سومالیائی تپنگیاں ایرانی ملایانی دگہ آپی گرابے گپتگ

١٩نومبر ٢٠٠٨

گراب کہ پرّ چہ گندمءَ انت عدنءِ ھورءَ چامپتگ ءُ برتگ.برزکدّءُ بارلوسکیں سومالیائی تپنگیاں گوں وتی تیزرواجیں لانچکاں کہ چو تیرءَ تچنت گوں وڑوڑیں گرندوکیں تپنگاں ملّا خامنہ ای ءُ دکتر احمدی نژادءِ گندمی آپی گراب وتی ملکءِ پناھجاھےءَ ننگرکتگ ءُ ملیونان ڈالرءِ لوٹ کتگ

گشگی انت کہ دو ماءَ پیش سومالیائی بارگلوسکاں ایرانی آپی گرابے گپتگ ات کہ گپّ ءُ ترانءَ رند سوداگریں ملایاں گیش چہ چار ملیون ڈالر آیانءَ داتگ ات .آ گرابءَ کیمیائی درمان ءُ آسن بار بوتگ.نوں کہ گپّ گندمئیگنت لاگر ءُ بارگیں سومالیائی زلور وتی بھرءَ چہ گندمان ھم گرانت ءُلاپے چارین انت.چاریں باریں اے رندءَ چے بیت
سومالیءِ تپنگیاں یک روچے پیش بزاں ١٨ نومبرءَ عربستان سعودیءِ سکیّں ٹوھیں نپت بروکیں آپی ٹانکرے گپتگ ءُ چہ سعودیءِ بادشاہ ءَ ڈالر لوٹگ ءَ انت

سومالیائی شتنکیں تپنگیاں دانکہ اے وھدءَ ٨٣ آپی گراب گپتگ ءُ داشتگ ءُڈالر گپتگ ءُ وارتگ
سومالی ءَ رند چہ وت ماں وتی جنگ چوپءَ ھکومت نیست. نوں سومالیا چار وتواجھیں پرکنگ ءَ بھر بوتگ.ءُ ھر کس وتی سازءُ نلکءَ جنگ ءَ انت

ایرانی شوونیست کہ آ ملّا ,شاھی, تودہ ای,مجاھد چریک فدائی کہ بلوج ,کرد,عرب, ترکمن.ءُآذریانءَ وتی گلام کتگ انت دروگیں ایران پہ ھمے زوتاں سومالیءِ ڈولءَ بیت. بزاں ٹکرّٹکّر بیگ زلوری انت