بلوچی لیب ءُ گوازی

ھنچو کہ بلوچ ءِ دود ءُ ربیدگ زبان پچ ءُ پوشاک وتی وڑین انت آیی ءِ لیب ءُ گوازی ھم وتی ڈولین انت کہ گوستگیں دور ءُ زمانگ ءَ کہ وتی واجہ ءُ مستر ءُ کستر وت بوتگ انت بازیں لیب ءُ گوازی ءَ شرت بندی ھم کتگ چو کہ اسپ تاچی گوک ءِ جنگ دیگ کروس ءِ جنگ دیگ ھشتر تاچی ءُ ھر تاچی ءُ دگہ دگہ بازین

ھما وھد ءَ کہ من کسان اتاں ھیچان ءَ لھتے لیب ءُ گوازی بوتگ ات کہ مروچاں گار ءُ بیگواہ بوتگ انت کہ ایرانی شاہ ءُ ملایاں پہ آیانی بیگواھی ءَ دست ھور بوتگ ءُ انگت ءَ بیگ ءَ انت سرھبر ءَ مروچاں گِہ ءَ پارسیانی لیب عمو زینجیر باف ءِ لیب ءَ ورناییں بلوچ استیج ءِ سرءَ پیشدارگ ءَ انت کہ اپسوز زُ ارمانی ھبریں آ وھدءَ ھیچان ءِ اے لیب ءُ گوازی بوتگ انت مجولیچ (دو نمونہ مِنکیچ برو بیا) ,ھشتیچ , پوریچ , نُھ گڈگیچ , ھراں ھوربا , چماں پترتگیچ ,کُستیگ , ڈاھَل پولیچ , دو چاپی , کپّگیچ , گُمبلیچ , ھران ریکیچ , گوکانی جنگ دیگ , ءُ دگہ بازیں

محمد حسنی ٹکّ ءِ مردماں یک لیبے پہ ھیچان ءِ وبلاگ ءَ دیم داتگ دار ءِ دوچاپی انت آیی ءَ بہ چار ات چہ بلوچستانءِ ورنا ءَ ءُ زانتکاراں دزبندی انت کہ وتی دمگ ءِ کماش ءُ پیرینان جست ءُ پرس بکن انت ءُ اودءِ لیب ءُ گوازیاں بنبیس انت ھیچان وبلاگ آیاں شیگ ءُ تالان کنت چہ پیریں جنیناں جنکی لیباں ھم جست پرس بکن ات کامیاب بات ات ,ھنچش کوھنین اسپانکاں بہ نبیس ات ءُ ءُ وتی سیہ بُن ءِ جستاں بکن ات چو کہ پلانی ءِ پت پیرُک پت کوم ءُ مات کوم دہ بیست پُشت دانکہ گیشتر ءَ زلور اے کار ءَ بکن ات