاں سے پاد ءَ ترّگ ءَ انت , سید داد ءِ بنیات ایرکتگ ءُ ھمک سال ءَ سے بلوچ ند کار ءَ کہ جوانتریں آزمانک نبیس انت سید داد دنت . امیت انت واجہ گیشتر زندگ بات ءُ آئی ءِ پاد ھم دراہ بات. واجہ مُمتاز بلوچی زبان ءِ لچّہ کار ءُ ندکاریں

علی رئیسی ١٧ آپریل ٢٠٠٩

2009-04-14T11:03:00.000-07:00

ایران کدی ءُ پرچا جوڈینگ بوت ؟؟

پیش چہ رضا کچل ءِ بادشاھی ءَ ایران دنیا ءِ نکشہ ءَ اے ڈول ءَ نبوتگ .بلوچ , کرد .آذری , عرب , ترکمن , لُر ,خراسانی ءُ تپرستانی ءُ گیلانی وتی ھند ءُ دمگانی وتواجہ بوتگ انت

وھدیکہ عیسائی سال ١٩١٧ ءَ روس ءَ کمونیستانی باھند ءُآشوب بوت .انگریز ءُ یورپی ملکاں پہ کمونیست ءِ دیم ءِ دارگ ءَ کہ چار اسپی دنیا ءِ چار کنڈ ءَ تچان ات مروچگیں ایران ءِ جوڈینگ ءِ سوڑگ کت کہ روس بلوچستان ءِ گرمیں زر ءَ سر مہ بیت.آیاں احمد شاہ کہ پارس ءِ ١۶ سالی بچلکے ات ءُ آیانی دست ءِ چیر ءَ ات لندن ءَ برت ءُ ناوانندہ ءُ پھوالیں رضا کہ پوج ءِ اسپ چارینوکے ات پوجی کمانڈرے کت .تھران ءَ آورت ءُ بزّگیں احمدک ءِ تھت ءَ نندینت ءُ بادشاہ کت

لورن کہ آ وھد ءَ انگریز ءِ سفیر ات پہ انگلستان ءِ وزارت خارجہ ءَ نبیس ات : سال ١٩٢١ ءَ کہ پارس ءَ یھتاں ملکی جاور ءُ ھالت سک نگیگ ءُ ناآرام انت . کلنل محمد تڪی خراسان ءَ حکومتی کنگ ءَ انت.سمیتکو ءَ آزربایجان دست ءَ گپتگ .میزا کوچک خان ءَ گیلان ءَ باھند کتگ . ترکمن وتسر انت.کُرد گوں سمیتکو ءَ ھور انت.لُر بختیاری ءَ . قشقائی صولت الدولہ ءِ دست ءِ چیر ءَ انت .خمسہ ءِ عرب قوام الملک ءُ محمرہ ءَ شیخ خزعل حکومتی کنگ ءَ انت.دوست محمد خان بلوچ بلوچستان ءُ سیستان ءَ بادشاھی کنگ ءَانت. ما باید انت رضاشاہ ءِ پشتیبانی ءَ بکنیں ءُ پارس ءَ تاکتور بکنیں

آ وھد ءَ میرزا کوچک خان تپرستان ءُ گیلان ءِ رئیس جمھور ات ءُ آئی ءِ پایتخت لاھیجان ات.اقبال السلتنہ ماکو ءَ حکومتی کنگ ءَ ات

اسماعیل سمیتقوءَ آذ بایجان ءِ رونندی دمگ گون ات
ایل شکاک ءَ کردستان
لرستان لرانی دست ءَ ات

ترکمنستان ترکمنانی دست ءَ ات
ھزارہ ءُ زعفرانلو ٹکّاں گوریچانی خراسان دست ءَ گپتگ ات
بختیاری اصفھان ءَ حکومتی کنگ ءَ اتنت
قشقائی پارس ءَ
شیخ خزعل محمرہ ءُ عربستان
سرگرد لاھوتی آذربایجان ءَ حکومتی کنگ ءَ ات

ایلات ممسنی ,درہ شور , دشتی, ءُ بویراحمدی وتسر اتنت

رضاکچل ءَ گوں ھمایانی رھشونءَ کہ باشاھ اش کتگ ات اے راجانی حکومت ءُ بادشاھی یک یک ءَ پہ رپک ءُ پندل , پہ جنگ ءُ چوپ یآ کہ پہ قرآن ءُ سوگند ءَ آیانی مستر تھران ءَ لوٹائینت انت , بندیگ کت انت ءُ کشت انت . اے ڈول ءَ ایران بزاں گُربگ جوڈینگ بوت. بلوچستان آھری دمگ ات کہ گربگ ءِ بھرے جوڈ بوت

دوست محمد خان قرآن ءَ رد دات . رضا کچل ءَ قرآنے امضا کت ءُ پہ دوست محمد خان ءَ دیم دات . آ قرآن سرگرد نخجوان ءَ آورت . اے ھما وھد ات کَہ دوست محمد شاہ ءَ چہ دزّک ءُ پھرہ ءَ پروش وارتگ ات ءُ سرباز ءِ کلات ءَ ات . رضا کچل ءِ پہ قرآن ءَ سوگند وارتگ ات کہ من بلوچستان ءَ جتائیں ملکے منّان . بیا من ءُ تو قرارداد بندیں .بلوچانی بزّگیں شاھ ءَ رد وارت . اسلام ءُ قرآن ءَ رد دات .البت آئی ءِ پیریں پت علی محمد خان ءَ گوشت گجر ءِ سوگند ءُ قرآن ءِ رد ءَ مہ ور. گجر چارپادیں

بزگّیں بادشاہ ءَ پت ءِ پنت ءُ سوج نزرتنت . گڈ سر ءَ پت ءَ گوشت من اے مردک بزاں نخجوان ءَ ھمداں داراں . اگاں تو اش کشت ما اشیءَ کشیں . دوست محمدخان گوں چنت مردم ءَ تھران ءَ شت ءُ نخجوان سرباز ءِ کلات ءَ دارگ بوت. اودان باز عزت ءُ احترام اش کت . رضاکچل ءَ گوشت بلوچستان ءِ آزاتی ءِ سند ءِ امضا کنوکاں یکے ھما منی کمانڈر انت . تو پہ وتی پت ءَ بنبیس کہ آئی ءَ آزات بکنت. وھدیکہ رزوائیں نخجوان تھران ءَ سر بوت . رضا کچل ءَ گوں بلوچانی بزگّیں بادشا ھ ءَ گوشت : بلوچستان ءِ دیدار ءَ پہ گدارے بگند ئے . بیا اداں دزھت بکن کہ بلوچستان ایران ءِ بھرے

دوست محمد حان ءَ سرکچ وارت کہ دین ,قرآن ءُ اسپ دُزّیں کچل ءَ وتی کار کت . چنت ماہ ءَ اوداں دارگ بوت .دوست محمد خان بھمن ماہ ءِ آھری روچاں کہ سال ١٣٠٧ ات تھران ءَ گون وتی ماشین ءَ شتگ ات . ١٩ آبان ١٣٠٨ ءَ گوں ھمراھان ءَ پہ شکار ءَ ورامین ءَ شت انت . سرپاسپان محمد علیخان اش کشت ءُ دیم پہ ورامین ءَ سرگپت انت تاکہ اوگانستآں ءُ بلوچستان ءَ بروانت. ماشین ءِ بنزین کٹّ انت ءُآ پیادک ءَ رونت. رضا کچل سیم ءُ تار کنت . ءُ دی ماہ ءَ سمنان ءِ دمگ ءَ دزگِر کنگ بوت .گوشنت کہ یک کلگے ءَ روت ءُ آ کلگّ ءِ واھند وت یاگی یئے بیت . آمردک آیان ءَ شام دنت . وھدیکہ واب کپنت سپاھیگاں ھال دنت , دوست محمد ءُ آئی ءِ ھمراھاں واب ءَ دزگِر کن انت . رند ءَ رضاکچل ءَ آ یآگی بکش ات

٢۶ دی ماہ ١٣٠٨ شمسی ءَ دوست محمد خان تھران ءَ دار ءَ درنجگ بوت ءُ بلوچستان ءِ گلآمی ءِ کروس ءَ وتی بانگ دات. اے روچ بلوچ ءُ بلوچستان ءِ سیاھیں روچ انت

رندچہ بلوچانی قرآن جتیں بادشآہ ءِ کشگ ءَ بلوچستان ءِ درستیں میرُک ءُ نوابُکاں وتی شلوار تاں کونڈاں لانچ انت , تچان ءُ کپنڈ وران ءَ دیم پہ گجرستان ءَ شت انت . گجرانی دست چُکّ اتنت ءُ سر جھل کت انت

بلوچستان ءِ سر مچار ءُ بہادرّیں بچاّں بلوچستان ٨١ سال انت کہ درامدیں ایرانیانی لگتانی چیر ءَ انت . پہ وتی وتن ءِآزاتی ءَ پاد بیا ات ءُ درامداں چہ وتی گلزمین ءَ بتاچین ات. ھُنچو کہ شمے سرمچاریں برات ءُ گھار گوں پاکستان ءِ حکومت ءَپہ وتی آزاتی ءَ جنگ ءَ انت

پرشت ءُ پروش بات انت ایران ءُ پاکستان

آزات بات مزنین بلوچستان

علی رئیسی

2009-04-10T14:17:00.000-07:00

بلوچستان ءِ پلین شهیدان ءَ هزاران سلام

یک برے پدا مئی مکهین مات سوگیگ بوتنت، یک برے پدا مئی کسانین تبل چوره بوتنت ءُ مئی هاتونین گهار جنوزامی سیاهین گُدان گورکت. یک برے پدا مئی گلزمین ءِ کسان ءُ مزن هون گریوگ انت. بلوچستان پدا مان اے بهارگاهی روچان سوگیگ بوت ءُ اے رند ءَ سئے ترپناکین استار بلوچستان ءِ آزاتی ءِ شهیدانی کاروان هور بوتنت. مئی سئے زانتکار ءُ کلانین راهدربر ءُ رهنما پاکستانی حکومت ءِ تروریستانی رستری کینگانی آماچ بوتنت

گون بے حدین دلپدردی ءَ گندگین که مئی راجی کماش ءُ رهدربران ، مئی پلین زانتکارین بلوچ براتان دیم هونانی بوتنت. اے شهیدان بلوچستان ءِ کومی جد ءُ جهد ءِ هما شیر مردین بلوچ انت که گون ایمانداری ءُ پهکدلی، زانت ءُ اوپار بید هچ ترس ءُ بیمے ءَ
گون زانت ءُ سرپدی ءِ سلاه ءَ بلوچستان ءِ کنڈ کنڈ ءَ رژن ءُ زانتکاری تالان کنگ ءَ اتنت.. هزاران اپسوز انت که دگه وش بیانین شهید غلام محمد گیشتر درین بیان دات نکنت ، دگه تجربه کارین شهید شیر محمد ءِ شیری جزبگ هاموش بوت ءُ پهته کارین شهید لاله منیر بیگواه بوت

مان پاکستان ءِ بلوچ دژمنین ملک ءَ ما هچ بر امن ءُ امان ندیستگ ءُ هنون کار په اودان یهتگ ءُ سر بوتگ که هر وهد پاکستانی رسترین چیروکائی اداره ءُ پاکستانی جلادین فوجی به لوٹنت مئی کماش ءُ رهدربران گرنت، بے عزت کننت ءُ کشنت ءُ شهید کننت. مئی زانتکارین رهدربرانی شهادت پدا اے گپ ءَ پدر کنگ انت که بلوچستان ءِ په زورهور دارگ مان پاکستان ءَ مئی زند ءِ بدحالی ءُ ناامنی ءِ بُندر انت

مئی تجربه کارین رهشونانی یک ترمپے هون چه سد پاکستان ءَ کیمتی تر ءُ باارزش تر انت. بلوچستان ءِ پلین شهیدان ءَ هزاران سلام پروشت ءُ پروش بات پاکستان آزات ءُ آباد بات گنجین بلوچستان

۹ اپریل ۲۰۰۹ محمد کریم بلوچ

2009-04-10T14:12:00.000-07:00

تهران ءِ شیعی ـ فاشیستی حکومت عاجز انت

اگان چه هشتاد ءُ یک سال چه رونشتی بلوچستان ءِ زور برد کنگ ءَ گوستگ ءُ ایران ءِ جاهلین شونیستی واکدار بلوچ ءِ کومی حقان نه من انت بلــے بلوچستان ءِ مهلوک انگت ءَ گون سربلندی ءَ ایران ءِ حکومتی یانی دیم اوشتاتگ انت ءُ کومی جد ءُ جهد ءَ دیما برگ انت. ایران ءِ نظامی ءُ فوجی ءُ آخوندانی رسترین حکومتی مئی کوم ءِ وجود ءُ کومی حقان وَ نه من انت بلـے آهان گون عاجزی ءُ بزگی بلوچستان ءِ مهلوک ءِ کومی جد ءُ جهدان اے وڑ ءَ من انت

اسماعیل احمدی مقدم ایران ءِ رسترین فوجیانی مستر نوکین سال ءِ اولی روچان مان چنت انترویو گون ایرانی رادیو ءُ تلویزیون ءَ جار جت که همے سال ءَ ۲۰۰۰۰۰۰۰۰۰۰۰ تومن بزان دو سد میلیارد تومن په بلوچستان ءِ سیمسر ءِ بندگ ءَ هرچ کنگ ءِ برنامه هست انت. آ گوشت که مان گوستگین سال ءَ کساس ۴۰۰ سلهبندین جنگ گون اشرار، شپکی یان ،تروریستان ءُ ڈنی ملکانی اجنت مان بلوچستان ءَ داتگ

ایران ءِ رضایی نامین رسترین فوجی مسترے گون عاجزی ءُ په نادلکشی ءَ مان انترویوے گون ایسنا ءَ منّ ات که بلوچان یک سد تریننگ سنترءُ سلهبندی بنجاه مان رودراتکی بلوچستان هست انت ءُ بلوچان اودان وت ءَ تیار کننت ءُ ایران ءِ تها هلگر کننت ءُ پدا آ دیم بزان پاکستان ءَ رونت. اے جاهل ءُ بلوچ کشین رستر ءَ گشت که په سیستان ءُ بلوچستانءِ سیمسرءِ بندگ ءُ کنترول ءَ ۱۰۳۰۰۰۰۰۰۰۰ میلیارد تومن هرچ بوتگ که کم انت. دگه ۳۰۰ تان ۴۰۰ میلیارد تومن پکار انت تان سیستان ءُ بلوچستان ءِ سیمسرءَ به بندانت ءُ امن به کننت. رادان نامین رسترے که یکے چه ایران ءِ فوجیانی مستر انت مان انترویوے گشتگ ات که دگه تهمبل ءُ اوپار بس انت

بلوچستان ایران ءِ نا امن ترین بهر انت. چه انقلاب ءِ اولی روچان بگر دان مروچی ۲۰۰۰ سرباز، فوجی، پاسدار ءُ بسیجی مان بلوچستان ءَ کشگ بوتگ انت. گنوکین رادان گشت که ایران ءِ پاسدار ءُ فوجی تیار انت که مان پاکستان ءِ تها بزان رودراتکی بلوچستان ءِ سیمسرءَ بلوچان رند به دینت ءُ پرشت ءُ پروش به کننت. زابلی یانی نماینده یان مان ایران ءِ ملایانی مجلس ءَ هم مان گوستگین ماهان بے توار نه بوتگنت پیرهپتارین شهریاری ءُ تولگین عباسعلی نورا دوئین چنت انترویو داتگ ءُ وتی بلوچ کشین سیاستانی پروش ءَ منّتگ ءُ اے دوئین جنایتکارءُ بلوچ کش که چنت سال انت هور گون روباهین سلیمانی ءُ بیدرین دهمرده ءَ بلوچانی زند هال چه جهندم ءَ گنتر کتگ، هنون دگران میاریگ کننت. رسترین احمدی مقدم ءُ گنوکین رادان ءُ عاجزین رضایی ءُ نمک بد حرامین شهریاری ءُ تولگین نورا زانگ لوٹیت که آهانی عاجزی په بلوچان سوب انت

آهان زانگی انت که آهانی پت ءُ پیروکان بزان امان الله جهانبانی، داورپناه، نخجوان ءُ ناوانندهین ءُ اسپ چارینوکین رضا شاه ءِ هزاران فوجی گون انگریزانی پلینڈی ءُ کمک ءَ مئی گلزمین زوربرد وَ کت بلے بلوچ کوم ءَ گار ءُ بیگواه کت نه کرت. بلوچ کوم ءِ توار روچ په روچ برزتر بیان انت ءُ بلوچانی برحقین جهد دیما روان انت ءُ تهران ءِ فاشیستانی عاجزی گیشتربیان انت

مئی هزاران مکهین مات ءُ هاتونین گهاروتی سرمچارین بچ په کومی حقانی پچ گرگ ءَ ردوینتگ هما سرمچار که په زانت ءُ سرپدی ءَ بلوچستان ءِ راجدپترءِ کیمتی ین بهرے ءَ گون وتی زگرین ءُ سهرین هونان نبیسگ انت. پروشت ءُ پروش بات ایران ءِ شیعی ـ فاشیستی حکومت آزات ءُ آباد بات گنجین بلوچستان

اپریل ۲۰۰۹

محمد کریم بلوچ

2009-04-05T05:18:00.000-07:00

2009-04-05T04:35:00.000-07:00

ھانس کریستین اندرسن ١٨٧۵ – ١٨٠۵ عیسائی

یکّے چہ دانمارک ءِ شھراں بنام اودنسہ ءَ ودی بوتگ . ورنائی ءِ وھد پہ تنگدستی ءُ واری گوازینت . پہ بد رنگی ءِ

سبب ءَ مدام آئی ءِ ھمسروکاں کلاگ کپتگ ءُ کنّت کتگ ات . اول ءَ تئاتر ءَ لیب ءُ گوازی ءُ بامردی کت .رند ءَ پہ زھگاں اسپانک ءُ کسّہ نبیس ات ءُ سک مشھور ءُ نامدار بوت. آئی ءِ نبیستگیں کتابانی نام بد رنگیں کوکلّ . سوچن . سرپی دلیریں سرباز . امپراتور ءِ نوکیں پچّ . دریائی پری . باکس بھاکنوکیں جنلّوک
٢ اپریل ءَ ودی بوتگ ءُ ۴ اگستءَ بیران بوتگ

علی رئیسی