گپءُ رپے گوں واجہ عبدالکریم بلوچ ءَ

واجہ عبدالکریم بلوچ من تئی نبشتانک بلوچستان در گذر زمان پہ شرّیءُ دمءُگمءَ وانت. چہ دراجکشّیءِ سببءَمن یک تھلاپے ھم تنگ ات ,وتی مجگ گرم دات ,وتی بالاد وشنود کتءُ ترا شاباشی دات

چہ تئی نبشتانکءَ من چہ بلُوچ راجدپترءَ باز چیز دربرت, امیت انت وتی کارءَ دیمءَ بران بکن ئے.بلوچاں تئی سرءُ سوجءِ باز زلورت انت.بلوچانی ننبشتگیں راجدپتر تئی ڈولیں کماشانی گونچانءَ انت. دزبندی کناں آیانءَدرشان ءُ زاھر بکن.مرگ دوایے نہ انت ءُ ملکموت چو گژنگیں گرکءَ مئے رندءَ کپتگ. من چو واجہ رحیمءَ نگوشاں کہ وتی نبشتانکاں پیش چہ چاپ کنگءَ زانتکارےءَ پیش بدار ,تو وت زانتکارے یے,تو مسلمانے یے ,بلکیں تئی نماز ءُ روچگ کزا ھم مبنت, بلے تو پہ وتی چیردیگءَ محمدءَ ٹکے پر کتگ بزاں مخمد نبیستگ. واجہ محمد چہ ٹّکءَ پھک انت

یک زمانگے من بلوچانی آشوبی لچہ کار ءُ شاءر واجہ جی آر ملاءِ دیوانءَ نشتگ اتاں ھداءِ باروءَ گپّ بوت.جی آر ملاءَ گوشت خدا ایرانی ءُ پنجاپیانی رّب انت مئے ھداءَ ٹّک پر نیست.بزاں بلوچانی ھدا چہ ٹک,نکتہ ءُ نشآنءَ پھک انت

واجہ عبدالکریم تو عبدالکریم نئے . بیا وتی ھکیں نامءَ زاھر بکن. من ءُ توکبرءِ چلانٹک ءَ کونایگا ایں گوں ملکموتءِ چورکی موردانگءِ اشارہ ءَ ھاکانی چیرءَ رویں. کبراں کلمپوگ مان نیست .چہ کیا ترس ئے. بیا وت ءَ زاھرکن. من اے دزبندیءَ پہ اے ھاترا کناں کہ دنیاءَ ھر وڑیں دزّی بیتءُ ادبی دزّی ھم بیت. بے بلا چو مبیت چہ ترا رند یک رندے تئی نبشتانکاں وتی نامءَ بکنتءُ مالدار ببیت.گوشنت اوگانانی مزنیں شآعر انوری یک روچے بازارءَ شت ٬ گندیت مردکےءَ کوٹءُ کباھ کتگ ءُ آئیءِ شعراں دپگال کنگءَانت, مردم واہ واہ کنگ ءَ انت . انوری ءَ جست کت اے شعر کئیگ انت ؟ مردءَ پسّہ دات انورئیگنت. انوری ءَ جست کت انوری کئے انت؟ آئی ءَ پسّہ دات انوری مناں. انوری ءَ گوشت ما شعر دزّ دیستگ ات بلے شاعر دزّ ندیستگ ات

من واجہ الس پھرہ ای بزاں ھوشنگ سرابندی ٢٨ سال پیش کراچی ءِ گریب شاہ ءَ یک ساھتےءَ دیستگ, اشکنگ ءَ مروچاں اسکاندیناوی ءَ انت , من آئی ءِ نبشتانکاں وانگ ءَآں . آ دروگیں ایران ءِ منوّک نہ انت . آ بلوچستان ءِآزاتیءِ منوّک انت ءُ وتی گپاّں پہ تمردی ءُ بھادّری گوشیت. یک روچے من چہ راج زرمبشتی دانشمندے ءَ جست کت اے دموکراسیءُ فدرالی چہ موشکین کہ شما آئی ءِ رندءَ کپتگ ات ؟ اے وَ شاہ پرستانی رنگراہ انت , تو ءُ بندوئی ءَ چوں بوت کہ اے کوریں کشکءَ لنگ جنان ات؟ الس پھرہ ای ءِکشک پہ شما شرتر انت. دانشمندءَ پسّہ دات ھوشنگ سرابندی چارپادکین دست گاڑی ءِ سرءَ انت,آ چہ ایرانءَ دلیکیم انت ,پھمیشا وتی دل ءِ گپّانءَ جنت . من دانشمندءِ پسّہ ندات. بلے چو جاہ آتک کہ دلمانگ انت رند چہ ملاِیانی بادشاھی ءَ ایران ءِ بادشاہ یا سروزیر ببیت . دلءَ پہ واھندءَ بدی ئیے نیست
واجہ عبدالکریم من ترا دگہ ھالے دیاں کہ گوستگین ھپتگ ءَ رضآشاہ دوم بزاں گریواسکیں شاہءِ بچک لندنءَ بوتگ .ھدا پہ بلوچاں وت ھیر بکنت
من آیوکیں روچاں آئیءِ گشگوءَ کہ گوں کیھان لندنءُ رادیُو اسرائیلءَ کتگ چیزے نبیساں
واجہ عبدالکریم منءَ امیت انت تئی دیمتری نبشتانک ءَ تئی ھکّیں نامءَ بگنداں. ملکانی ٧٠٠ سالی ھکومت پہ من وشھبریءُ نوکیں مستاگے ات. واجہ ھدا ترا گیشتر زندگ بکنات , آمین .کامیاب بات ئے

من درستیں بلوچانءَ مستاگی دیاں کہ رند چہ ملا خمینیءِ تاسانتّلوءَ ایرانے پشت نکپیت. پرچا اگاں ملّا ناچار ببنت پیشی ڈولءَ مسیتاں بند ءُ تائید بدینتءُ پنڈگ بگرانت ,دروگیں ایرانءَ کہ پہ روسءِ کمونیست ءِ دیمگیریءَ جوڈینگ بوتگ ات ,وت چنڈ چنڈ تکّرٹکّر کن انت. سرمچارءُ بھادّریں بلوچ بلوچستانءَ آزات کن انت

علی رئیسی ٢٨ نومبر ٢٠٠٨