لندن ءَ خمینی ءِ پرس ءِ سالروچ بنڈل خان ءِ پاگواجھی ءَ دارگ بوت ءُ بٹ واری ھم بوت

شمبے ءِ بیگاہ ءَ ٢ جون ٢٠١٢ برابر ١۴ خرداد ١٣٩١ ءَ لندن ءِ ھمراسمیت ءِ         ھال ء دیوانے دارگ بوت کہ دیوان ءِ چرینوک  واجہ بدل خان ات کہ ایٹلی ءَ اردو زبان ءَ وانینوک انت ءُ چہ سویدن ءَ بلوچی زبان ءِ سینگرءُ وشگُٹ سعید برھانزیی رند ات  دیوان ءِ اڈ دیوک ءُ جوڈینوک شاہد بلوچ کہ نہ بلوچی زانت ُ نہ اردو زانت ءُ نی انگریزی ءُ اشکنگ ءَ پاکستان ءِ اس آ اس ءِ مردم انت ءُ دگہ فیز بلوچ کہ چہ مری ٹکّ ءُ کٹم ءَ انت  ھمے وھد ءَ کہ لندن ءَ اے تاسانٹلو ءُ بگر بدار بوتگ ملا خامنہ ای شیرہ ای ءُ تریاکی کورین خمینی ءِ کبر ءِ سر ءَ ترّشاپ کتگ ءُ امریکہ ءُ انگریز ءُ یورپی ملکانی کماشان ءَ بد ءُ رد گوشتگ

    بنڈل خان ءِ دیوان بلوچی زبان ءُ دود ربیدگ ءِ نام ءَ دارگ بوتگ بلے آیی ءَ انگریزی ءَ گشتانک داتگ ءُ ھیچو نشہ مست ءُ ھنوش شِنّال  بوتگ کہ دیوان ءِ مردماں تو بلّ آیی ءَ وت ھم نزانتگ کہ چے گوشگا انت من ءُ حسن ھمدم کہ وتی نام ءِ نبیسگ ءَ پہ بلوچی نزانین ؟؟ بلے دیوان ءَ واجہ اسماعیل امیری بلوچی زبان ءِ چم ءُپوز ءَ وتی گُٹّ وش کتگ ءُ بوت کنت نبشتانکے ھم گون بوتگ بلے گجر زَدَگ ءُ لونڈوانی سوداگر ءَ دپی سلاھے ھم نجتگ کہ بیا چیزے بگش ءُ بوان ءُ واجہ جمشید امیری ھم چنگ لنگ بوتگ  کہ بلوچی شیرے بوانیت کہ بنڈل ءَ موہ نداتگ کہ وتی وشین گُٹّ ءَ ساز بکنت  البت دانا ءُ زانتکاریں مردم زاننت کہ اے دیوان بلوچی زبان ءِ نبوتگ  اے کوریں حمینی ءِ پرس ءِ موتک بوتگ انت کہ بنڈل ءُ آییءِ چاوشاں دپگال کتگ انت ءُ بزگیّں سعید رند بھرھانزی ءَ پہ زانت یا پہ نزانتکاری گلخان نسیر ءِ یک ءُ دو شیر جتگ ءُ بھمانگی گپّ ایش انت کہ دیوان ءِ سازگر ءُ ڈُھل ڈومبی اوگانی شیعہ مذھب بوتگ انت  ءُ بزگّیں سعیدُک ءَ اوگانی ءُ پارسی سوت جتگ ءُ وت ءَ دیوان ءِ زانتکاریں مردمانی سیلچار کتگ آ  وشّین توارے کہ پارسی زبا ن ءَ بنازین ایت آ زبان روباھے ءِ دپ ءَ بات کہ پہ مُرگی لنگکے ءَ سِرّ ءُ دور کنت ءُ مُرگانی سُنداں بڈّ ءَ جنت  اگاں اے دیوان بلوچی دیوانے ات آیاں بلوچی سازگر چہ بلوچستان ءَ بلوٹاینت انت کہ آ بزگّاں شپی شامے برستینت ءُ بلوچی زبان ءِ ند کار شاعر ءُ وشگٹّ بلوٹاینت انت کہ وتی ازمانک ءُ ناولانی بھرے بوانتیں بلے چو نہ انت اے بٹّ ءُ وراک کہ شدیگیں بلوچان ءَ داتگ اش کوریں خمینی ءِ پرس ءِ پاتیا بوتگ انت کہ چاپلوسیں ءُ چالاکیں بدل خان ءَ آیانی زرّ چہ یکدست ءُ شیرہ ای خامنہ ای ءَ گپتگ انت  بنڈل خان ءِ دوتل دوپوستی مروچگین نہ انت آ شاہ ءِ زمانگ ءَ کہ بی اس اوءِ باسک بوتگ چہ شاہ ءِ ساواک ءَ ھم تمن ءُ ڈالر گپتگ ءُ وتی بروت چرپ کتگ انت ءُ ھیرانی گپ اش انت کہ مۓ زانتکار ءُ نوک باھندیں بلوچی زبان ءِ شاعر ءُ ندکار واجہ شھاب کہ آزات بلوچستان ءِ کوکار ءَ جنت پرچا بنڈل خان ءِ دمب ءَ کپتگ کہ آیی ءِ پادانی ھاک آییءِ چمانی توتیا انت ؟ ما واجہ بندوییءَ گوشت کت نکنیں کہ پرچا آییءِ چمانی پشت ءَ بروان انت کہ پرچا پہ بدل خان ءَ شیدا انت آ دنیگا چریک فداییان ءِ ھر ءَ سوار انت ءُ گشیت من بلوچستان ءِ آزاتی ءَ نہ منّاں ءُ پارسیانی دیوان ءُ درگاھاں سرنا دپ ءَانت ءُ نَلُک جنت ءُ اشی ءَ شرّ ذانگ ءَ انت کہ کوریں   ایرانی بلوچانی چپی پاد ءُ راستی دست ءَ بُرّگ ءَانت ءُ دار ءَ درنجگ ءَ انت ءُ زرداری ءِدزبوج روچ رھمان ءَ بلوچانی سرءَ برگّ ءُ دمکاں دور دیگ ءَ انت کہ پوکستان ءَ بلوچستان ءِ فدرال منتّگ  کج انت فدرال ؟ کہ تو چہ فداییان  مجاھدین خلق تودہ ای راہ کارگر ءُ شاھی ءُ اکسریت ءَ فدرال لوٹ یے ؟ تو پہ لنگک ءَ مُرگ پاچگ ءَ یے  ءُ ھمایاں کہ ڈالرءِ امیت ءَ تیی سر ماں چات ءَ کتگ آ ترا ڈآلر ءِ رنگ ءَ پیش ندار انت کہ سھر انت یاکہ اسپیت گھترانت کاھکے بہ ور ءُ راھُکے برو ءُ چہ 

چارپادیں پارسیانی کوریں راہ ءَ  بہ ترّ